An méid a dhéanann an tAontas Eorpach Is é is aidhm do bheartais fostaíochta agus gnóthaí sóisialta an Aontais poist ardcháilíochta a chruthú ar fud an Aontais, tacú le hoibrithe fostaíocht a fháil laistigh dá dtír dhúchais agus i mBallstáit eile araon, agus forbairt scileanna agus fiontraíocht a chur chun cinn. Dírítear sna beartais sin freisin ar chórais slándála sóisialta a nuachóiriú agus a chomhordú, ar dhálaí oibre a fheabhsú trí chaighdeáin íosta choiteanna, ar chuimsiú sóisialta a chothú, agus ar aghaidh a thabhairt ar an mbochtaineacht agus ar an easpa dídine. Ina theannta sin, oibríonn siad chun cearta daoine faoi mhíchumas a chosaint, rud a chinntíonn comhionannas deiseanna do chách.Déanann an tAontas Eorpach maoiniú a chur ar fáil agus a chomhordú chun cabhrú leis na Ballstáit infheistíocht a dhéanamh i réimsí amhail cúram leanaí, cúram sláinte, an oiliúint, bonneagar inrochtana agus cabhair maidir le post a fháil. Príomhfhigiúirí faoi Cholún Eorpach na gCeart Sóisialta I gColún Eorpach na gCeart Sóisialta leagtar amach 20 bunphrionsabal agus ceart d’fhonn tacú le cothroime agus dea-fheidhmiú na margaí saothair agus na gcóras leasa shóisialta. Leagtar síos i bPlean Gníomhaíochta Cholún Eorpach na gCeart Sóisialta spriocanna sóisialta atá le baint amach ag an Aontas faoi 2030. Fostaíocht Ba cheart ar a laghad 78% de mhuintir an Aontais idir 20 agus 64 bliana d’aois a bheith fostaitheOiliúint Ba cheart ar a laghad 60% de na daoine fásta uile san Aontas a bheith rannpháirteach san oiliúint gach bliainAn bhochtaineacht a laghdú Ba cheart laghdú 15 mhilliún ar a laghad a chur ar líon na ndaoine i mbaol bochtaineachta nó eisiaimh shóisialta san Aontas Réimsí gníomhaíochtaInacmhainneachtTionscnaimh maidir le tithíocht, iompar, fuinneamh agus bia inacmhainneTreoir maidir le pá íosta leordhóthanachRialacha a chuidíonn chun a chinntiú go dtuilleann oibrithe pá íosta leordhóthanachTreoir maidir le trédhearcacht páPrionsabal an phá chomhionainn as obair chomhionann idir fir agus mná a neartú trí thrédhearcachtAontas na ScileannaPlean chun oideachas, oiliúint agus foghlaim ar feadh an tsaoil ar ardchaighdeán a fheabhsúAn Treoir maidir le hobair ardáinFeabhas a chur ar dhálaí oibre na ndaoine a oibríonn trí ardáin dhigiteachaRáthaíocht don Aos ÓgCuidiú le daoine óga aistriú go réidh ón oideachas go dtí an obair agus dífhostaíocht fhadtéarmach a chosc i measc an aosa óigAn Ráthaíocht Eorpach do LeanaíA chinntiú go mbeidh rochtain ag gach leanbh atá i mbaol bochtaineachta nó eisiaimh shóisialta ar chearta bunúsacha, amhail cúram sláinte agus oideachas.An Cárta Eorpach um Árachas SláinteRochtain ar chúram sláinte poiblí is gá agus tú ag fanacht go sealadach san Aontas, sa LEE, san Eilvéis, nó sa Ríocht Aontaithe, faoi na coinníollacha céanna le cónaitheoirí áitiúlaEURES – Na Seirbhísí Eorpacha FostaíochtaCuidíonn EURES le cuardaitheoirí poist poist a aimsiú agus le fostóirí daoine a earcú ó áit ar bith san Eoraip Na príomhéachtaí Tá rialacha curtha i bhfeidhm ag an Aontas chun feabhas a chur ar leordhóthanacht an phá íosta agus chun cómhargáil a chur chun