ProcurCompEU – Il-qafas Ewropew ta’ kompetenzi għall-professjonisti tal-akkwist pubbliku

ProcurComp^EU hi għodda mfassla mill-Kummissjoni Ewropea biex tappoġġja l-professjonalizzazzjoni tal-akkwist pubbliku. Bid-definizzjoni ta’ 30 kompetenza ewlenija, hi tipprovdi referenza komuni għall-professjonisti tal-akkwist pubbliku fl-Unjoni Ewropea u lil hinn. Din tirrikonoxxi u tappoġġja l-akkwist pubbliku bħala funzjoni strateġika li twassal l-investiment pubbliku għal tkabbir sostenibbli.

ProcurComp^EU tgħin lill-organizzazzjonijiet biex jibnu t-timijiet tal-professjonisti li jeħtieġu biex jilħqu l-għanijiet ta’ investiment strateġiku tagħhom u biex iħeġġu karrieri fl-akkwist. Tgħin lil professjonisti individwali tal-akkwist pubbliku jivvalorizzaw il-kompetenzi, u tiffaċilita t-taħriġ u l-iżvilupp professjonali tagħhom. Tgħin ukoll lill-fornituri tat-taħriġ biex jibnu programmi ta’ taħriġ xieraq.

ProcurCompEU

Id-dokument prinċipali ta’ ProcuraComp^UE jinkludi

• ħarsa ġenerali lejn ProcurComp^EU u l-każijiet ta’ użu tagħha
• matriċi ta’ kompetenzi, li tiddeskrivi t-30 kompetenza u l-ħiliet li għandu jkollhom il-professjonisti tal-akkwist pubbliku, skont ir-rwol li jwettqu.
• għodda ta’ awtovalutazzjoni li l-professjonisti u l-organizzazzjonijiet tal-akkwist pubbliku jistgħu jużaw biex jivvalutaw il-livelli ta’ profiċjenza u l-maturità organizzazzjonali tagħhom fil-kompetenzi identifikati fil-matriċi ta’ kompetenzi
• kurrikulu ta’ taħriġ ġeneriku li juri kif l-amministrazzjonijiet pubbliċi jistgħu jtejbu l-ħiliet tal-professjonisti tal-akkwist tagħhom.

Sett ta’ għodod ta’ ProcurCompEU

Is-sett ta’ għodod ta’ ProcurComp^EU jinkludi l-fajls u l-għodod ta’ appoġġ neċessarji biex jiġi implimentat il-qafas ta’ ProcurComp^EU

• il-gwida ta’ awtovalutazzjoni tal-utent li tipprovdi linji gwida prattiċi dwar il-prestazzjoni ta’ awtovalutazzjoni
• it-template tal-kwestjonarju tal-EUSurvey
• l-ispreadsheet tal-kalkolu tar-riżultati

Hi disponibbli verżjoni ta’ demostrazzjoni online tal-kwestjonarju. 

ProcurCompEU fil-post

Studju dwar il-professjonalizzazzjoni tal-akkwist pubbliku fl-UE u lil hinn li jipprovdi ħarsa ġenerali tal-politiki dwar il-professjonalizzazzjoni tal-akkwist pubbliku fil-qasam tal-immaniġġjar tar-riżorsi umani bbażati fuq il-kompetenzi fil-pajjiż tal-UE u f’pajjiżi mhux tal-UE magħżulin.

Rapporti minn studji ta’ każijiet ta’ implimentazzjoni