L-aggressjoni militari mhux ġustifikata tar-Russja kontra l-Ukrajna u l-mod kif qed tuża l-provvisti tal-gass bħala arma wasslu biex l-UE ssib ruħha fi kriżi tal-enerġija li qatt ma kellha bħalha qabel. Kaġun ta’ dan, il-prezzijiet tal-enerġija għolew bil-kbir f’daqqa waħda, u dan fisser tbatija għall-Ewropej. B’reazzjoni, fl-2022 l-UE ħadet miżuri ta’ emerġenza biex tistabbilizza l-prezzijiet tal-enerġija u tiżgura l-aċċess għall-provvista tal-gass fix-xitwa. Għal li ġej, il-Kummissjoni tinsab iffukata fuq li tindirizza l-ispejjeż persistentement għoljin tal-enerġija, li jolqtu liċ-ċittadini u n-negozji tal-UE. Għal dan l-għan, fi Frar 2025 il-Kummissjoni ppreżentat pjan ta’ azzjoni ġdid maħsub biex jitnaqqsu l-ispejjeż tal-enerġija, titlesta l-unjoni tal-enerġija, jiġu attirati l-investimenti, u titjieb il-preparatezza għal kriżijiet li jistgħu jinqalgħu fil-qasam tal-enerġija. REPowerEU F’Mejju 2022, il-Kummissjoni ppreżentat il-pjan REPowerEU biex titnaqqas malajr id-dipendenza tal-UE fuq il-fjuwils fossili Russi bl-aċċellerazzjoni tat-tranżizzjoni nadifa u b’kollaborazzjoni bejnietna biex naslu għal sistema tal-enerġija aktar reżiljenti b’unjoni tal-enerġija awtentika.Bis-saħħa tar-REPowerEU, issalvagwardjajna liċ-ċittadini u n-negozji tal-UE mill-iskarsezzi tal-enerġija, appoġġjajna lil-Ukrajna billi dgħajjifna l-fondi li r-Russja tista’ tuża għall-gwerra, għaġġilna t-tranżizzjoni lejn enerġija nadifa, u stabbilizzajna l-prezzijiet.Fl-ewwel sentejn minn mindu varajnieh, irnexxielnainnaqqsu l-konsum tal-gass bi 18%negħlbu d-dipendenza li kellna fuq il-fjuwils fossili Russiniżguraw l-aċċess għal enerġija sigura u bi prezzijiet raġonevolinipproduċu, għall-ewwel darba, aktar elettriku mir-riħ u mix-xemx milli mill-gassinżidu malajr l-impjanti tal-enerġija rinnovabbli Niżguraw li jkollna biżżejjed gass għax-xitwa F'Ġunju u Lulju 2022, il-Kummissjoni pproponiet regoli ġodda biex jiġi żgurat li l-Ewropa jkollha provvista tal-gass li tkun biżżejjed biex tilqa’ għal kwalunkwe qtugħ għal għarrieda min-naħa tar-Russja fix-xhur tax-xitwa.Bir-regoli l-ġodda dwar il-ħżin tal-gass, sal-1 ta’ Novembru ta’ kull sena l-pajjiżi tal-UE jridu jkunu mlew il-faċilitajiet tal-ħażna sa 90% tal-kapaċità tagħhom. Fil-bidu tal-istaġun xitwi tal-2024-2025, il-ħażniet tal-gass kellhom 95% minnhom mimlijin. Il-livell minimu ta’ 90% kien diġà ntlaħaq f’Awwissu 2024.Barra minn hekk, f’Awwissu 2022, il-pajjiżi tal-UE qablu fuq regolament biex b’mod volontarju jnaqqsu d-domanda għall-gass naturali bi 15% għall-istaġun xitwi tal-2022-2023. Aktar tard, estendewh biex ikopri x-xitwa tal-2023-2024. F’Marzu 2024, il-Kunsill adotta rakkomandazzjoni biex jibqgħu jittieħdu miżuri volontarji sa Marzu 2025 biex jiġi mantnut tnaqqis kollettiv ta’ 15% fid-domanda għall-gass meta mqabbel mad-domanda medja