X'qed tagħmel il-Kummissjoni
Diversi miżuri dwar it-trasparenza fiskali mressqin mill-Kummissjoni f'Marzu 2015 jimmiraw li jittrattaw l-evitar tat-taxxa korporattiva. Element ewlieni hu l-iskambju awtomatiku ta' informazzjoni bejn il-pajjiżi tal-UE dwar id-deċiżjonijiet tat-taxxa tagħhom, li sar qbil dwaru mill-Ministri f'Ottubru 2015.
Pjan ta' azzjoni tal-Kummissjoni, ippreżentat f'Ġunju 2015, jistabbilixxi aktar passi biex jagħmel it-tassazzjoni korporattiva aktar ġusta u aktar effiċjenti. Abbażi tal-pjan, f'Jannar 2016 il-Kummissjoni pproponiet aktar miżuri vinkolanti, b'mod speċjali kontra l-ippjanar aggressiv tat-taxxa (il-pakkett kontra l-evitar tat-taxxa).
Barra minn hekk, il-Kummissjoni Ewropea qed tissorvelja l-politika fiskali nazzjonali bħala parti mis-“Semestru Ewropew”, iċ-ċiklu annwali ta’ koordinazzjoni tal-politika ekonomika. Abbażi ta’ dan, l-UE tagħti rakkomandazzjonijiet speċifiċi għall-pajjiżi.
Objettivi
Li t-tassazzjoni ssir:
- aktar ġusta permezz ta’ ħidma biex tiġi eliminata d-diskriminazzjoni fiskali u t-tassazzjoni doppja, kif ukoll it-tisħiħ tat-trasparenza u tal-ġlieda kontra l-frodi tat-taxxa u l-evażjoni tat-taxxa
- aktar faċli permezz tas-simplifikazzjoni tar-regoli u l-proċeduri
- aktar effiċjenti permezz tal-promozzjoni ta’ aktar kooperazzjoni bejn l-amministrazzjonijiet tat-taxxa nazzjonali kontra l-frodi
Ara x'qed jagħmlu istituzzjonijiet oħra tal-UE dwar it-tassazzjoni
Inizjattivi ewlenin
Iċċekkja numru ta’ identifikazzjoni tat-taxxa fuq il-valur miżjud fis-sistema ta’ skambju ta’ informazzjoni tal-VAT (bażi ta' data VIES).
Verifika online biex tikkonferma l-istruttura ta’ numru ta’ identifikazzjoni tat-taxxa.