Kompetittività

Ħarsa ġenerali

L-Ewropa minn dejjem kienet kontinent tal-industriji, tal-intrapriżi u tal-innovazzjoni u bidlet suritha permezz ta’ rivoluzzjonijiet industrijali u teknoloġiċi, kompetizzjoni globali u soċjetajiet li jinbidlu.

Ħriġna aktar b’saħħitna mix-xokk tal-lockdowns u għelibna kriżi tal-enerġija bla preċedent u dan ksibnieh flimkien b’reżiljenza u determinazzjoni. Madankollu, il-kompetittività tagħna issa teħtieġ spinta kbira. L-ekonomija globali qed tinbidel b’rata mgħaġġla.

Biex nipproteġu u nagħtu spinta lill-kompetittività tal-Ewropa, anke fil-konfront ta’ atturi globali oħra, il-prosperità u l-ġustizzja, irridu nieħdu azzjoni deċiżiva. Nibdew billi niffaċilitaw u nħaffu n-negozju, u napprofondixxu s-suq uniku tagħna fis-setturi kollha. Il-Boxxla għall-Kompetittività, bħala l-ewwel inizjattiva ewlenija tal-Kummissjoni l-ġdida, se tipprovdi qafas għall-ħidma futura tagħna billi tibni fuq ir-rapport ta’ Draghi.

Ċifri ewlenin

49.3% is-sehem tas-sorsi tal-enerġija rinnovabbli fil-ġenerazzjoni tal-elettriku fit-tielet trimestru tal-2025

sa €4 biljun għall-investiment fir-riċerka u l-implimentazzjoni tal-IA għall-perjodu 2024–2027

76.2% tal-persuni ta’ bejn l-20 u l-64 sena kellhom impjieg fl-ewwel trimestru tal-2025, livell rekord

_^Sorsi:_^Eurostat_^,_{^{DĠ CNECT}}_^,_^Eurostat

Objettivi

Niffaċilitaw in-negozju
biex inrawmu t-tkabbir ekonomiku
Patt għal Industrija Nadifa
biex nappoġġaw l-industriji kompetittivi tal-UE u noħolqu impjiegi ta’ kwalità
Ekonomija aktar ċirkolari u reżiljenti
għal tranżizzjoni lejn prattiki aktar sostenibbli ta’ produzzjoni u ta’ konsum
Insaħħu l-produttività permezz tad-diffużjoni tat-teknoloġija diġitali
biex tissaħħaħ il-kompetittività tal-UE u tkun minn ta’ quddiem fl-innovazzjoni tal-IA
Inpoġġu r-riċerka u l-innovazzjoni
fil-qofol tal-ekonomija tagħna
Spinta kbira lill-investiment
biex ngħaġġlu t-tranżizzjoni ekoloġika, diġitali u soċjali
Nindirizzaw il-lakuni fil-ħiliet u fil-ħaddiema
biex intejbu l-karrieri tan-nies u l-kompetittività ekonomika

Kif se nilħqu l-objettivi tagħna

Biex niżguraw il-kompetittività u l-prosperità tal-Ewropa, fil-ftit snin li ġejjin

Se niffaċilitaw u nħaffu n-negozju

Biex insaħħu l-kompetittività tagħna

se nintroduċu Boxxla għall-Kompetittività biex inxejnu d-diskrepanza fl-innovazzjoni, inneħħu l-karbonju, u nżidu s-sigurtà
se nlestu s-suq uniku f’setturi ewlenin biex il-kumpaniji jkunu jistgħu jespandu
nimplimentaw approċċ ġdid għall-politika tal-kompetizzjoni
se nnaqqsu l-piż amministrattiv u l-obbligi ta’ rapportar bi mqar 25%, u b’mill-inqas 35% għall-SMEs
se nittestjaw l-acquis tal-UE u se nagħmlu proposti biex tiġi ssimplifikata u kkodifikata l-leġiżlazzjoni ħalli jiġu eliminati d-duplikazzjonijiet u l-kontradizzjonijiet, filwaqt li jinżammu standards għoljin
se nipproponu status legali ġdid għall-UE kollha biex ngħinu lill-kumpaniji innovattivi jikbru
se jkollna kontroll ġdid għall-SMEs u għall-kompetittività biex ikun jista’ jiġi evitat piż amministrattiv bla bżonn
se nipproponu li jiġġedded il-Ftehim Interistituzzjonali dwar is-simplifikazzjoni u t-tfassil aħjar tal-liġijiet

