An méid a dhéanann an tAontas Eorpach
Tá an tAontas tiomanta a chinntiú go mbeidh aigéin shláintiúla, iascach inbhuanaithe, geilleagar gorm inbhuanaithe rathúil, agus pobail bhríomhara chósta ann ar fud na hEorpa. Tríd an gcomhbheartas iascaigh, tacaíonn an tAontas le slándáil bia na hEorpa trí iascaireacht fhreagrach inbhuanaithe a chur chun cinn. Leis an gComhshocrú Eorpach um na hAigéin, tugtar le chéile beartais an Aontais a bhaineann leis na haigéin, an tslándáil mhuirí, rialachas idirnáisiúnta na n-aigéan agus breathnóireacht na n-aigéan ina measc.
Is iad seo a leanas príomhchuspóirí bheartais an iascaigh agus na n-aigéan:
- úsáid a bhaint as acmhainní fharraigí na hEorpa chun poist inbhuanaithe a chruthú agus acmhainní nádúrtha á gcaomhnú ag an am céanna
- slándáil bia a chinntiú agus stoic éisc á n-athbhunú agus á gcothabháil ar leibhéil inbhuanaithe ag an am céanna
- oibriú i gcomhar le comhpháirtithe domhanda chun rialacha a bhunú ar mhaithe le haigéin an domhain a bhainistiú agus a rialú
- comhrac in aghaidh na hiascaireachta neamhrialáilte, neamhdhleathaí agus neamhthuairiscithe
- tacú le taighde agus nuálaíocht in earnálacha muirí
- tacaíocht airgeadais a chur ar fáil do réigiúin agus do phobail chósta tríd an gCiste Eorpach Muirí, Iascaigh agus Dobharshaothraithe
Príomhfhigiúirí
Réimsí gníomhaíochta
Straitéis an Aontais chun ár n-aigéan a chosaint agus borradh a chur faoi thionscail mhuirí inbhuanaithe
Rialacha maidir le cabhlaigh iascaireachta na hEorpa a bhainistiú ar bhealach inbhuanaithe agus stoic éisc a chaomhnú
Féach leat an chaoi a gcosnaíonn beartais an Aontais beatha mhuirí, an chaoi a dtacaíonn siad le hiascairí, agus an chaoi a mhúnlaíonn siad todhchaí ár bhfarraigí
Faigh eolas faoin gcaoi a bhfuil an tAontas ar thús cadhnaíochta maidir le cosaint na n-aigéan, fás inbhuanaithe agus comhar muirí domhanda
Gníomhaíochtaí eacnamaíocha a bhaineann leis na haigéin agus leis na farraigí
Féach an chaoi a dtacaíonn an tAontas le feirmeoireacht nuálach ísealtionchair éisc, sliogéisc agus algaí
Oibriú i gcomhar le comhpháirtithe le haghaidh aigéin shláintiúla tháirgiúla
Maoiniú do thionscadail a thacaíonn le hinbhuanaitheacht acmhainní uisceacha agus muirí
Na príomhnithe a baineadh amach
- Is mórspreagadh eacnamaíoch é geilleagar gorm an Aontais. Cruthaíonn sé beagnach 5 mhilliún post agus gineann sé breisluach €250 billiún.
- Tá an tAontas ar thús cadhnaíochta san fhuinneamh in-athnuaite ar muir, agus é á fhorbairt ó thonnta, ó thaoidí agus ón ngaoth amach ón gcósta, chun a spriocanna fuinnimh in-athnuaite agus a spriocanna aeráide a bhaint amach.
- Chun cabhrú leis na hearnálacha iascaigh agus dobharshaothraithe bogadh i dtreo cleachtais níos glaine agus níos inbhuanaithe, sheol an tAontas an Chomhpháirtíocht um Aistriú Fuinnimh arb é is aidhm di réitigh phraiticiúla a fhorbairt chun aeráidneodracht a bhaint amach faoi 2050.
- Chun ró-iascaireacht a chosc agus stoic éisc inmharthana a choinneáil ar bun san fhadtéarma, úsáideann an tAontas gabhálacha iomlána incheadaithe (TACanna) agus cuótaí iascaireachta. Ar an iomlán, leanann iascaigh na hEorpa den treocht i dtaca le feabhas de réir a chéile a chur ar a n-inbhuanaitheacht agus níos mó stoc éisc á n-iascach ar leibhéil inbhuanaithe in 2024 ná in 2003.
- Ar an leibhéal domhanda, bhí ról ceannasach ag an Aontas i gcaibidlíocht agus i nglacadh Chonradh 2023 na Mórmhara, lena gceadaítear limistéir mhuirí faoi chosaint, ar céim thábhachtach é i dtreo 30% ar a laghad de na haigéin a chosaint faoi 2030.
- Cinntíonn an tAontas go dtagann táirgí iascaigh iompórtáilte ó iascaireacht dhlíthiúil, i gcomhréir le dlíthe agus bearta caomhnaithe idirnáisiúnta. Ós rud é go n-iompórtáiltear 70% den bhia uisceach san Aontas, tá an mhaoirseacht sin ríthábhachtach.
Sa spotsolas
Clúdaíonn na haigéin 70% de dhromchla an domhain ach níl taiscéalaíocht ná mapáil déanta againn ach ar 5% de. Dá mhéad eolais atá againn faoina haigéin, is amhlaidh is fearr is féidir linn é a chosaint.
Tá dlús á chur ag an Aontas lena ról i bhfaire na n-aigéan le OceanEye. Tríd an tionscnamh nua seo, tá sé d’aidhm ag an Aontas 35% den chóras domhanda um fhaire na n-aigéan a chur ar fáil faoi 2035 agus é féin a chur ar thús cadhnaíochta ar fud an domhain maidir le heolas faoina haigéin.
Nuashonraíodh an leathanach seo den uair dheireanach an 25 Meitheamh 2026