An comhaontú trádála idir an tAontas agus Mercosur: an tábhacht atá leisLeis an gcomhaontú trádála idir an tAontas agus Mercosur, cruthaítear crios trádála ina bhfuil 700 milliún duine ar an iomlán. Comhaontaíodh é idir an tAontas agus bloc trádála Mheiriceá Theas, mar atá an Airgintín, an Bhrasaíl, Paragua agus Uragua. Is é is aidhm don chomhaontú borradh a chur faoi gheilleagar agus comhpháirtíochtaí domhanda na hEorpa agus, ag an am céanna, feirmeoirí, tomhaltóirí agus caighdeáin chomhshaoil an Aontais a chosaint. Déanfaidh sé an méid seo a leanas: deireadh a chur le bacainní trádálapoist agus deiseanna gnó a chruthúcosaintí láidre a chinntiú do rialacha an Aontais agus d’iomaíocht chóir Faoi 2040, meastar gurb é seo a leanas an toradh a bheidh ar an gcomhaontú trádála idir an tAontas agus Mercosur: méadú breis agus €77.6 billiúnar OTI an Aontaisméadú suas le €50 billiún,is é sin 39%, ar easpórtálacha bliantúla an Aontaissuas le 600,000post a dtacófar leo san Eoraip Deiseanna do ghnólachtaí an AontaisEarraí tionsclaíochaLeis an gcomhaontú trádála idir an tAontas agus Mercosur, laghdófar taraifí ar na hearraí seo a leanas: - gluaisteáin (suas le 35% faoi láthair) - innealra (idir 14% agus 20% faoi láthair) - táirgí cógaisíochta (suas le 14% faoi láthair) agus ar go leor táirgí eile. Leis sin, sábhálfaidh gnólachtaí an Aontais níos mó ná €4 bhilliún in aghaidh na bliana.Amhábhair chriticiúlaIs príomhsholáthróir é Mercosur d’ábhair atá ríthábhachtach don aistriú glas agus don aistriú digiteach. Mar shampla, iompórtálann an tAontas 82% dá Niaibiam chun maighnéid fhorsheoltacha a tháirgeadh le haghaidh scanóirí MRI agus cóireáil ailse ó Mercosur. Leis an gcomhaontú idir an tAontas agus Mercosur, cinnteofar rochtain inbhuanaithe ar amhábhair chriticiúla.Soláthar poiblíIs féidir le gnólachtaí an Aontais tairiscint a dhéanamh ar chonarthaí rialtais Mercosur. Is mó ná €8 mbilliún in aghaidh na bliana margadh soláthair cónaidhme na Brasaíle amháin. Buntáistí d’fheirmeoirí agus do thomhaltóirí an AontaisLeis an gcomhaontú trádála idir an tAontas agus Mercosur, laghdófar na taraifí arda atá ann faoi láthair ar phríomhtháirgí agraibhia an Aontais, cuir i gcás fíon agus biotáillí (suas le 35%), seacláid (20%), agus ola olóige (10%). Meastar go dtiocfaidh méadú beagnach 50% ar easpórtálacha táirgí talmhaíochta an Aontais. An méid a mheastar a ghnóthófar ó tharaifí laghdaithe Rachaidh an comhaontú chun tairbhe d’fheirmeoirí agus do tháirgeoirí bia an Aontais freisin ar na bealaí seo a leanas: tacú le fás i dtaca le heaspórtálacha táirgí agraibhia traidisiúnta ar ardchaighdeán de chuid an Aontaistáirgí barántúla de chuid an Aontais (Tásca Geografacha) a chosaint ar aithris a dhéanamh orthu in Mercosur, trí bhrandáil agus eisiachas margaidh a dhaingniú, agus ar an gcaoi sin deireadh a chur leis an iomaíocht éagórach siniompórtálacha fabhracha agraibhia a theorannú – níl uasteorainn ach 1.5% agus 1.3% de tháirgeadh bliantúil iomlán an Aontais ar iompórtálacha mairteola agus éineola. Tá iompórtálacha eile ann a bhfuil cosaint bhreise orthu freisin, is iad sin rís, mil, agus eatánól. De réir mar a chuirfear an comhaontú i bhfeidhm, déanfaidh an Coimisiún Eorpach dlúthmhonatóireacht