Se nfasslu Patt ġdid għal Industrija Nadifa

Biex inkomplu niksbu l-għanijiet stabbiliti fil-Patt Ekoloġiku Ewropew, inneħħu l-karbonju mill-ekonomija tagħna u nnaqqsu l-prezzijiet tal-enerġija

se nippreżentaw Patt għal Industrija Nadifa biex l-industrija tagħna ssir kompetittiva u jinħolqu impjiegi ta’ kwalità
se nipproponu li ndaħħlu mira ta’ tnaqqis tal-emissjonijiet ta’ 90% għall-2040fil-Liġi Ewropea dwar il-Klima
se nappoġġaw lill-industriji u lill-kumpaniji permezz tat-tranżizzjoni billi jitnieda att għall-aċċelerazzjoni tad-dekarbonizzazzjoni industrijali, li jgħin biex l-ippjanar, is-sejħa għall-offerti u l-permessi relatati jsiru aktar malajr
se nnaqqsu l-ispejjeż tal-enerġija għad-djar u għan-negozji billi titlesta l-unjoni tal-enerġija
se ninvestu fl-infrastruttura tal-enerġija nadifa u fit-teknoloġiji relatati
se nattivaw u nestendu l-mekkaniżmu tad-domanda aggregata tagħna biex immorru lil hinn mill-gass u ninkludu l-idroġenu u l-materja prima kritika
se niżguraw provvisti ta’ materja prima, ta’ enerġija nadifa u ta’ teknoloġija nadifa bl-iżvilupp ta’ sħubijiet għal kummerċ u investimenti nodfa
se nkomplu nkunu minn ta’ quddiem fin-negozjati internazzjonali dwar il-klima
se nħeġġu l-ivvjaġġar bil-ferrovija u nipproponu Regolament dwar Sistema Unika Diġitali ta’ Bbukkjar u ta’ Ħruġ ta’ Biljetti, biex niżguraw li l-Ewropej ikunu jistgħu jixtru biljett wieħed fuq pjattaforma waħda u jibbenefikaw mid-drittijiet tal-passiġġieri matul il-vjaġġ kollu tagħhom

Se naħdmu biex ikollna ekonomija aktar ċirkolari u reżiljenti

Biex naqilbu għal xejra aktar sostenibbli ta’ produzzjoni u konsum, filwaqt li nżommu l-valur tar-riżorsi fl-ekonomija tagħna għal aktar żmien

se ngħinu biex tinħoloq domanda tas-suq għal materjali sekondarji u suq uniku għall-iskart permezz ta’ att ġdid dwar l-ekonomija ċirkolari
se nressqu pakkett ġdid għall-industrija tas-sustanzi kimiċi, li jipprovdi ċarezza dwar is-“sustanzi kimiċi dejjiema”, jew il-PFAS
se naħdmu biex titlesta l-unjoni Ewropea tas-saħħa billi niddiversifikaw il-ktajjen tal-provvista, inrawmu l-aċċess għall-aktar trattamenti avvanzati, u nagħmlu s-settur tas-saħħa u tal-farmaċewtika aktar reżiljenti
se naħdmu biex jitnaqqsu d-dipendenzi fuq il-mediċini kritiċi u l-ingredjenti kritiċi billi jiġi ppreżentat att dwar il-mediċini kritiċi
se naħdmu aktar fuq is-saħħa preventiva, l-aktar fejn tidħol is-saħħa mentali, il-mard kardjovaskulari, il-kanċer, kif ukoll fuq it-trattamenti għall-mard deġenerattiv u r-riċerka dwar l-awtiżmu
se nissalvagwardjaw is-sigurtà tas-sistemi tal-kura tas-saħħa tagħna billi jiġi propost pjan ta’ azzjoni Ewropew dwar iċ-ċibersigurtà tal-isptarijiet u tal-fornituri tal-kura tas-saħħa