li kien hemm bejn April 2017 u Marzu 2022.F’April 2022, il-Kummissjoni varat ukoll il-Pjattaforma tal-Enerġija tal-UE, biex tgħin lill-pajjiżi tal-UE jaħdmu flimkien fuq is-swieq globali. L-għan hu li tiġi evitata l-kompetizzjoni bejn il-pajjiżi tal-UE, li jsir użu mill-influwenza tal-UE biex jiġu ggarantiti sorsi differenti ta’ enerġija, li titħeġġeġ il-kompetizzjoni fost il-fornituri ewlenin, u li jinkisbu kundizzjonijiet aħjar għall-konsumaturi. Il-faċilitajiet għall-ħażna tal-gassli jridu jkunu mtlew qabel kull xitwa90%li jridu jkunu mtlew sal-1 ta’ Novembru ta’ kull sena95%il-perċentwal ta’ kemm imtela gass qabel ix-xitwa tal-2024-2025 Niddiversifikaw is-sorsi tal-gass u ninvestu fl-infrastruttura Element importanti biex niżguraw provvisti tal-enerġija siguri u bi prezzijiet raġonevoli huwa d-diversifikazzjoni tar-rotot tal-provvista. Fis-snin li għaddew, l-UE ħadmet mas-sħab internazzjonali tagħha biex tiddiversifika l-provvisti. Mill-2022 ’l hawn, il-Kummissjoni kkonkludiet ftehimiet mal-Eġittu, ma’ Iżrael, u mal-Ażerbajġan biex dawn jesportaw il-gass naturali lejn l-Ewropa. Barra minn hekk, l-UE żiedet l-importazzjonijiet tal-gass naturali likwifikat (LNG) mill-Amerika ta’ Fuq, mill-Awstralja, mill-Qatar, u mill-Afrika tal-Lvant, u permezz tal-katusi min-Norveġja, mir-Renju Unit, mill-Ażerbajġan, u mill-Afrika ta’ Fuq.Permezz ta’ investimenti f’terminals tal-LNG u f’interkonnetturi tal-gass ġie żgurat li issa kull pajjiż tal-UE jista’ jieħu l-gass minn mill-inqas żewġ sorsi, u bejn il-pajjiżi ġirien jista’ jkun hemm flussi fid-direzzjoni opposta. Ngħidu aħna, f’Mejju 2022 beda jaħdem l-interkonnettur tal-gass bejn il-Polonja u l-Litwanja, u dan saħħaħ il-possibbiltà tal-għażla u r-reżiljenza tas-suq Baltiku tal-gass. Similment, f’Ottubru 2022 ġie varat l-interkonnettur tal-gass bejn il-Greċja u l-Bulgarija, li għandu rwol ewlieni fid-diversifikazzjoni tal-provvisti tal-gass fix-Xlokk tal-Ewropa. Nifirxu l-użu tal-enerġija rinnovabbli Minbarra li niggarantixxu li jkollna sorsi minn barra l-UE, irridu nużaw kemm nistgħu enerġija ġġenerata fit-territorju tagħna. L-UE diġà qiegħda fuq quddiem nett fid-dinja fl-iżvilupp tat-teknoloġija għall-enerġiji rinnovabbli. Fl-2023, 24.5% tal-konsum tal-enerġija fl-UE kien ġej mill-enerġija rinnovabbli. Bir-reviżjoni tad-Direttiva dwar l-Enerġija Rinnovabbli f’Novembru 2023, il-pajjiżi tal-UE qablu fuq mira kumplessiva li, sal-2030, il-persentaġġ tal-enerġija rinnovabbli fil-livell tal-UE jkun mill-inqas 42.5%, bl-għan li naslu għal mill-inqas 45%.Biex jgħaġġlu l-firxa tal-użu tal-enerġija rinnovabbli, f’Diċembru 2022 il-pajjiżi tal-UE qablu fuq regoli temporanji li jippermettu proċeduri ssimplifikati għar-rilaxx tal-permessi. L-enerġija rinnovabblifl-UE24.5%il-persentaġġ tal-enerġija rinnovabbli fil-konsum tal-enerġija fl-UE fl-202342.5%il-mira kumplessiva għall-enerġija rinnovabbli li trid tkun intlaħqet fil-livell tal-UE sal-2030 (bil-għan li nkunu lħaqna mill-inqas 45%) Inraħħsu l-kontijiet għall-familji u n-negozji Ewropej B’reazzjoni għall-użu tal-enerġija bħala arma mir-Russja, f’Ottubru 2022 il-pajjiżi tal-UE qablu fuq intervent ta’ emerġenza biex jitraħħsu l-kontijiet tal-enerġija għall-familji u n-negozji Ewropej. Dan kien fih miżuri eċċezzjonali:li titbaxxa d-domanda għad-dawl (10% b’mod ġenerali, bi tnaqqis obbligatorju ta’ 5% fil-ħinijiet l-aktar intensivi)li jiġi restritt id-dħul (€180 għal kull MWh) li jkun ġej mill-produtturi tal-enerġija b’inqas spejjeż (nukleari, mil-linjite, minn sorsi rinnovabbli) u li l-eċċess jiġi rridistribwit lill-konsumaturili tiddaħħal kontribuzzjoni temporanja ta’ solidarjetà fuq il-qligħ eċċessiv fl-oqsma taż-żejt, tal-gass, tal-faħam, u tar-raffineriji, u li l-fondi jmorru għall-konsumaturi tal-enerġija.Il-miżuri ta’ emerġenza skadew fl-2023. Fi Frar 2023, il-pajjiżi tal-UE qablu wkoll fuq mekkaniżmu ta’ korrezzjoni tas-suq biex jiġu evitati d-disturbi fis-suq enerġetiku u finanzjarju. F’każ ta’ bżonn, kien jiġi attivat awtomatikament:kieku l-prezz tat-Title Transfer Facility (TTF) ta’ xahar bil-quddiem qabeż il-€180/MWh għal 3 ijiem tax-xogħol, u kieku l-prezz tat-TTF kien €35 ogħla minn prezz ta’ referenza għall-gass naturali likwifikat (LNG) fis-swieq globali għall-istess 3 ijiem tax-xogħol.Il-mekkaniżmu kien fis-seħħ sa Jannar 2025 u qatt ma kien hemm bżonnu. Dan kien il-każ bis-saħħa ta’ fatturi bħat-tnaqqis strutturali tad-domanda, l-affidabbiltà tal-importazzjonijiet tal-LNG u permezz tal-katusi mingħand sħab li nistgħu noqogħdu fuqhom, u t-titjib fl-infrastruttura tal-importazzjoni. Pjan ta’ azzjoni għall-enerġija bi prezzijiet raġonevoli Madankollu, il-prezzijiet tal-enerġija fl-UE għadhom strutturalment għoljin, u minħabba f’hekk qed ibatu ċ-ċittadini tal-UE u l-kompetittività tal-industrija tal-UE. Għaldaqstant, fi Frar 2025 il-Kummissjoni pproponiet il-pjan ta’ azzjoni għal enerġija bi prezzijiet raġonevoli, li jistabbilixxi miżuri konkreti fuq terminu qasir biex innaqqsu l-ispejjeż tal-enerġija għaċ-ċittadini, għan-negozji, għall-industrija, u għall-komunitajiet fl-UE, biex inlestu l-unjoni tal-enerġija, biex nattiraw l-investimenti, u biex inkunu ppreparati aħjar għal kriżijiet potenzjali tal-enerġija.Dan se jippermetti ffrankar globali stmat ta’ €45 biljun fl-2025, b’żieda progressiva sa €130 biljun fis-sena sal-2030, u €260 biljun fis-sena sal-2040.Stima ta’ kemm, kollox ma’ kollox, se niffrankaw €45 biljunfl-2025sa €130 biljunfis-sena sal-2030sa €260 biljunfis-sena sal-2040 Links relatati REPowerEUIl-prezzijiet tal-enerġija fl-UE You are EU
