L-affarijiet interni

X’tagħmel l-UE

L-UE għandha l-għan li tiżgura s-sigurtà taż-żona Schengen, tiżviluppa politika komuni tal-UE dwar il-migrazzjoni u l-ażil, tibni Ewropa aktar sikura, u tippromwovi l-kooperazzjoni ma’ pajjiżi terzi. Il-Kummissjoni Ewropea taħdem mill-qrib mal-pajjiżi tal-UE u mal-aġenziji Ewropej, mal-organizzazzjonijiet internazzjonali, u ma’ partijiet ikkonċernati oħrajn biex tiżviluppa u timplimenta dawn il-politiki, li jikkontribwixxu biex nipproteġu u nsostnu l-ispazju ta’ libertà, sigurtà, u ġustizzja.

An example of innovative SMEs in the management of biometric data at Lisbon Airport..

Fatti dwar l-affarijiet interni

29 pajjiż taż-żona Schengen: 25 pajjiż tal-UE u erba’ pajjiżi assoċjati

6.8% tal-popolazzjoni totali tal-UE kienu ċittadini ta’ pajjiżi terzi fl-1 ta’ Jannar 2025

1.5% tal-popolazzjoni tal-UE huma refuġjati

^Sorsi:^Eurostat^;^{Il-Parlament Ewropew}

L-oqsma ta’ azzjoni

Schengen, il-fruntieri, u l-viża

L-ispazju ta’ libertà, sigurtà, u ġustizzja mingħajr fruntieri interni

Is-sigurtà interna

Politiki u azzjonijiet immirati biex niggarantixxu Ewropa b’aktar sikurezza u sigurtà

Il-migrazzjoni u l-ażil

Regoli għall-ġestjoni tal-migrazzjoni u għall-istabbiliment ta’ sistema komuni tal-ażil fil-livell tal-UE

Il-kooperazzjoni fl-infurzar tal-liġi

L-iffaċilitar ta’ kooperazzjoni aktar rapida, aktar sikura, u aktar strutturata fl-infurzar tal-liġi biex jiġu miġġielda l-kriminalità u terroriżmu transfruntier fl-UE

L-affarijiet internazzjonali

Sħubija globali biex tiġi indirizzata d-dimensjoni esterna tal-politiki tagħna dwar l-affarijiet interni

Il-kisbiet ewlenin

Fl-2025, l-UE ċċelebrat l-40 anniversarju ta’ Schengen. 29 pajjiż (25 tal-UE u 4 assoċjati) huma membri sħaħ taż-żona Schengen, fejn 450 miljun persuna jistgħu jivvjaġġaw mingħajr ma jridu juru passaport. Dan jgħin lil miljuni ta’ nies li jaqsmu l-fruntieri ta’ kuljum u lil 31 miljun intrapriża li jistgħu jibbenefikaw minn aċċess aktar faċli għas-suq intern.
Il-patt dwar il-migrazzjoni u l-ażil daħal fis-seħħ fl-2024 u joffri approċċ komprensiv maħsub biex isaħħaħ u jintegra l-politiki ewlenin tal-UE dwar il-migrazzjoni, l-ażil, il-ġestjoni tal-fruntieri, u l-integrazzjoni. B’regoli sodi iżda ġusti, huwa mfassal biex nimmaniġġjaw u ninnormalizzaw il-migrazzjoni fit-tul.
Aktar reċentement, fl-2025, il-Kummissjoni pproponiet sistema Ewropea komuni għar-ritorni, qafas legali ġdid bl-għan li jkun hemm proċeduri ta’ ritorn aktar rapidi, aktar sempliċi, u aktar effettivi madwar l-Unjoni Ewropea, li jikkomplementaw ir-regoli l-ġodda tal-UE dwar il-migrazzjoni u l-ażil.
Fl-2025, il-Kummissjoni ppreżentat il-ProtectEU, l-istrateġija Ewropea l-ġdida tas-sigurtà interna. L-istrateġija tistabbilixxi viżjoni għal UE aktar b’saħħitha, bl-objettiv li nantiċipaw, nipprevjenu, u nirrispondu b’mod konġunt għat-theddid għas-sigurtà, filwaqt li niggarantixxu l-paċi, l-istabbiltà, u l-prosperità għaċ-ċittadini tal-UE.

Taħt il-lenti

Il-ProtectEU — l-istrateġija l-ġdida tal-UE għas-sigurtà interna

Il-ProtectEU tindirizza x-xenarju tat-theddid li qed jevolvi u għandha tliet objettivi ewlenin: it-tisħiħ tal-kapaċitajiet għall-protezzjoni tan-nies, l-integrazzjoni tal-kunsiderazzjonijiet tas-sigurtà fil-politika tal-UE u fl-azzjoni esterna, u t-tisħiħ ta’ approċċ mifrux mas-soċjetà kollha biex jiġu żgurati sigurtà u sikurezza komprensivi.

Is-suġġetti koperti mill-istrateġija jinkludu: