X'qed tagħmel il-Kummissjoni
L-Aġenda l-Ġdida tal-Konsumatur adottata f’Novembru 2020 tippreżenta viżjoni għall-politika tal-konsumaturi tal-UE mill-2020 sal-2025, b’enfasi fuq ħames oqsma prijoritarji ewlenin:
- It-tranżizzjoni ekoloġika
- It-trasformazzjoni diġitali
- L-infurzar effettiv tad-drittijiet tal-konsumatur
- Il-ħtiġijiet speċifiċi ta’ ċerti gruppi ta’ konsumaturi kif ukoll
- Il-kooperazzjoni internazzjonali
L-Aġenda tindirizza wkoll kif tista’ tiżdied il-protezzjoni tal-konsumaturi u r-reżiljenza waqt u wara l-pandemija tal-COVID-19, li ġabet magħha sfidi sinifikanti li jaffettwaw il-ħajja ta’ kuljum tal-konsumaturi.
Aktar dwar l-Aġenda l-Ġdida tal-Konsumatur
Għanijiet
- L-iżgurar li l-prodotti sostenibbli jkunu disponibbli għall-konsumaturi fis-suq tal-UE u li l-konsumaturi jkollhom informazzjoni aħjar biex ikunu jistgħu jagħmlu għażla infurmata
- Il-promozzjoni tat-tiswija u l-inkoraġġiment ta’ prodotti aktar sostenibbli u “ċirkolari”
- L-indirizzar tal-prattiki kummerċjali online li jinjoraw id-dritt tal-konsumaturi li jagħmlu għażla infurmata, jabbużaw mill-preġudizzji tal-imġiba tagħhom jew ifixklu l-proċessi tat-teħid ta’ deċiżjonijiet tagħhom, bħal dark patterns u reklamar moħbi
- L-adattament tar-regoli attwali għad-diġitalizzazzjoni u ż-żieda ta’ prodotti konnessi
- L-assisstenza lill-Istati Membri fl-implimentazzjoni f’waqtha u l-infurzar tal-liġi tal-konsumaturi, inkluż permezz tan-network ta' Kooperazzjoni għall-Protezzjoni tal-Konsumatur
- L-appoġġ lill-awtoritajiet nazzjonali biex jindirizzaw prattiki kummerċjali online illegali u jidentifikaw il-prodotti mhux sikuri
- Is-salvagwardjar ta’ ċerti gruppi ta’ konsumaturi, bħat-tfal, l-anzjani jew dawk b’diżabbiltà, minn sitwazzjonijiet vulnerabbli
- L-iżvilupp ta’ Pjan ta’ Azzjoni maċ-Ċina fl-2021 biex ittejjeb is-sikurezza tal-prodotti mibjugħa online
- L-iżvilupp ta’ appoġġ regolatorju, assistenza teknika u bini tal-kapaċitajiet għal reġjuni sħab tal-UE inkluż fl-Afrika