Tá an t-eolas seo ar fáil sna teangacha seo a leanas chomh maith: Úcráinis | українська | Rúisis | русский
An 24 Feabhra 2022 chuir an Rúis tús le cogadh foghach i gcoinne na hÚcráine, agus leis sin, thug sé dúshlán do mhianta mhuintir na hÚcráine todhchaí níos fearr a bhaint amach, agus teacht níos gaire don Aontas. Ionsaí a bhí ann, ní i gcoinne na hÚcráine amháin, ach i gcoinne na saoirse, an fhéinchinntiúcháin agus an daonlathais.
Ó thús an chogaidh, sheas an tAontas an fód ar son na hÚcráine le tiomantas daingean. Chuireamar tacaíocht pholaitiúil, airgeadais, mhíleata agus dhaonnúil nach bhfacthas a leithéid riamh roimhe seo ar fáil don tír agus chuireamar fáilte roimh na milliúin Úcránach a raibh tearmann á lorg acu sna Ballstáit.
Leanfaidh an tAontas de chúnamh a chur ar fáil don Úcráin agus de smachtbhannaí a chur ar an Rúis agus orthu siúd atá comhpháirteach sa chogadh.
Gníomhaíochtaí an Aontais
Eolas faoi thacaíocht pholaitiúil dhaonnúil agus airgeadais an Aontais don Úcráin
Tacú leis an Úcráin agus lena hiarrachtaí lánpháirtiú a thuilleadh leis an Aontas
An chaoi a bhfuil an tAontas ag tacú le hiarrachtaí téarnaimh na tíre
Forléargas ar smachtbhannaí an Aontais lena ndírítear ar earnálacha, eintitis agus gníomhaithe comhpháirteacha
Cinnte a dhéanamh de go ngearrtar pionós ar an Rúis as a coireanna cogaidh agus go n-íocann sí as an damáiste a rinneadh
An chaoi a bhfuil an tAontas ag tacú leis na Ballstáit freastal ar riachtanais na ndaoine atá ag teitheadh ón Úcráin
Sa spotsolas
13 Deireadh Fómhair 2026 - Tá céim thábhachtach eile glactha ag an Aontas agus ag an Úcráin sa phróiseas aontachais trí thús a chur leis an gcaibidlíocht maidir le dhá chnuasach eile.
Cumhdaíonn na cnuasaigh sin beartais amhail saorghluaiseacht earraí, oibrithe, seirbhísí agus caipitil, iomaíocht, tomhaltóirí, cánachas agus custaim, taighde agus oideachas, agus tuilleadh nach iad.
Tá caibidlíocht aontachais an Aontais bunaithe ar shé chnuasach théamacha. Leis an gcinneadh sin, tá tús curtha le ceithre cinn de na sé chnuasach atá ann.
Leagann an cinneadh sin béim ar athléimneacht agus ar dhiongbháilteacht na hÚcráine dul chun cinn a dhéanamh ar a conair i dtreo ballraíocht san Aontas, fiú agus dúshláin roimpi nach bhfacthas a leithéid riamh roimhe seo.
Amlíne
- 14 Deireadh Fómhair 2026
D’eisíoc an Coimisiún €2.86 billiún leis an Úcráin le haghaidh drón, diúracán agus riachtanais phráinneacha ar an láthair chatha
- 13 Deireadh Fómhair 2026
Chuir an tAontas agus an Úcráin tús le caibidlíocht aontachais maidir leis an margadh inmheánach, iomaíochas agus fás
- 12 Deireadh Fómhair 2026
Chomhaontaigh an tAontas an pacáiste is mó riamh de liostuithe smachtbhannaí, lena ndírítear ar bheagnach 1,600 duine aonair agus eintiteas a bhfuil baint acu le coimpléasc tionsclaíoch míleata na Rúise
- 7 Deireadh Fómhair 2026
D’eisíoc an Coimisiún €1.24 billiún leis an Úcráin le haghaidh drón agus diúracán
- 2 Deireadh Fómhair 2026
D’eisíoc an Coimisiún €2.9 billiún faoin tSaoráid don Úcráin
Doiciméid
Bileoga eolais maidir le dlúthpháirtíocht an Aontais Eorpaigh leis an Úcráin
Foilseacháin ina bhfuil eolas faoi ghníomhaíochtaí an Aontais mar fhreagairt ar ionradh na Rúise ar an Úcráin
Key documents: EU solidarity with Ukraine
Doiciméid oifigiúla de chuid an Choimisiúin maidir leis an dóigh a bhfuil an tAontas ag tacú leis an Úcráin
Nuashonraíodh an leathanach seo den uair dheireanach an 14 Deireadh Fómhair 2026