X’qed tagħmel l-UE
Il-politika tal-enerġija hija kruċjali għall-kompetittività u s-sigurtà tal-Ewropa u biex naslu għan-newtralità klimatika. Hija kompetenza kondiviża bejn l-UE u l-pajjiżi membri tagħha, definita fl-Artikolu 194 tat-Trattat dwar il-Funzjonament tal-Unjoni Ewropea.
L-objettivi ewlenin tal-politika tal-enerġija tal-UE huma li tiżgura enerġija affidabbli, affordabbli u nadifa għan-nies u għan-negozji fl-Ewropa.
Fost miżuri oħra, qed naħdmu biex niksbu dan billi
- inżommu provvisti tal-enerġija siguri
- nappoġġaw il-kompetittività tal-industrija tat-teknoloġija nadifa tal-Ewropa
- nippromwovu l-produzzjoni tal-enerġija nadifa u sostenibbli
- nagħtu prijorità lill-effiċjenza enerġetika fl-istadji kollha tal-katina tal-enerġija, mill-ġenerazzjoni sal-konsum finali
- inmexxu diskussjonijiet internazzjonali dwar it-tranżizzjoni globali tal-enerġija
Eżiti mistennija
Oqsma ta’ azzjoni
Skopri aktar dwar l-azzjonijiet li qed tieħu l-UE biex iżżid is-sehem tal-enerġija rinnovabbli fl-Ewropa
L-enerġija hija ta’ valur kbira għalina. Skopri kif l-UE tiżgura li nkunu nistgħu nużawha bl-akbar effiċjenza possibbli
Esplora r-regoli li jsawru s-swieq tal-enerġija tal-UE, u li jipproteġu u jippermettu lill-konsumaturi jieħdu d-deċiżjonijiet fl-aħjar interess tagħhom
L-UE kif tiggarantixxi enerġija affidabbli għaċ-ċittadini u n-negozji tagħha?
Il-grilji huma s-sinsla tas-sistemi tal-enerġija tal-UE. Skopri kif l-UE qed ssaħħaħ u tespandi l-grilji tagħna
Il-promozzjoni tar-riċerka u l-innovazzjoni hija kruċjali biex inwettqu t-tranżizzjoni tal-enerġija u ntejbu l-kompetittività. Skopri x’qed tagħmel l-UE
Esplora l-politika tal-UE dwar l-enerġija nukleari, mill-garanzija tas-sikurezza nukleari sal-appoġġ għall-użu tar-radjazzjoni u tat-teknoloġiji nukleari fil-mediċina
Skopri kif l-UE taġixxi bħala mexxejja globali fil-qasam tal-enerġija
Sir af dwar l-isforzi tal-UE biex tnaqqas l-emissjonijiet tas-CO2 u tal-metan relatati mal-enerġija
Skopri l-politiki u l-inizjattivi lokali tal-UE biex tiżgura tranżizzjoni tal-enerġija ġusta li ma tħalli lil ħadd jibqa’ lura
Il-kisbiet ewlenin
- Permezz tal-promozzjoni tal-enerġija mir-riħ, mix-xemx u minn sorsi oħra ta’ enerġija rinnovabbli, l-enerġija rinnovabbli kienet tirrappreżenta 24.6 % tal-konsum tal-enerġija tal-UE fl-2023. Dan huwa sehem sinifikanti, u eżitu ħafna ogħla minn 10 snin qabel. Madankollu, għad hemm ix-xogħol xi jsir biex tintlaħaq il-mira ta’ 42.5 % sal-2030.
- Il-kumpaniji fis-settur tal-enerġija rinnovabbli qed jiffjorixxu, u b’hekk qed jappoġġaw il-ħolqien ta’ impjiegi ekoloġiċi. Sal-2022, is-settur tal-enerġija rinnovabbli fl-Ewropa kien jimpjega aktar minn 1.6 miljun ruħ.
- Investimenti fl-infrastruttura transfruntiera fil-qasam tal-enerġija għenu biex is-sigurtà tal-enerġija tal-UE tissaħħaħ, inkluż billi diversi reġjuni tal-UE li kienu kompletament iżolati ġew ikkonnettjati.
- Bejn l-2008 u l-2021, l-UE naqqset l-emissjonijiet tal-gassijiet serra b’aktar minn 20 %. Fl-istess ħin, il-PDG tal-UE żdied bi kważi 10%. Peress li s-settur tal-enerġija huwa responsabbli għal aktar minn 75% tal-emissjonijiet tal-gassijiet serra tal-UE, il-politiki tal-UE dwar l-enerġija kkontribwew b’mod sinifikanti għal dan ir-riżultat.
- Sabiex tilħaq il-mira tagħha tal-effiċjenza fl-enerġija għall-2030, l-UE introduċiet miżuri f’oqsma ta’ politika bl-akbar potenzjal għall-iffrankar tal-enerġija u fejn huwa meħtieġ li l-pajjiżi tal-UE jaħdmu flimkien b’mod armonizzat. Miżuri bħal dawn mhux biss iraħħsu l-kontijiet tal-enerġija, iżda jgħinu wkoll lin-negozji jiffrankaw fuq il-kostijiet operatorji, filwaqt li titnaqqas l-impronta tal-karbonju.
Taħt il-lenti
Il-prezzijiet tal-enerġija għandhom impatt kemm fuq il-kwalità tal-ħajja għaċ-ċittadini kif ukoll fuq il-kompetittività tal-industriji fl-Ewropa u l-ekonomija tagħna. Bis-saħħa tal-isforzi konġunti tagħna, is-sistema tal-enerġija tal-Ewropa baqgħet reżiljenti minkejja t-tfixkil fis-suq globali.
Il-Kummissjoni Ewropea qed tieħu azzjoni immedjata biex tgħin lill-pajjiżi tal-UE jappoġġaw lill-konsumaturi u lill-kumpaniji, inklużi dawk l-aktar vulnerabbli fis-soċjetà u fis-setturi li qed jitħabtu l-aktar.
Eventi
Workshops on the revision of the EU Oil Stock Directive
The Implementation Dialogue with Dan Jørgensen, Commissioner for Energy and Housing, will bring together stakeholders in Brussels to discuss the uptake of renewable energy in end-use sectors (industry, buildings and transport) in the context of the implementation of the Renewable Energy Directive.
Din il-paġna ġiet aġġornata l-aħħar: 22 April 2026