cinn. Cinntíonn pá leordhóthanach caighdeán leordhóthanach maireachtála do chách agus feabhsaíonn sé cothroime shóisialta.Leagamar amach rialacha chun dálaí oibre oibrithe ardáin a fheabhsú. As 28 milliún duine a oibríonn trí ardáin dhigiteacha, d’fhéadfadh suas le 4.1 milliún duine acu a aicmítear go mícheart mar dhaoine féinfhostaithe a bheith ina bhfostaithe. Bainfidh na hoibrithe sin tairbhe as cearta saothair agus sóisialta, ina measc sin árachas sláinte, saoire le pá, tacaíocht dífhostaíochta agus rochtain ar chosaint shóisialta.San Aontas Eorpach, tuilleann na mná 13% níos lú ná na fir as an obair chéanna. Tá rialacha leagtha amach againn maidir le trédhearcacht pá, chun an bunphrionsabal a bhaint amach go bhfuil pá comhionann as obair chomhionann tuillte ag cách. Beidh ar chuideachtaí a bhfuil níos mó ná 100 fostaí acu eolas a fhoilsiú maidir leis an mbearna phá idir oibrithe ar mná iad agus oibrithe ar fir iad.Cinntítear leis an Ráthaíocht don Aos Óg go dtairgtear post, oideachas leanúnach, tréimhse oiliúna, nó printíseacht do dhaoine óga laistigh de 4 mhí tar éis dóibh a bpost a chailleadh nó an t-oideachas a fhágáil. Ó bhí 2013 ann, chuidigh an Ráthaíocht Eorpach don Aos Óg le níos mó ná 50 milliún duine óg.Ó bhí 2022 ann, tá níos mó ná 4 mhilliún Úcránach tar éis tairbhe a bhaint as cosaint shealadach, rud a chuir ar a gcumas a saol a atógáil agus a bheith ag obair san Aontas.Ó bhí 2020 ann, spreagtar leis an gComhshocrú um Scileanna eagraíochtaí poiblí agus príobháideacha dul i gcomhar le chéile chun oibrithe a uas-sciliú agus a athsciliú. Go dtí 2024, bhí níos mó ná 2,500 comhalta aige a bhfuil oiliúint curtha ar níos mó ná 3.5 milliún duine acu i dteannta a chéile.Ó 2007 go 2024 rinne an Ciste Eorpach um Choigeartú don Domhandú d’Oibrithe Iomarcacha idirghabháil i 182 chás, agus leithdháileadh €700 milliún leis chun cuidiú a thabhairt do níos mó ná 170,000 duine i 20 Ballstát. Sa spotsolas Bearta nua molta ag an gCoimisiún chun aghaidh a thabhairt ar an mbochtaineacht agus ar an ngéarchéim tithíochtaDéanann an bhochtaineacht difear do dhuine amháin as gach cúigear Eorpach, ina measc sin leanbh amháin as gach ceathrar, agus tá thart ar 1 mhilliún duine gan dídean ar fud an Aontais. Tá pacáiste beart molta ag an gCoimisiún chun cur leis an iarracht ar dheireadh a chur leis an mbochtaineacht agus leis an ngéarchéim tithíochta, ina measc sin an chéad straitéis frithbhochtaineachta riamh de chuid an Aontais, Ráthaíocht neartaithe do Leanaí agus gníomhaíocht chun aghaidh a thabhairt ar eisiamh tithíochta.Tuilleadh eolais An nuacht is déanaí 13 Bealtaine 2026EAfA Community of Regions and Cities’ High-Level event in Rome13 Bealtaine 2026Partnerships at the centre of employment service delivery: insights from the PES Network Annual Stakeholder ConferenceFéach na Imeachtaí 19Jan2022Comhdhálacha agus cruinnithe mullaighWebinar: Presentation of the policy brief on the social economy’s contribution to the circular economy26Jan2022Comhdhálacha agus cruinnithe mullaighOnline event: EAfA info session 2022Féach na Eolas gaolmharAn Ard‑Stiúrthóireacht um Fhostaíocht, Gnóthaí Sóisialta agus CuimsiúMaoiniú Nuashonraíodh an leathanach seo den uair dheireanach an 6 Bealtaine 2026
