Niksbu l-indipendenza tal-Ewropa

Nipproteġu l-valuri tagħna

L-Ewropa hija Unjoni ta’ valuri. Id-demokrazija, l-istat tad-dritt u d-drittijiet fundamentali mhux talli huma fil-qalba ta’ dak li jagħmilna min aħna, talli huma essenzjali għal mod kif taħdem l-Ewropa. Il-protezzjoni ta’ dawn il-valuri kruċjali kontra t-tnawwir li jiġi minn ġewwa u t-theddid estern kienet prijorità ċentrali għal darb’ oħra din is-sena.

Il-protezzjoni tad-demokrazija fl-Ewropa

Id-demokraziji tal-Ewropa huma dejjem aktar fil-mira ta’ forzi li jfittxu li jimminaw l-elezzjonijiet tagħna, ixerrdu d-diżinformazzjoni u jifirdu s-soċjetajiet tagħna. Biex nirreaġixxu, nedejna t-Tarka Ewropea għad-Demokrazija, sensiela ta’ miżuri biex

Biex intejbu l-kapaċità tagħna li nidentifikaw u nirreaġixxu aħjar għal dan it-theddid, stabbilejna ċ-Ċentru Ewropew għar-Reżiljenza Demokratika, li jiġbor flimkien l-għarfien espert mill-pajjiżi kollha tal-UE.

Il-Kummissjoni qed tappoġġa wkoll programmi li jgħinu lill-komunitajiet, b’mod partikolari fiż-żoni rurali u fil-bliet iż-żgħar, jibnu l-litteriżmu medjatiku fil-ġenerazzjonijiet kollha u jsaħħu l-fiduċja fid-dibattitu demokratiku.

Protezzjoni tal-Ewropej onlajn

Għaddejjin minn perjodu ta’ bidla teknoloġika profonda, li toffri opportunitajiet inkredibbli, iżda wkoll sfidi enormi. L-Ewropa hija ċara: huma s-soċjetajiet demokratiċi, mhux il-kumpaniji tat-teknoloġija, li jiddeċiedu r-regoli li jirregolaw l-ispazju diġitali tagħna.

Permezz tal-Att dwar is-Servizzi Diġitali u l-Att dwar is-Swieq Diġitali, l-Ewropa għandha strumenti b’saħħithom biex tiżgura li r-regoli tagħha jiġu rispettati u li l-pjattaformi joperaw b’mod responsabbli u ġust. Fl-aħħar sena investigajna

• lil TikTok dwar l-għamla tiegħu li joħloq dipendenza
• lil Meta, dwar in-nuqqas tagħha li tinforza r-rekwiżiti tal-età minima tagħha stess
• lil X, għall-użu ta’ Grok fil-ħolqien u t-tixrid ta’ materjal li juri abbuż sesswali tat-tfal

Immultajna wkoll pjattaformi tal-kummerċ elettroniku, bħal AliExpress għall-bejgħ ta’ prodotti illegali u mhux sikuri, u Temu talli ma vvalutatx kif xieraq ir-riskji ta’ prodotti illegali. Indirizzajna wkoll l-abbużi mill-poter fis-suq ma’ Apple, Meta u Google.

L-UE għamlet ukoll progress fil-protezzjoni tat-tfal u ż-żgħażagħ online, sabiex ikunu jistgħu jgawdu l-benefiċċji tal-konnessjoni diġitali b’mod sikur. Min moħħu jkun għadu qed jiżviluppa spiss ikun dak l-aktar espost għal pjattaformi mfassla biex joħolqu dipendenza, għal kontenut ta’ ħsara u għal pressjoni fuq l-Internet. Aħna ċari li t-tfal mhumiex komoditajiet, u l-ebda kumpanija ma għandha tibbenefika billi tisfrutta l-vulnerabbiltà tagħhom. Il-President von der Leyen stabbiliet panel speċjali dwar is-sikurezza tat-tfal online, li eżamina l-benefiċċji, l-opportunitajiet u l-ħsarat tal-media soċjali fuq it-tfal u żviluppa rakkomandazzjonijiet għall-Kummissjoni biex issaħħaħ iktar il-protezzjonijiet.

Din il-ħidma hija mgħejjuna mill-app ta’ verifika tal-età ta’ madwar l-UE kollha, biex it-tfal jiġu protetti minn kontenut ta’ ħsara, filwaqt li l-pjan ta’ azzjoni kontra l-bullying ċibernetiku se jagħti sostenn għall-prevenzjoni u s-sensibilizzazzjoni kif ukoll l-implimentazzjoni ta’ mekkaniżmu ta’ sikurezza fuq l-Internet biex it-tfal u ż-żgħażagħ ikunu jistgħu jirrapportaw faċilment il-bullying ċibernetiku.

L-Ewropa qed turi li l-progress teknoloġiku jrid jimxi id f’id mal-valuri demokratiċi u l-protezzjoni taċ-ċittadini tagħha.

Niksbu unjoni tad-difiża

L-Ewropa qed tiffaċċja ambjent ta’ sigurtà li hu l-iktar perikoluż li qatt kellha f’ġenerazzjonijiet sħaħ. Illum, iż-żamma tal-paċi tfisser li nsaħħu l-kapaċità tagħna li niskoraġġixxu l-aggressjoni. Mill-2020, in-nefqa fuq id-difiża mill-pajjiżi tal-UE żdiedet bi kważi 80 %. Din qed tiġi appoġġata fil-livell tal-UE permezz tal-akbar mobilizzazzjoni tad-difiża fl-istorja tal-Unjoni tagħna.

^{Data mill-istħarriġiet tal-Ewrobarometru minn Jannar u Mejju 2026}

Appoġġ lill-pajjiżi tal-UE b’investimenti fid-difiża

Il-Pjan ReArm Europe/Prontezza 2030 qed jimmobilizza EUR 800 biljun biex jagħlaq il-lakuni fil-kapaċità, isaħħaħ il-kapaċità industrijali, u jaċċellera l-investiment fis-sigurtà kollettiva tagħna, bil-pjan direzzjonali għall-Prontezza tad-Difiża 2030 jistabbilixxi stadji importanti u skedi ta’ żmien konkreti.

Fil-qalba ta’ dawn l-isforzi hemm SAFE, li jipprovdi EUR 150 biljun f’self lill-pajjiżi tal-UE għall-investimenti fid-difiża.

Dawn l-investimenti qed

Approċċ koordinat għall-iżvilupp tal-kapaċitajiet

L-investiment mingħajr pjan mhuwiex biżżejjed. Huwa għalhekk li dawn l-investimenti qed jiġu appoġġati permezz ta’ approċċ koordinat għall-iżvilupp tal-kapaċitajiet..Huwa galhekk li l-pjan direzzjonali tal-2030 introduċa Koalizzjonijiet tal-Kapaċitajiet, li jlaqqgħu lill-Istati Membri biex jidentifikaw rekwiżiti komuni, jiżviluppaw il-kapaċitajiet b’mod konġunt u jakkwistawhom fuq skala kbira.

Dan il-mudell il-ġdid diġà qed isawwar il-proġetti ta’ difiża ewlenin tal-Ewropa li ġejjin

Dawn huma kapaċitajiet strateġiċi li huma għaljin wisq, kumplessi wisq jew urġenti wisq biex il-pajjiżi jiżviluppaw waħedhom.

L-iżvilupp ta’ bażi industrijali b’saħħitha

Sabiex tipproduċi dak li jeħtieġu l-forzi armati tagħna, fuq l-iskala u l-ħeffa meħtieġa, l-Ewropa trid issaħħaħ il-bażi industrijali tagħha. Permezz tal-Programm Ewropew għall-Industrija tad-Difiża (EDIP) l-ġdid, il-Kummissjoni se timmobilizza EUR 1.5 biljun biex tespandi l-kapaċità tal-produzzjoni, issaħħaħ l-akkwist konġunt u tnaqqas id-dipendenzi kritiċi.

L-UE qed tikkombina wkoll l-għarfien espert tal-Ukrajna fil-kamp tal-battalja mal-kapaċità industrijali Ewropea permezz tal-Uffiċċju tal-UE għall-Innovazzjoni fid-Difiża fi Kyiv, li jgħin lill-UE tiżviluppa kapaċitajiet tal-ġenerazzjoni li jmiss.

Approċċ proattiv għad-difiża Ewropea

L-innovazzjoni se jkollha rwol deċiżiv li jsawwar il-kamp tal-battalja tal-futur. Permezz tal-Fond Ewropew għad-Difiża u l-istrument AGILE l-ġdid, qed ninvestu f’innovaturi Ewropej biex l-ideat rivoluzzjonarji jinbidlu f’kapaċitajiet tad-dinja reali.

Il-prontezza tiddependi wkoll fuq li nuru li l-forzi armati tagħna jistgħu jiġu skjerati b’veloċità u skala, kull fejn ikunu meħtieġa. Il-pakkett il-ġdid dwar il-mobbiltà militari joħloq

Relazzjonijiet ma’ sħab ta’ fiduċja mad-dinja kollha

L-indipendenza ma tfissirx li wieħed jaqdef għar-rasu. Huwa għalhekk li qed napprofondixxu l-kooperazzjoni fil-qasam tad-difiża u s-sigurtà ma’ sħab fdati madwar id-dinja. Saħħaħna l-kooperazzjoni industrijali tagħna li taqa’ taħt SAFE mal-Kanada u kkonkludejna sħubijiet tad-difiża mal-Awstralja, il-Ghana, l-Iżlanda u l-Indja.Dawn is-sħubijiet joħolqu opportunitajiet ġodda għall-kollaborazzjoni industrijali u kooperazzjoni aktar mill-qrib fir-rigward tal-isfidi kondiviżi tas-sigurtà.

It-tisħiħ tar-reġjuni tal-fruntiera tal-Lvant

Ir-reġjuni tal-fruntiera tal-Lvant tal-Ewropa jinsabu fuq quddiem nett ta’ ambjent ta’ sigurtà li qed jinbidel. Il-Kummissjoni adottat strateġija ġdida biex issaħħaħ il-prosperità, ir-reżiljenza u s-sigurtà ta’ dawn ir-reġjuni, filwaqt li l-faċilità l-ġdida EastInvest, se tgħin lir-reġjuni tal-fruntiera jiksbu aċċess aktar faċli għall-finanzjament u l-appoġġ konsultattiv.

Unjoni sigura

Is-sigurtà tal-Ewropa tiddependi fuq ħafna aktar minn sempliċi difiża tradizzjonali. Kemm jekk l-attakki ċibernetiċi mmirati tagħha fuq ċentri loġistiċi, il-proċessi demokratiċi soġġetti għal interferenza barranija, jew l-estremiżmu vjolenti, it-theddid li qed niffaċċjaw spiss ikun imfassal speċifikament biex jopera taħt il-limitu ta’ kunflitt armat.

Il-ġlieda kontra t-theddid ibridu

Waħda mill-isfidi dejjem tikber b’ħeffa kbira tas-sigurtà li qed tiffaċċja l-Ewropa hija dik li ġejja mid-droni. Matul is-sena li għaddiet, l-inkursjonijiet tad-droni wasslu biex ċittadini tal-UE jittieħdu malajr f’ċentri ta’ kenn u wasslu biex jiġu kkanċellati xi titjiriet. Hemm għadd ta’ modi kif l-UE qed taħdem biex tiġġieled din it-theddida, inkluż billi

L-Ewropa qed tara wkoll żieda qawwija fl-attività ċibernetika malizzjuża, b’attakki ċibernetiċi ta’ kuljum kontra servizzi essenzjali, negozji u awtoritajiet pubbliċi. Biex tindirizza dan, il-Kummissjoni rrevediet l-Att dwar iċ-Ċibersigurtà. Dan jiggarantixxi li l-prodotti mqiegħda fis-suq Ewropew ikunu ċibersiguri mill-għamla tagħhom stess u se jindirizza l-vulnerabbiltajiet fil-ktajjen tal-provvista kritiċi tal-ICT.

Permezz tal-Pjan ta’ Azzjoni tal-UE dwar iċ-Ċibersigurtà u l-Intelliġenza Artifiċjali, qed nindirizzaw ir-riskji tal-aktar mudelli avvanzati tal-IA għaċ-ċibersigurtà.

L-indirizzar tat-terroriżmu u r-radikalizzazzjoni

It-theddida mit-terroriżmu u l-estremiżmu vjolenti qed tkompli tevolvi. Il-gruppi terroristiċi qed jisfruttaw dejjem aktar it-teknoloġiji diġitali, il-media soċjali, l-intelliġenza artifiċjali u l-kriptovaluti biex jirreklutaw, jiffinanzjaw u jorganizzaw l-attivitajiet tagħhom. Permezz tal-aġenda ProtectEU dwar il-prevenzjoni u l-ġlieda kontra t-terroriżmu, l-Ewropa qed issaħħaħ il-kooperazzjoni bejn l-awtoritajiet tal-infurzar tal-liġi, ittejjeb il-kondiviżjoni tal-intelligence, tindirizza l-finanzjament tat-terroriżmu u tiżviluppa għodod ġodda biex tidentifika u tipprevjeni r-radikalizzazzjoni qabel ma twassal għall-vjolenza.