Se nagħtu spinta lill-produttività bid-diffużjoni tat-teknoloġija diġitali

Biex inżidu l-produttività bid-diffużjoni tat-teknoloġiji diġitali

se nħeġġu l-investimenti fl-infrastrutturi diġitali biex intejbu l-aċċess għal konnettività sigura, rapida u affidabbli
se nkomplu nintensifikaw l-infurzar tagħna tal-liġijiet diġitali tal-UE
se nindirizzaw l-isfidi bil-pjattaformi tal-kummerċ elettroniku
se nżidu l-investiment fis-supercomputing, fis-semikondutturi, fl-Internet tal-Oġġetti, fil-ġenomika, fil-computing kwantistiku, u fit-teknoloġija spazjali
se niżguraw l-aċċess għall-kapaċità tas-supercomputing għan-negozji ġodda u għall-industrija tal-IA permezz tal-pjan ta’ azzjoni għal kontinent tal-IA
se nagħtu spinta lill-użi industrijali ġodda tal-IA u ntejbu s-servizzi pubbliċi permezz ta’ strateġija għall-applikazzjoni tal-IA
se niġbru flimkien ir-riżorsi kollha tagħna permezz tar-Riżorsa għax-Xjenza tal-IA fl-Ewropa (RAISE)
se niżguraw kondiviżjoni tad-data mingħajr xkiel u fuq skala kbira permezz ta’ strateġija għal unjoni Ewropea tad-data

Open Doors Day at the European Institutions

Se npoġġu r-riċerka u l-innovazzjoni fil-qalba tal-ekonomija tagħna

Biex insaħħu l-kompetittività tal-Ewropa u nixprunawha lejn era ġdida ta’ invenzjoni u inġenjożità, se nqiegħdu r-riċerka, l-innovazzjoni, ix-xjenza u t-teknoloġija fiċ-ċentru tal-ekonomija tagħna. Għalhekk

se nżidu l-infiq fir-riċerka biex niffokaw aktar fuq prijoritajiet strateġiċi
se nespandu l-Kunsill Ewropew tar-Riċerka u l-Kunsill Ewropew tal-Innovazzjoni
se niffaċilitaw u ngħaġġlu l-proċess biex il-bijoteknoloġija tinġieb mil-laboratorju fis-suq permezz ta’ att Ewropew dwar il-bijoteknoloġija
se nappoġġaw it-tranżizzjonijiet ekoloġiċi u diġitali u niżviluppaw teknoloġiji ta’ valur għoli permezz ta’ strateġija għax-xjenzi tal-ħajja Ewropej
se nsaħħu l-kollaborazzjoni bejn id-dipartimenti tar-riċerka, l-edukazzjoni għolja u n-negozju billi nsaħħu l-alleanzi universitarji

Se nagħtu spinta kbira lill-investiment

Se ninvestu bil-kbir fil-kompetittività sostenibbli tagħna, billi nużaw l-investiment pubbliku biex nisfruttaw u nnaqqsu r-riskju tal-kapital privat. Għalhekk

se nippreżentaw miżuri li jassorbu r-riskju biex ikun aktar faċli li l-banek kummerċjali, l-investituri u l-kapital ta’ riskju jiffinanzjaw kumpaniji li qed jikbru b’rata mgħaġġla
se nirrieżaminaw ir-regoli tagħna biex nindirizzaw l-ostakli li jillimitaw l-ammont ta’ kapital Ewropew disponibbli għall-finanzjament tal-innovazzjoni
se nisfruttaw it-tfaddil privat biex isir investiment fl-innovazzjoni u fit-tranżizzjonijiet nodfa u diġitali billi titwaqqaf unjoni Ewropea tat-tfaddil u tal-investimenti
se nirrevedu r-regoli dwar l-akkwist pubbliku biex tkun tista’ tingħata preferenza lill-prodotti Ewropej għal ċerti setturi strateġiċi
se niżviluppaw teknoloġiji strateġiċi u nimmanifatturawhom fl-Ewropa billi jiġi stabbilit fond Ewropew għall-kompetittività li se jappoġġa wkoll proġetti importanti ta’ interess komuni

