It-trasparenza

Il-libertà tal-informazzjoni

F’konformità mal-prinċipju tal-libertà tal-informazzjoni, il-Kummissjoni hija meħtieġa tiżvela l-informazzjoni. F’termini prattiċi, dan ifisser l-għoti ta’ aċċess għal informazzjoni li jkollha l-Kummissjoni, bħal testi leġiżlattivi, dokumenti uffiċjali, aġendi, u minuti tal-laqgħat.  

Il-kisba tal-informazzjoni

L-Artikolu 15 tat-Trattat dwar il-Funzjonament tal-Unjoni Ewropea, jagħti liċ-ċittadini u r-residenti tal-pajjiżi membri d-dritt ta' aċċess għad-dokumenti tal-Parlament Ewropew, tal-Kunsill tal-UE, u tal-Kummissjoni Ewropea. Dan ifisser li ċ-ċittadini jistgħu jiksbu dokumenti miżmumin mill-Kummissjoni u minn istituzzjonijiet oħrajn, inklużi informazzjoni leġiżlattiva, dokumenti uffiċjali, arkivji storiċi, u minuti u aġendi tal-laqgħat. 

Kif taċċessa d-dokumenti tal-Kummissjoni 

Itlob għal dokument tal-Kummissjoni 

Tweġibiet għall-petizzjonijiet mibgħutin lill-Kummissarji 

Il-ġestjoni tal-informazzjoni u tad-dokumenti

Segwi l-iżvilupp ta’ liġi ġdida tal-UE proposta

Iċ-ċittadini jistgħu jibqgħu infurmati dwar l-iżvilupp tal-liġijiet proposti tal-UE, tul il-proċess kollu — mill-mument meta l-Kummissjoni taqbel dwaru, sal-adozzjoni tal-liġi. Jistgħu jipparteċipaw ukoll fl-elaborazzjoni tal-politika u fit-teħid ta’ deċiżjonijiet fuq il-bażi tal-prinċipju tal-ftuħ.

Il-Kummissjoni tibqa’ trasparenti fit-tħejjija tad-deċiżjonijiet tagħha, b’mod partikulari fir-rigward ta’ min jinfluwenzahom, permezz tar-Reġistru tat-Trasparenza. Ir-Reġistru jiffaċilita l-iskrutinju pubbliku tal-proċess leġiżlattiv u tal-implimentazzjoni tal-politiki tal-UE.

Il-Kummissjoni tmantni wkoll reġistru tal-kumitati, magħrufin bħala l-kumitati tal-komitoloġija, li jissorveljaw lill-Kummissjoni meta hi tadotta l-atti ta’ implimentazzjoni. Ir-reġistru fih kemm lista ta' dawn il-kumitati kif ukoll informazzjoni ġenerali u dokumenti relatati ma' xogħolhom.

Segwi l-proċess leġiżlattiv 

Konsultazzjonijiet

Ir-reġistru tat-trasparenza 

Ir-reġistru tal-komitoloġija

Ir-riċevituri tal-finanzjament

Sib informazzjoni dwar il-benefiċjarji tal-fondi li tat il-Kummissjoni Ewropea. Is-Sistema ta’ Trasparenza Finanzjarja tippermettilek tara skont is-sena, u tanalizza, pereżempju l-ammont ta’ finanzjament, l-iskop tiegħu, u d-dettalji tal-benefiċjarji. 

Tista’ taċċessa d-dettalji tal-finanzjament imħallas direttament mill-Kummissjoni Ewropea (mill-2007 'l hawn), u tal-benefiċjarji tal-Fond Ewropew għall-Iżvilupp (mill-2010 'l hawn). Biex tagħmel dan, fittex fil-bażi tad-data tar-riċevituri ta' finanzjament tal-UE 

Esperti esterni u konsulenti speċjali

Il-Kummissjoni stabbilixxiet reġistru tal-gruppi ta' esperti tal-Kummissjoni u ta' entitajiet simili oħrajn li jagħtuha pariri u għarfien espert fir-rigward tal-leġiżlazzjoni tal-UE.

Il-Kummissjoni tista’ tagħżel ukoll konsulenti speċjali abbażi tal-għarfien espert u l-kwalifiki tagħhom.

Ir-reġistru tal-gruppi ta’ esperti

Konsulenti speċjali 

Ir-reġistru tal-Uffiċjal tal-Protezzjoni tad-Data

L-Uffiċjal tal-Protezzjoni tad-Data (UPD) irid iżomm reġistru tal-operazzjonijiet tal-ipproċessar kollha ta’ data personali mwettqa mill-Kummissjoni. Ir-reġistru, li għandu jkun fih informazzjoni li tispjega l-iskop u l-kundizzjonijiet tal-operazzjonijiet tal-ipproċessar kollha, huwa aċċessibbli għal kwalunkwe persuna interessata.

Ir-reġistru tal-Uffiċjal tal-Protezzjoni tad-Data