Is é is aidhm do bheartais fostaíochta agus gnóthaí sóisialta an Aontais poist ardcháilíochta a chruthú ar fud an Aontais, tacú le hoibrithe fostaíocht a fháil laistigh dá dtír dhúchais agus i mBallstáit eile araon, agus forbairt scileanna agus fiontraíocht a chur chun cinn. Dírítear sna beartais sin freisin ar chórais slándála sóisialta a nuachóiriú agus a chomhordú, ar dhálaí oibre a fheabhsú trí chaighdeáin íosta choiteanna, ar chuimsiú sóisialta a chothú, agus ar aghaidh a thabhairt ar an mbochtaineacht agus ar an easpa dídine. Ina theannta sin, oibríonn siad chun cearta daoine faoi mhíchumas a chosaint, rud a chinntíonn comhionannas deiseanna do chách.Déanann an tAontas Eorpach maoiniú a chur ar fáil agus a chomhordú chun cabhrú leis na Ballstáit infheistíocht a dhéanamh i réimsí amhail cúram leanaí, cúram sláinte, an oiliúint, bonneagar inrochtana agus cabhair maidir le post a fháil.
Treoir maidir le pá íosta leordhóthanachRialacha a chuidíonn chun a chinntiú go dtuilleann oibrithe pá íosta leordhóthanach
Treoir maidir le trédhearcacht páPrionsabal an phá chomhionainn as obair chomhionann idir fir agus mná a neartú trí thrédhearcacht
Aontas na ScileannaPlean chun oideachas, oiliúint agus foghlaim ar feadh an tsaoil ar ardchaighdeán a fheabhsú
An Treoir maidir le hobair ardáinFeabhas a chur ar dhálaí oibre na ndaoine a oibríonn trí ardáin dhigiteacha
Ráthaíocht don Aos ÓgCuidiú le daoine óga aistriú go réidh ón oideachas go dtí an obair agus dífhostaíocht fhadtéarmach a chosc i measc an aosa óig
An Ráthaíocht Eorpach do LeanaíA chinntiú go mbeidh rochtain ag gach leanbh atá i mbaol bochtaineachta nó eisiaimh shóisialta ar chearta bunúsacha, amhail cúram sláinte agus oideachas.
An Cárta Eorpach um Árachas SláinteRochtain ar chúram sláinte poiblí is gá agus tú ag fanacht go sealadach san Aontas, sa LEE, san Eilvéis, nó sa Ríocht Aontaithe, faoi na coinníollacha céanna le cónaitheoirí áitiúla
EURES – Na Seirbhísí Eorpacha FostaíochtaCuidíonn EURES le cuardaitheoirí poist poist a aimsiú agus le fostóirí daoine a earcú ó áit ar bith san Eoraip
Bearta nua molta ag an gCoimisiún chun aghaidh a thabhairt ar an mbochtaineacht agus ar an ngéarchéim tithíochtaDéanann an bhochtaineacht difear do dhuine amháin as gach cúigear Eorpach, ina measc sin leanbh amháin as gach ceathrar, agus tá thart ar 1 mhilliún duine gan dídean ar fud an Aontais. Tá pacáiste beart molta ag an gCoimisiún chun cur leis an iarracht ar dheireadh a chur leis an mbochtaineacht agus leis an ngéarchéim tithíochta, ina measc sin an chéad straitéis frithbhochtaineachta riamh de chuid an Aontais, Ráthaíocht neartaithe do Leanaí agus gníomhaíocht chun aghaidh a thabhairt ar eisiamh tithíochta.Tuilleadh eolais
13 Bealtaine 2026Partnerships at the centre of employment service delivery: insights from the PES Network Annual Stakeholder Conference
19Jan2022Comhdhálacha agus cruinnithe mullaighWebinar: Presentation of the policy brief on the social economy’s contribution to the circular economy
