Iċ-Ċentru tal-Viżitaturi

Iċ-Ċentru tal-Viżitaturi tal-Kummissjoni Ewropea

Iċ-Ċentru tal-Viżitaturi tal-Kummissjoni Ewropea, li hu bbażat fi Brussell, jipprovdi lill-pubbliku b’għarfien dwar kif taħdem il-Kummissjoni Ewropea u l-politiki u l-prijoritajiet tagħha. 

Dwar iċ-Ċentru tal-Viżitaturi

Iċ-Ċentru tal-Viżitaturi tal-Kummissjoni Ewropea fi Brussell jorganizza programmi ta’ żjarat għal gruppi mill-Istati Membri kollha tal-UE u mid-dinja kollha. Il-viżitaturi jinkludu rappreżentanti tan-negozju, gvern lokali, ġurnalisti, politiċi u studenti. Il-gruppi viżitaturi jistgħu jiskopru r-rwol tal-Kummissjoni u jisimgħu dwar il-politiki ewlenin tagħha mill-istaff tal-Kummissjoni.

Jekk jogħġbok innota li ċ-Ċentru tal-Viżitaturi ma jorganizzax żjarat iggwidati fil-bini tal-Kummissjoni, jew żjarat għall-individwi. Viżitaturi individwali huma mistiedna jżuru Experience Europe.

Żjarat fi gruppi

• Tipi ta’ żjarat: Huma disponibbli żjarat ġenerali, ta’ informazzjoni speċifika u mfassla apposta. Ara hawn taħt għal aktar dettalji u kif tapplika.
• Daqs tal-grupp: 15 - 100 persuna (għal żjara fiżika). Tal-anqas 10 persuni (għal żjara virtwali). L-ebda żjara individwali.
• Rekwiżit ta' riżervazzjoni bil-quddiem: minimu ta’ 10 ġimgħat (għal żjara fiżika) u 7 ġimgħat (għal żjara virtwali)
• Disponibbiltà: Iż-żjarat fi gruppi huma disponibbli mit-Tnejn sal-Ġimgħa. Iċ-Ċentru tal-Viżitaturi hu magħluq fi tmien il-ġimgħa u fil-vaganzi pubbliċi Belġjani, kif ukoll f’ċerti vaganzi tal-istituzzjonijiet tal-UE.
• Konferma: Għandek tirċievi konferma fi żmien ġimagħtejn minn meta tkun bgħatt it-talba tiegħek, inklużi d-dettalji ta’ kuntatt tal-persuna li tkun qed tieħu ħsieb iż-żjara tiegħek. Jekk le, jekk jogħġbok ibgħat email lil COMM-VISIT-REQUESTSec [dot] europa [dot] eu (COMM-VISIT-REQUESTS[at]ec[dot]europa[dot]eu).
• Prezz: Bla ħlas
• Età minima tal-viżitaturi: 15
• Lingwa: Il-lingwi kollha tal-UE – għidilna l-preferenza tiegħek meta tapplika.
• Identifikazzjoni: Trid turi passaport jew karta tal-identità nazzjonali biex tidħol fil-bini (il-liċenzja tas-sewqan mhix aċċettata).
• Kanċellazzjoni: Jekk jogħġbok avżana tal-inqas ġimagħtejn qabel iż-żjara tiegħek fuq COMM-VISIT-REQUESTSec [dot] europa [dot] eu (COMM-VISIT-REQUESTS[at]ec[dot]europa[dot]eu), u inkludi n-numru taż-żjara tiegħek.
• F’każ li tasal tard, hemm ċans li ż-żjara tiegħek titħassar. 

Il-gruppi jistgħu jikkombinaw ukoll il-vjaġġ tagħhom lejn Brussell ma’ żjara f’Experience Europe, iċ-ċentru tal-wirjiet tal-Kummissjoni Ewropea. Experience Europe jilqa’ lil kulħadd, inklużi viżitaturi individwali, f’ambjent interattiv. Hu jinsab mar-roundabout Schuman, 300m miċ-Ċentru tal-Viżitaturi. Agħmlu parti miż-żjara tiegħek fil-kwartieri ġenerali tal-UE!

Itlob żjara

Iż-żjarat jistgħu jsiru, fiżikament, fi Brussell, jew virtwalment, inklużi żjarat ibridi.

Hemm 3 tipi differenti ta’ żjarat fi grupp.