L-indirizzar tal-kriminalità organizzata

In-networks kriminali involuti fit-traffikar tad-droga, fil-kuntrabandu tal-armi tan-nar, fil-ħasil tal-flus u fiċ-ċiberkriminalità joperaw bejn il-fruntieri u qed jisfruttaw dejjem aktar it-teknoloġiji diġitali biex jespandu l-firxa tagħhom. Il-Kummissjoni saħħet ir-reazzjoni tagħha fuq diversi fronti

L-indirizzar flimkien tad-diżastri naturali

Dan is-sajf għal darb’ oħra, l-Ewropa ntlaqtet minn nirien devastanti, nixfiet severi u għargħar bla preċedent. L-istaġun tan-nirien fil-foresti kien gravi b’mod eċċezzjonali. Sa nofs Awwissu, iż-żona maħruqa kienet diġà aktar mid-doppju tal-medja għal dan iż-żmien tas-sena. 

Qabel is-sajf, mijiet ta’ ħaddiema tat-tifi tan-nar u għexieren ta’ riżorsi tat-tifi tan-nar kienu prepożizzjonati fil-pajjiżi li kellhom l-akbar riskju. Minn dak iż-żmien ’il hawn, il-Mekkaniżmu tal-UE għall-Protezzjoni Ċivili (UCPM) ġie attivat 11-il darba mid-disa’ pajjiżi affettwati, inklużi l-ewwel attivazzjonijiet li qatt saru għan-nirien fil-foresti mill-Belġju u min-Netherlands.

Fruntieri esterni siguri

Sigurtà b’saħħitha teħtieġ ukoll fruntieri esterni siguri. L-Ewropa qed tibni sistema bbilanċjata ta’ migrazzjoni u ażil li tgħaqqad l-umanità mar-responsabbiltà u s-solidarjetà mas-sigurtà. Soluzzjoni li tkun ġusta u soda. Qed issawwar ukoll ġestjoni tal-fruntieri aktar effettiva.

Ir-regoli tal-Patt dwar il-Migrazzjoni u l-Ażil daħlu fis-seħħ f’Ġunju 2026, li jfisser li l-Ewropa issa għandha qafas komuni għall-ġestjoni tal-migrazzjoni b’mod li jkun ġust, ordnat u bbażat fuq is-solidarjetà bejn il-pajjiżi tal-UE.

F’Lulju 2026, il-Kummissjoni pproponiet ukoll reġim ġdid ta’ sanzjonijiet biex tiġġieled il-faċilitazzjoni ta’ dħul klandestin ta’ migranti kif ukoll attivitajiet illeċiti oħra li joriġinaw barra mill-Unjoni.

Dan is-sajf, hekk kif eluf ta’ migranti irregolari ppruvaw jidħlu f’Ceuta mill-Marokk, il-Kummissjoni mal-ewwel offriet l-appoġġ finanzjarju u operattiva tagħha lil Spanja. Filwaqt li s-sitwazzjoni fuq il-post għadha ta’ sfida ġew evitati tentattivi illegali ġodda biex tinqasam il-fruntiera. Il-ħidma tagħna ma’ Meta, TikTok u verifikaturi tal-fatti indipendenti kienet kruċjali biex jiġi evitat li n-networks kriminali jxerrdu d-diżinformazzjoni. Żidna bil-qawwa wkoll il-ġlieda kontra l-faċilitazzjoni ta’ dħul klandestin ta’ migranti.

Is-sistema l-ġdida ta’ Dħul/Ħruġ bdiet tiddaħħal f’April 2026 u qed tipprovdi informazzjoni aktar affidabbli dwar ċittadini mhux tal-UE li jaqsmu l-fruntieri esterni tal-Ewropa, filwaqt li ssaħħaħ il-kontrolli tas-sigurtà. Sadanittant, l-ewwel strateġija tal-UE dwar il-viżi li qatt saret se ssaħħaħ l-iskrinjar tas-sigurtà għal dawk li jixtiequ jiġu fl-UE, filwaqt li tgħin biex tattira t-talent li l-Ewropa teħtieġ biex tikber.