ar fhorbairtí sa mhargadh, go háirithe sa talmhaíocht. Cuirfear coimircí i bhfeidhm lena gcosnófar táirgí íogaire Eorpacha ar aon bhorradh más gá chun feirmeoirí na hEorpa a chosaint agus chun comhpháirtíocht chóir chothrom le Mercosur a chinntiú. Ina theannta sin, cosnóidh líontán sábhála €6.3 billiún feirmeoirí an Aontais i gcás suaitheadh sa mhargadh. Ardchaighdeáin an Aontais maidir le sláinte agus sábháilteacht bia a choinneáilTá bia sábháilte sláintiúil ag muintir na hEorpa a bhuí leis na caighdeáin sláinte agus bhia is airde ar domhan agus leis an gcomhaontú nua seo, cosnófar na caighdeáin sin. Déanfar an méid seo a leanas chun a chinntiú go gcoinnítear na caighdeáin sin: ní cheadófar ach iompórtálacha a chomhlíonann rialacha dochta an Aontais maidir le sábháilteacht biabeidh smacht iomlán ag an Aontas i gcónaí maidir le sláinte agus sábháilteacht mhuintir na hEorpa a chosaint, agus iad a neartú a thuilleadhdéanfar cigireachtaí agus iniúchtaí i dtíortha easpórtála agus ag teorainneacha an Aontais a threisiú Cinntítear leis na bearta sin go leanann bia iompórtáilte de bheith sábháilte agus sláintiúil, agus tacaítear leis an tslándáil bia ag an am céanna. Luachanna comhroinnte agus forbairt inbhuanaithe a chur chun cinn Tá níos mó i gceist leis an gcomhaontú ná comhaontú trádála amháin. Cuireann sé creat ar fáil le haghaidh comhar maidir le saincheisteanna práinneacha domhanda, cuir i gcás cearta an duine agus an t-athrú aeráide, tríd an méid seo a leanas a dhéanamh: gealltanas a thabhairt Comhaontú Pháras maidir leis an Athrú Aeráide a chur i bhfeidhm go héifeachtachgealltanais nithiúla intomhaiste a sholáthar chun bithéagsúlacht na n-éiceachóras a chaomhnú agus chun dul i ngleic leis an dífhoraoisiúcearta oibrithe a neartúiompar freagrach gnó a spreagadhcosaint agus forfheidhmiú ceart maoine intleachtúla (CMI) a neart toisc gurb ionann tionscail atá dian ar CMI agus níos mó ná 47% de OTI an Aontais agus níos mó ná 80% d’easpórtálacha an Aontais Ceisteanna coitianta Cén fáth a bhfuil comhaontú comhpháirtíochta caibidlithe ag an Aontas le Mercosur?Is margadh mór é Mercosur d’easpórtálacha an Aontais. Go dtí seo, d’easpórtáil gnólachtaí de chuid an Aontais chuig ceithre thír bhunaidh Mercosur€55 bhilliún in earraí (in 2024)€29 mbilliún i seirbhísí (in 2023)Bíonn go leor bacainní trádála roimh ghnólachtaí Eorpacha agus iad ag easpórtáil chuige, rud a fhágann go mbíonn sé deacair orthu dul san iomaíocht faoi dhálaí cothroma. Fiú leis na bacainní trádála sin, b’ionann trádáil an Aontais agus 16.9% de thrádáil Mercosur in 2023, agus d’fhéadfadh an comhaontú trádála borradh a chur faoi easpórtálacha chuig an margadh sin ina bhfuil 295 mhillún duine. An bhfuil comhaontuithe trádála tugtha i gcrích ag an Aontas le tíortha eile i Meiriceá Laidineach?Tá comhaontuithe trádála i bhfeidhm cheana féin ag an Aontas le beagnach gach tír eile i Meiriceá Laidineach. Ach comhaontú a dhaingniú le tíortha Mercosur, is féidir rochtain fhabhrach a leathnú tuilleadh d’easpórtálaithe an Aontais agus naisc pholaitiúla le tíortha Mheiriceá Laidinigh a neartú.Cén toradh a bheidh ar an gcomhaontú idir an tAontas agus Mercosur?Le comhaontú comhpháirtíochta an Aontais le Mercosur, bainfear an méid seo a leanas amach:is éasca a bheidh sé do ghnólachtaí an Aontais earraí a dhíol i dtíortha Mercosur agus infheistíocht a dhéanamh ionturochtain inbhuanaithe ar amhábhair a dhaingniú, rud a neartóidh slándáil eacnamaíoch an Aontaiscuidiú leis an Aontas agus le Mercosur rialacha trádála domhanda a mhúnlú i gcomhréir leis na caighdeáin is airde de chuid an Aontaiscomhartha cumhachtach a chur amach chuig an domhan ar son na trádála riailbhunaithe agus in aghaidh na caomhnaitheachtaslabhraí luacha a chomhtháthú tuilleadh idir an dá réigiún, rud a chuideoidh le tionscail ar an dá thaobh fanacht iomaíoch ar an margadh domhandaluachanna Eorpacha a chur chun cinn trí ghealltanais maidir leis an bhforbairt inbhuanaithe, leis an athrú aeráide agus le cearta oibrithe Tuilleadh ceisteanna agus freagraí Cúlra Cuireadh tús leis an gcaibidlíocht maidir leis an gcomhaontú idir an tAontas agus Mercosur in 2000 agus chuathas trí chéimeanna éagsúla i gcaitheamh na mblianta. Tháinig deireadh leis an gcaibidlíocht an 6 Nollaig 2024, nuair a tháinig an tAontas Eorpach agus na ceithre thír bhunaidh Mercosur ar chomhaontú polaitiúil maidir le Comhaontú Comhpháirtíochta uaillmhianach cothrom cuimsitheach. An 9 Eanáir 2026 d’fhormhuinigh tíortha an Aontais an comhaontú trádála go foirmiúil. Naisc ghaolmhara Bileog eolais: An comhaontú comhpháirtíochta idir an tAontas agus Mercosur Caidreamh trádála an Aontais le Mercosur EU-Mercosur: Text of the agreementCaibidlíochtaí agus comhaontuithe trádála an Aontais Beartas trádála an Aontais
An comhaontú trádála idir an tAontas agus Mercosur: an tábhacht atá leisLeis an gcomhaontú trádála idir an tAontas agus Mercosur, cruthaítear crios trádála ina bhfuil 700 milliún duine ar an iomlán. Comhaontaíodh é idir an tAontas agus bloc trádála Mheiriceá Theas, mar atá an Airgintín, an Bhrasaíl, Paragua agus Uragua. Is é is aidhm don chomhaontú borradh a chur faoi gheilleagar agus comhpháirtíochtaí domhanda na hEorpa agus, ag an am céanna, feirmeoirí, tomhaltóirí agus caighdeáin chomhshaoil an Aontais a chosaint. Déanfaidh sé an méid seo a leanas: deireadh a chur le bacainní trádálapoist agus deiseanna gnó a chruthúcosaintí láidre a chinntiú do rialacha an Aontais agus d’iomaíocht chóir
Earraí tionsclaíochaLeis an gcomhaontú trádála idir an tAontas agus Mercosur, laghdófar taraifí ar na hearraí seo a leanas: - gluaisteáin (suas le 35% faoi láthair) - innealra (idir 14% agus 20% faoi láthair) - táirgí cógaisíochta (suas le 14% faoi láthair) agus ar go leor táirgí eile. Leis sin, sábhálfaidh gnólachtaí an Aontais níos mó ná €4 bhilliún in aghaidh na bliana.
Amhábhair chriticiúlaIs príomhsholáthróir é Mercosur d’ábhair atá ríthábhachtach don aistriú glas agus don aistriú digiteach. Mar shampla, iompórtálann an tAontas 82% dá Niaibiam chun maighnéid fhorsheoltacha a tháirgeadh le haghaidh scanóirí MRI agus cóireáil ailse ó Mercosur. Leis an gcomhaontú idir an tAontas agus Mercosur, cinnteofar rochtain inbhuanaithe ar amhábhair chriticiúla.
Soláthar poiblíIs féidir le gnólachtaí an Aontais tairiscint a dhéanamh ar chonarthaí rialtais Mercosur. Is mó ná €8 mbilliún in aghaidh na bliana margadh soláthair cónaidhme na Brasaíle amháin.