Se nindirizzaw il-lakuni fil-ħiliet u fil-ħaddiema

Biex intejbu l-karriera tan-nies u l-kompetittività tagħna

se nwaqqfu unjoni tal-ħiliet li tiffoka fuq l-investiment, l-apprendiment tul il-ħajja u ż-żamma tal-ħiliet
se naħdmu biex intejbu l-ħiliet bażiċi
se nipproponu pjan strateġiku għall-edukazzjoni STEM biex jindirizza t-tnaqqis fil-prestazzjoni, in-nuqqas ta’ għalliema kwalifikati f’oqsma marbuta max-xjenza, it-teknoloġija, l-inġinerija u l-matematika (STEM, Science, Technology, Engineering and Maths) u jdaħħal aktar bniet fl-edukazzjoni u l-karrieri STEM
se nippromwovu l-edukazzjoni u t-taħriġ vokazzjonali (VET, Vocational Education and Training) bi strateġija Ewropea għall-VET
se nagħtu spinta u nerġgħu nallokaw finanzjament għall-ħiliet fil-baġit tal-UE
se niżguraw ir-rikonoxximent tal-ħiliet bejn il-pajjiżi billi nressqu inizjattiva dwar it-trasferibbiltà tal-ħiliet u nkomplu naħdmu għal lawrja Ewropea

Il-progress s’issa

Immonitorja, segwi u ibqa’ aġġornat dwar il-progress ta’ inizjattivi ġodda, liġijiet proposti u bidliet leġiżlattivi taħt din il-prijorità

Settembru 2026
Att Ewropew dwar l-innovazzjoni biex nikkontribwixxu biex l-aktar ideat innovattivi tal-Ewropa jiġu żviluppati u ffinanzjati, u jinfirxu fuq skala kbira fl-Ewropa
Lulju 2026
Pjan ta’ azzjoni għall-elettrifikazzjoni biex lill-Ewropa nagħmluha l-ewwel kontinent “li jaħdem bl-elettriku” fid-dinja
Pjan ġdid biex jiġu indirizzati r-riskji u nisfruttaw l-opportunitajiet tal-intelliġenza artifiċjali avvanzata fiċ-ċibersigurtà
Ġunju 2026
Pakkett ta’ simplifikazzjoni tat-taxxa biex jiġu ssimplifikati r-regoli tat-taxxa tal-UE u jitnaqqsu l-piżijiet tal-konformità għan-negozji
Il-pakkett dwar is-sovranità teknoloġika Ewropea, sett ta’ miżuri ġodda biex jissaħħu l-awtonomija u r-reżiljenza diġitali tal-Ewropa
Mejju 2026
Inizjattiva ġdida biex jiġu ssimplifikati l-prenotazzjoni tal-biljetti tal-ferrovija u l-ivvjaġġar bit-tren fl-UE kollha
Marzu 2026
L-EU Inc., qafas korporattiv ġdid li jissimplifika t-tnedija, l-operat, u t-tkabbir tan-negozji fl-UE kollha
Att għall-Aċċellerazzjoni industrijali biex tissaħħaħ l-industrija u jinħolqu l-impjiegi

Segwi l-implimentazzjoni tal-prijorità

Fiċ-ċentru tal-attenzjoni

It-triq tal-Ewropa biex issir l-ewwel kontinent li “jaħdem bl-elettriku” fid-dinja

Il-pjan ta’ azzjoni l-ġdid għall-elettrifikazzjoni għandu l-għan li jħaffef il-qalba tal-Ewropa mill-fjuwils fossili għall-elettriku fl-industrija, fit-trasport, u fil-binjiet. It-tir tiegħu hu li l-Ewropa ssir l-ewwel kontinent fid-dinja li “jaħdem bl-elettriku” billi, sal-2040, is-sehem tal-elettriku fil-konsum finali tal-enerġija jogħla mit-23% ta’ bħalissa għal 46%. Huwa stmat li, bl-ilħuq ta’ din il-mira, l-UE tista’ tiffranka €260 biljun fis-sena f’importazzjonijiet tal-fjuwils fossili.

Il-pjan il-ġdid se jimmodernizza u jiddekarbonizza s-sistema tal-enerġija tal-Ewropa, u b’hekk se jgħin biex titħaffef it-tranżizzjoni ekoloġika. Se jikkontribwixxi biex jitnaqqas id-distakk fil-prezzijiet bejn il-kostijiet tal-elettriku u tal-enerġija fossili billi jinċentiva l-użu ta’ teknoloġiji aktar nodfa u bbażati fuq l-elettriku, bħall-pompi tas-sħana, il-vetturi elettriċi, u l-batteriji, fost l-oħrajn.

Aqra aktar