F’Mejju 2022, il-Kummissjoni ppreżentat il-pjan REPowerEU biex titnaqqas malajr id-dipendenza tal-UE fuq il-fjuwils fossili Russi bl-aċċellerazzjoni tat-tranżizzjoni nadifa u b’kollaborazzjoni bejnietna biex naslu għal sistema tal-enerġija aktar reżiljenti b’unjoni tal-enerġija awtentika.Bis-saħħa tar-REPowerEU, issalvagwardjajna liċ-ċittadini u n-negozji tal-UE mill-iskarsezzi tal-enerġija, appoġġjajna lil-Ukrajna billi dgħajjifna l-fondi li r-Russja tista’ tuża għall-gwerra, għaġġilna t-tranżizzjoni lejn enerġija nadifa, u stabbilizzajna l-prezzijiet.Fl-ewwel sentejn minn mindu varajnieh, irnexxielnainnaqqsu l-konsum tal-gass bi 18%negħlbu d-dipendenza li kellna fuq il-fjuwils fossili Russiniżguraw l-aċċess għal enerġija sigura u bi prezzijiet raġonevolinipproduċu, għall-ewwel darba, aktar elettriku mir-riħ u mix-xemx milli mill-gassinżidu malajr l-impjanti tal-enerġija rinnovabbli
Element importanti biex niżguraw provvisti tal-enerġija siguri u bi prezzijiet raġonevoli huwa d-diversifikazzjoni tar-rotot tal-provvista. Fis-snin li għaddew, l-UE ħadmet mas-sħab internazzjonali tagħha biex tiddiversifika l-provvisti. Mill-2022 ’l hawn, il-Kummissjoni kkonkludiet ftehimiet mal-Eġittu, ma’ Iżrael, u mal-Ażerbajġan biex dawn jesportaw il-gass naturali lejn l-Ewropa. Barra minn hekk, l-UE żiedet l-importazzjonijiet tal-gass naturali likwifikat (LNG) mill-Amerika ta’ Fuq, mill-Awstralja, mill-Qatar, u mill-Afrika tal-Lvant, u permezz tal-katusi min-Norveġja, mir-Renju Unit, mill-Ażerbajġan, u mill-Afrika ta’ Fuq.Permezz ta’ investimenti f’terminals tal-LNG u f’interkonnetturi tal-gass ġie żgurat li issa kull pajjiż tal-UE jista’ jieħu l-gass minn mill-inqas żewġ sorsi, u bejn il-pajjiżi ġirien jista’ jkun hemm flussi fid-direzzjoni opposta. Ngħidu aħna, f’Mejju 2022 beda jaħdem l-interkonnettur tal-gass bejn il-Polonja u l-Litwanja, u dan saħħaħ il-possibbiltà tal-għażla u r-reżiljenza tas-suq Baltiku tal-gass. Similment, f’Ottubru 2022 ġie varat l-interkonnettur tal-gass bejn il-Greċja u l-Bulgarija, li għandu rwol ewlieni fid-diversifikazzjoni tal-provvisti tal-gass fix-Xlokk tal-Ewropa.
B’reazzjoni għall-użu tal-enerġija bħala arma mir-Russja, f’Ottubru 2022 il-pajjiżi tal-UE qablu fuq intervent ta’ emerġenza biex jitraħħsu l-kontijiet tal-enerġija għall-familji u n-negozji Ewropej. Dan kien fih miżuri eċċezzjonali:li titbaxxa d-domanda għad-dawl (10% b’mod ġenerali, bi tnaqqis obbligatorju ta’ 5% fil-ħinijiet l-aktar intensivi)li jiġi restritt id-dħul (€180 għal kull MWh) li jkun ġej mill-produtturi tal-enerġija b’inqas spejjeż (nukleari, mil-linjite, minn sorsi rinnovabbli) u li l-eċċess jiġi rridistribwit lill-konsumaturili tiddaħħal kontribuzzjoni temporanja ta’ solidarjetà fuq il-qligħ eċċessiv fl-oqsma taż-żejt, tal-gass, tal-faħam, u tar-raffineriji, u li l-fondi jmorru għall-konsumaturi tal-enerġija.Il-miżuri ta’ emerġenza skadew fl-2023.