Unjoni għal kulħadd:

Dawn l-aħħar ftit snin kienu diffiċli għal ħafna familji Ewropej. L-inflazzjoni għolja, iż-żieda fl-ispejjeż tal-akkomodazzjoni u l-pressjoni fuq il-baġits tal-familja affettwaw il-komunitajiet madwar l-Unjoni tagħna. Li nindirizzaw dawn l-isfidi mhux talli hija kwistjoni ta’ ġustizzja soċjali, talli hija wkoll ċentrali għall-kompetittività tal-Ewropa.

L-indirizzar taż-żieda fl-għoli tal-ħajja

Madwar l-Unjoni Ewropea, persuna waħda minn kull ħamsa għadha f’riskju ta’ faqar jew ta’ esklużjoni soċjali. L-ewwel strateġija tal-UE kontra l-faqar li qatt tfasslet tistabbilixxi pjan direzzjonali fit-tul biex jinqered il-faqar sal-2050, filwaqt li l-Garanzija Ewropea għat-Tfal imsaħħa tiżgura li kull tifel u tifla jkollhom aċċess għas-servizzi u l-appoġġ li jeħtieġu biex jirnexxu, irrispettivament mill-isfond jew miċ-ċirkostanzi tagħhom.

L-iktar kamp fejn jinħass kemm persuna tiflaħ tħallas huwa dak tal-akkomodazzjoni. Dar sikura u affordabbli hija l-pedament li fuqu n-nies jibnu ħajjithom, u huwa għalhekk li l-akkomodazzjoni affordabbli hija prijorità għall-UE. Sabiex tindirizza din l-isfida, il-Kummissjoni

L-unitajiet domestiċi għadhom qed jintlaqtu mill-impatt ta’ kriżi tal-enerġija li toriġina lil hinn mill-fruntieri tagħna. Permezz tal-pakkett tal-enerġija taċ-ċittadini, l-Unjoni Ewropea qed issaħħaħ il-protezzjonijiet għall-konsumaturi vulnerabbli, tgħin fil-prevenzjoni tal-iskonnessjonijiet, ittejjeb it-trasparenza u tagħti lill-unitajiet domestiċi kontroll akbar fuq l-għażliet u l-kontijiet tal-enerġija tagħhom.

Nipproteġu lill-konsumaturi

Filwaqt li l-konsumaturi Ewropej igawdu minn uħud mill-ogħla livelli ta’ protezzjoni madwar id-dinja, iż-żieda fis-servizzi diġitali u t-tkabbir enormi tal-kummerċ elettroniku ħolqu sfidi ġodda. Permezz tal-aġenda tal-konsumatur 2030, l-Ewropa qed issaħħaħ il-protezzjoni tal-konsumatur, inkluż fuq l-Internet b’enfasi partikolari fuq it-tfal u l-konsumaturi vulnerabbli billi

Intant, regoli doganali ġodda, inkluż dazju ta’ EUR 3 fuq pakketti minn barra l-UE b’valur ta’ inqas minn EUR 150, jgħinu biex jinħolqu kundizzjonijiet ekwi bejn il-pjattaformi fuq l-Internet u l-bejjiegħa bl-imnut tradizzjonali u jiżguraw li l-prodotti mibjugħa fl-Ewropa jissodisfaw l-istandards li jistennew il-konsumaturi.

L-iffaċilitar tal-ivvjaġġar bil-ferrovija

L-ivvjaġġar bil-ferrovija bejn il-fruntieri xorta jista’ jkun ikkumplikat bla bżonn. Vjaġġ li jinvolvi diversi operaturi tal-ferroviji spiss ikun jeħtieġ diversi biljetti , mixtrija permezz ta’ sistemi differenti, bi protezzjoni limitata jekk tintilef konnessjoni. Bl-inizjattiva l-ġdida tal-Kummissjoni Vjaġġ Wieħed, Biljett Wieħed

Unjoni aktar inklużiva

Kulħadd fl-Unjoni Ewropea għandu jkun jista’ jħossu sikur u jgħix b’dinjità u rispett. Qed naħdmu biex noħolqu unjoni ta’ ugwaljanza. L-ugwaljanza ma tikkonċernax biss il-protezzjoni tad-drittijiet. Hija tikkonsisti wkoll mill-ħolqien ta’ soċjetajiet fejn kulħadd jista’ jipparteċipa bis-sħiħ u jħossu li jappartjeni. Matul l-aħħar sena, il-Kummissjoni ppreżentat għadd ta’ strateġiji ġodda importanti

Din il-paġna telenka biss għażla ta’ kisbiet miksuba matul is-sena li għaddiet. 
Għal aktar informazzjoni, niżżel il-fuljett (PDF).