Din l-informazzjoni hi disponibbli wkoll: bl-Ukren | українська | bir-Russu | русский
Fl-24 ta’ Frar 2022, ir-Russja nediet gwerra ta’ aggressjoni kontra l-Ukrajna, li sfidat l-aspirazzjonijiet tal-Ukreni għal futur aħjar, u li jersqu eqreb lejn l-UE. Dan kien attakk, mhux biss kontra l-Ukrajna iżda kontra l-libertà, l-awtodeterminazzjoni, u d-demokrazija.
Sa mill-bidu tal-gwerra, l-UE appoġġat lill-Ukrajna b’impenn sod. Ipprovdejna lill-pajjiż appoġġ politiku, finanzjarju, militari u umanitarju mingħajr preċedent u lqajna miljuni ta’ Ukreni li qed ifittxu rifuġju fl-Istati Membri.
L-UE se tkompli toffri assistenza lill-Ukrajna u timponi sanzjonijiet ħorox kontra r-Russja u dawk kompliċi fil-gwerra.
Azzjonijiet tal-UE
Tgħallem dwar l-appoġġ politiku, umanitarju u finanzjarju tal-UE għall-Ukrajna
Appoġġ lill-Ukrajna fl-isforzi tagħha lejn aktar integrazzjoni tal-UE
Kif l-UE qed tappoġġa l-isforzi ta’ rkupru tal-pajjiż
Ħarsa ġenerali lejn is-sanzjonijiet tal-UE mmirati lejn setturi, entitajiet u atturi kompliċi
L-iżgurar li r-Russja tiġi kkastigata għad-delitti tal-gwerra tagħha u tħallas għall-ħsara li saret
Kif l-UE qed tappoġġa lill-Istati Membri biex jissodisfaw il-ħtiġijiet ta’ dawk li qed jaħarbu mill-Ukrajna
Taħt il-lenti
30 ta’ Ġunju 2026 — Il-Kummissjoni bdiet tiżborża €3.9 biljun biex tappoġġa l-akkwist tad-droni għall-Ukrajna fl-ambitu tas-Self ta’ Appoġġ għall-Ukrajna ta’ €90 biljun.
Dan huwa l-ewwel pagament parzjali minn porzjon ta’ madwar €6 biljun għad-droni magħmulin fl-Ukrajna. Id-droni huma kapaċità ewlenija għall-Ukrajna, hekk kif qed tkompli tiddefendi lilha nnifisha kontra l-gwerra ta’ aggressjoni tar-Russja, u dan il-finanzjament se jgħin ħalli jiġi żgurat it-twassil rapidu ta’ tagħmir kritiku.
Se jsegwu aktar żborżi fl-ambitu dan is-segment, b’appoġġ futur estiż ukoll għall-munizzjon, il-missili u s-sistemi ta’ difiża tal-ajru.
Kronoloġija
- 25 ta’ Ġunju 2026
Il-Kummissjoni tiżborża €3.2 biljun fl-ewwel pagament parzjali tas-self ta’ appoġġ ta’ €90 biljun għall-Ukrajna
- 15 ta’ Ġunju 2026
L-UE u l-Ukrajna jiftħu l-ewwel ġabra ta’ negozjati dwar l-adeżjoni
- 8 ta’ Ġunju 2026
Il-Kummissjoni tiżborża €2.8 biljun lill-Ukrajna fis-seba’ pagament regolari fl-ambitu tal-Faċilità għall-Ukrajna
- 15 ta’ Mejju 2026
L-UE tingħaqad formalment mat-Tribunal Speċjali għad-Delitt ta’ Aggressjoni kontra l-Ukrajna u tirratifika l-Konvenzjoni li tistabbilixxi l-Kummissjoni Internazzjonali għat-Talbiet
- 23 ta’ April 2026
L-UE tadotta l-20 pakkett ta’ sanzjonijiet kontra r-Russja u tapprova s-self ta’ appoġġ ta’ €90 biljun għall-Ukrajna
- 18 ta’ Diċembru 2024
L-iżborż tat-tieni pagament regolari fl-ambitu tal-Faċilità għall-Ukrajna
Eventi
The JRC, in cooperation with Łukasiewicz Research Network, is organising its official side event in the framework of the Ukraine Recovery Conference (UCR).
I anledning af Europadagen den 9. maj afholder vi i samarbejde med Ukraine House et arrangement, der undersøger befrielse som en ulige og ofte omstridt oplevelse.
Din il-paġna ġiet aġġornata l-aħħar: 25 Ġunju 2026