Meta tapplika għal waħda mit-3 tipi ta’ żjarat fi grupp, se tkun mistoqsi biex jew toħloq kont tal-"EU Login" jew tagħmel il-log in bil-kont eżistenti tiegħek.
Se tidher stqarrija ta’ privatezza li tispjega kif se tiġi pproċessata d-data personali tiegħek fit-tmiem tal-proċess ta’ validazzjoni.

1. Żjara ta' informazzjoni ġenerali – 60 minuta

Preżentazzjoni dwar ir-rwol tal-Kummissjoni Ewropea fi ħdan l-UE segwita minn sessjoni ta' mistoqsijiet u tweġibiet.

Maħsuba għal persuni, bħal studenti tal-iskejjel sekondarji, li ftit li xejn għandhom għarfien dwar l-UE.

Applika hawnhekk

2. Żjara ta’ informazzjoni speċifika – sagħtejn u nofs

Introduzzjoni dwar ir-rwol tal-Kummissjoni Ewropea fl-UE segwita minn preżentazzjoni dwar politika speċifika tal-UE ta’ interess dirett għall-grupp.

Maħsuba għal studenti universitarji u gruppi b'interess speċifiku.

Applika hawnhekk 

3. Żjara mfassla apposta – sa jum

Programm imfassal apposta skont l-interessi tal-grupp. Din iż-żjara tista' tikkonsisti f’introduzzjoni tar-rwol tal-Kummissjoni Ewropew fi ħdan l-UE segwita minn massimu ta’ 4 preżentazzjonijiet dwar politiki speċifiċi tal-UE mogħtija minn uffiċjali tal-Kummissjoni li jittrattaw il-kwistjonijiet involuti.

Maħsuba għal ġurnalisti, parlamenti u gvernijiet nazzjonali, reġjonali u lokali, assoċjazzjonijiet tan-negozju, professjonisti fis-settur pubbliku u dak privat, trade unions u akkademiċi.

L-istudenti postuniversitarji u tar-riċerka jiġu offruti programm ta’ nofs ġurnata, biss.

Applika hawnhekk

Post u aċċess

Xi drabi ż-żjarat jistgħu jseħħu f’postijiet oħrajn. Iċċekkja l-konferma tiegħek.

Dħul

Fil-kantuniera ta’ Rue de la Loi u Rue du Taciturne.

Trasport pubbliku

Nirrakkomandaw b’mod qawwi li tużaw it-trasport pubbliku biex tiġu fiċ-Ċentru tal-Viżitaturi. L-eqreb post fejn tieqaf hu “Schuman” u tista’ tasal hemm bil-metro, bil-karozza tal-linja u bil-ferrovija. Meta toħroġ mill-istazzjon tal-metro, segwi s-sinjali ta’ ħruġ “Berlaymont”.

Hu disponibbli parkeġġ apposta għall-karozzi tal-linja f’Rue du Taciturne (fuq il-lemin tiegħek meta ddur minn Rue de la Loi).

Parkeġġ tar-roti ħdejn iċ-Ċentru għall-Viżitaturi

Għall-viżitaturi li jaslu bir-rota, hemm diversi għażliet konvenjenti ta’ parkeġġ madwar ir-roundabout Schuman u qrib l-istazzjon tal-metro Schuman. Ir-racks tar-roti huma disponibbli wkoll tul Rue de la Loi/Wetstraat u Boulevard Charlemagne/Karel de Grotelaan.

Skrinjar ta’ sigurtà

Biex tidħol fiċ-Ċentru tal-Viżitaturi, għandek turi karta tal-identità nazzjonali jew passaport (il-liċenzja tas-sewqan mhix aċċettata). Għandek ukoll tgħaddi bla problemi minn ditettur tal-metall simili għal dawk fl-ajruport, u l-proprjetà personali tiegħek se tgħaddi minn makkinarju tal-x-ray.

Aċċessibbiltà

Iċ-Ċentru tal-Viżitaturi hu aċċessibli għas-siġġijiet tar-roti. Jekk jogħġbok indika l-ħtiġijiet tiegħek fuq il-formola tal-applikazzjoni.

Faċilitajiet

Il-WiFi hu disponibbli fiċ-Ċentru tal-Viżitaturi.

Żur istituzzjonijiet oħrajn

Żur istituzzjoni tal-Unjoni Ewropea

Kuntatt