Ir-riċerka u l-innovazzjoni

X’tagħmel l-UE

Ir-riċerka u l-innovazzjoni huma s-sinsla tal-viżjoni tal-UE biex ikollna futur kompetittiv, reżiljenti, u sostenibbli. Jixprunaw il-kapaċità tal-Ewropa li tindirizza l-isfidi globali, toħloq l-impjiegi, u ttejjeb il-ħajja tan-nies.

Permezz tal-finanzjament mill-programm Orizzont Ewropa u tal-koordinazzjoni fiż-Żona Ewropea tar-Riċerka, l-UE tagħmilha possibbli għar-riċerkaturi, għan-negozji, u għall-innovaturi biex l-ideat tagħhom jagħmluhom realtà, u b’hekk l-għarfien jissarraf f’soluzzjonijiet prattiċi li jkunu ta’ benefiċċju għaċ-ċittadini.

L-għanijiet ewlenin tal-politika tar-riċerka u l-innovazzjoni tal-UE:

Li nsaħħu l-kompetittività tal-Ewropa billi ninkoraġġixxu t-teknoloġiji rivoluzzjonarji, nagħtu sostenn lin-negozji ġodda u lin-negozji li qed jespandu, u nagħtu spinta lit-tmexxija industrijali f’setturi strateġiċi.
Li naċċelleraw it-tranżizzjoni ekoloġika u dik diġitali bl-iżvilupp ta’ soluzzjonijiet għan-newtralità klimatika, għall-enerġija nadifa, għall-ekonomija ċirkolari, għall-IA, għall-computing kwantistiku, u għaċ-ċibersigurtà.
Li nagħtu sostenn lix-xjenzi tas-saħħa u tal-ħajja billi nixprunaw l-innovazzjoni medika, intejbu l-prevenzjoni tal-mard, u nkabbru r-reżiljenza għall-kriżijiet tas-saħħa permezz tal-bijoteknoloġija u x-xjenzi tal-ħajja.
Li niżguraw is-sigurtà u r-reżiljenza billininvestu fit-teknoloġiji kritiċi, fiċ-ċibersigurtà, u fil-preparatezza għall-kriżijiet.
Li nippromwovu l-eċċellenza fir-riċerka u l-kooperazzjoni globali billi nsaħħu ż-Żona Ewropea tar-Riċerka (ŻER), nespandu s-sħubijiet internazzjonali, u ntejbu l-infrastruttura tar-riċerka.

Fatti dwar ir-riċerka u l-innovazzjoni

Aktar minn €280 biljun investiti mill-1984 ’l hawn

Ġew iffirmati aktar minn 120,000 għotja b’madwar 75,000 benefiċjarju

Aktar minn 30 premju Nobel mirbuħin minn riċerkaturi ffinanzjati mill-UE

Oqsma ta’ azzjoni

L-intelliġenza artifiċjali (IA) fix-xjenza

Esplora kif l-intelliġenza artifiċjali qed ikollha sehem fil-progress xjentifiku.

Il-bijoekonomija

Skopri aktar dwar kif l-UE tappoġġa r-riċerka u l-innovazzjoni fil-qasam tal-bijoekonomija

L-enerġija

Skopri kif ir-riċerka u l-innovazzjoni jtejbu l-effiċjenza tal-enerġija rinnovabbli u jiżviluppaw teknoloġiji għal futur aktar nadif

L-ambjent

Naslu għan-newtralità klimatika u navvanzaw l-iżvilupp sostenibbli permezz tax-xjenza, l-investiment, u l-azzjoni kollettiva

Is-sistemi tal-ikel

Sir af aktar dwar is-sistemi sostenibbli tal-ikel

Is-saħħa

Intejbu s-saħħa permezz tal-innovazzjoni, tal-mediċina personalizzata, u tat-teknoloġiji avvanzati

Ir-riċerka u innovazzjoni industrijali

Trasformazzjoni sostenibbli tal-industrija permezz tar-riċerka u l-innovazzjoni

Ix-xjenzi soċjali u l-studji umanistiċi

Investimenti fil-governanza demokratika, fil-wirt kulturali, u fit-trasformazzjonijiet soċjali u ekonomiċi

It-trasport

Nittrasformaw it-trasport biex jintlaħqu l-għanijiet klimatiċi

Il-kisbiet ewlenin

Ix-xjenzati ffinanzjati mill-UE kkontribwew għal avvanzi rivoluzzjonarji fit-trattament tal-kanċer, fil-mediċina personalizzata, u fl-iżvilupp tal-vaċċini.
Il-Kunsill Ewropew tal-Innovazzjoni għen biex startups jikkummerċjalizzaw teknoloġiji trasformattivi, minn soluzzjonijiet tal-idroġenu ekoloġiku sal-IA tal-ġenerazzjoni li jmiss.
Ir-riċerka wasslet għal skoperti dwar tal-ħżin tal-enerġija u dwar it-teknoloġiji rinnovabbli tal-ġenerazzjoni li jmiss, u b’hekk tnaqqset id-dipendenza tal-Ewropa fuq il-fjuwils fossili.
Ir-riċerka u l-innovazzjoni tal-UE ppermettew li jkollna materjali tal-bini newtrali għall-klima, soluzzjonijiet tal-ekonomija ċirkolari, u proċessi industrijali b’livell baxx ta’ emissjonijiet tal-karbonju.
Il-proġetti ffinanzjati mill-UE taw spinta liċ-ċibersigurtà, lill-governanza tal-IA, u lill-infrastruttura sigura tad-data biex tiġi żgurata s-sovranità teknoloġika.

Taħt il-lenti

Science4EU: l-UE ssostni lix-xjenza

L-UE tappoġġa lix-xjenzati, lir-riċerkaturi, u lill-innovaturi li jaħdmu biex itejbu l-ħajja tan-nies. Flimkien wasalna biex ikollna enerġija aktar nadifa, satelliti aħjar biex nimmonitorjaw il-pjaneta tagħna, u avvanzi li jsalvaw il-ħajja fil-qasam tas-servizzi tas-saħħa.

Sir af min huma wħud min-nies li ta’ min jammirahom u li huma l-imħuħ wara skoperti li rċevew sostenn min-naħa tal-UE, u skopri kif l-appoġġ tagħna għax-xjenza qed isawwar Ewropa aħjar.

Sir af aktar