An imirce agus an tearmann

An méid a dhéanann an tAontas Eorpach

Tá an beartas imirce agus tearmainn ríthábhachtach do shlándáil inmheánach an Aontais, do bhainistiú teorainneacha, d’fhás eacnamaíoch, agus d’urraim don dlí idirnáisiúnta agus do chearta an duine.

Le cur chuige an Aontais maidir leis an imirce a bhainistiú agus comhchóras tearmainn a bhunú ar leibhéal an Aontais, dírítear ar cheithre phríomhréimse, is iad sin:

Feabhas a chur ar an tslándáil ag na teorainneacha seachtracha, trí scagadh níos láidre a dhéanamh, trí bhunachar sonraí cuimsitheach uile-Aontais chun gach duine a thagann isteach san Aontas a shainaithint, agus trí nós imeachta teorann éigeantach.
Nósanna imeachta tapa éifeachtúla, le comhchaighdeáin de chuid an Aontais maidir le cosaint idirnáisiúnta tearmainn agus mí-úsáid an chórais a chosc.
Córas éifeachtach dlúthpháirtíochta agus freagrachta, córas nach bhfágtar aon Bhallstát den Aontas leis féin agus faoi bhrú, agus rialacha soiléire ann ionas nach mbeidh imircigh ag bogadh go neamhrialta ó thír amháin go tír eile.
Comhpháirtíochtaí saincheaptha frithsmuigleála a fhorbairt le tíortha nach Ballstáit den Aontas iad agus an imirce dhleathach agus earcaíocht a éascú trí ardán uile-Aontais.

Míniúchán: Cad é an Comhshocrú maidir le hImirce agus Tearmann?

Fíricí faoin imirce agus faoin tearmann san Aontas

30.6 milliún Sin é líon na ndaoine nach saoránaigh den Aontas iad a bhí ina gcónaí san Aontas ar an 1 Eanáir 2025 (6.8% de dhaonra iomlán an Aontais)

Beagnach 178,000 Sin é líon na dtrasnuithe teorann neamhrialta a cláraíodh in 2025, laghdú 26% i gcomparáid le 2024

12.9 milliún Sin é líon na ndaoine nach saoránaigh den Aontas iad a bhí ag obair i lucht saothair an Aontais in 2023

^Foinsí:^Eurostat^,^Frontex^agus^{Forbairtí sa mhargadh saothair agus forbairtí pá san Eoraip 2024}

Réimsí gníomhaíochta

An Comhshocrú maidir le hImirce agus Tearmann

Rialacha chun an imirce agus an tearmann a bhainistiú san Aontas

An Tearmann san Aontas Eorpach

Comhchóras an Aontais maidir leis an tearmann

An imirce dhleathach

Athlonnú, earcaíocht, staidéar agus taighde a éascú, chomh maith le hathaontú teaghlaigh

Lánpháirtiú na n-imirceach

Rannpháirtíocht iomlán daoine nach saoránaigh den Aontas iad a chur chun cinn i sochaí agus i ngeilleagar an Aontais

An imirce neamhrialta agus filleadh

Gníomhaíochtaí chun stop a chur leis an smuigleáil agus chun an imirce neamhrialta a laghdú

Bainistiú imirce

Gníomhaíochtaí an Aontais chun tacú leis na Ballstáit agus le comhpháirtithe maidir leis an imirce

Na príomhéachtaí

Leis an gComhshocrú maidir le hImirce agus Tearmann, tá rialú ar a theorainneacha seachtracha á dhaingniú ar bhealach níos fearr ag an Aontas. Táimid ag déanamh nósanna imeachta tearmainn, teorann agus fillte níos tapúla agus níos éifeachtaí agus ag cur i bhfeidhm teorainneacha ama níos déine agus rialacha níos déine chun iarratais mhíchuí nó iarratais a thagann astu sin a theorannú, ach na ráthaíochtaí is gá do dhaoine aonair á gcoinneáil ar bun againn.
Tacóidh na Ballstáit le chéile trí úsáid a bhaint as sásra dlúthpháirtíochta atá solúbtha ach buan. Beidh an rogha ag gach ceann acu an cineál dlúthpháirtíochta is mian leo a roghnú. Is fearr anois atá an tAontas in ann an imirce a bhainistiú.
Tá roinnt cosaintí sa Chomhshocrú chun a chinntiú go n-urramófar cearta bunúsacha na n-imirceach. Ina measc sin tá nósanna imeachta coiteanna tearmainn agus scagtha, seiceálacha ar dhaoine leochaileacha, agus faireachán neamhspleách. Tugtar aird ar leith orthu siúd is mó atá i mbaol, go háirithe teaghlaigh a bhfuil leanaí acu.
Tá go leor comhpháirtíochtaí domhanda tugtha i gcrích lena gcumhdaítear saincheisteanna amhail comhar eacnamaíoch, malartuithe cultúrtha, bainistiú níos fearr ar imirce, agus slándáil.
Is é Linn Tallainne an Aontais Eorpaigh an chéad ardán chun earcaíocht idirnáisiúnta a éascú, agus cuireann sé deiseanna ar fáil do chuardaitheoirí poist nach den Aontas iad ar gach leibhéal scileanna i ngairmeacha ina bhfuil ganntanas oibrithe ar fud an Aontais. Ag an am céanna, tacaíonn sé le fostóirí an Aontais agus cothaítear forbairt caipitil dhaonna i dtíortha comhpháirtíochta leis freisin.

Sa spotsolas

Straitéis 5 bliana um imirce curtha i láthair ag an gCoimisiún

I mí Eanáir 2026, chuir an Coimisiún i láthair straitéis 5 bliana maidir leis an imirce agus an tearmann. Leis an straitéis, tabharfar treoir d’obair an Aontais amach anseo sa réimse sin, rud a chuideoidh le líon na ndaoine atá ag teacht isteach go neamhdhleathach a laghdú, agus ag an am céanna, spreagfar bealaí dlíthiúla isteach an Aontas. Chun é sin a bhaint amach, sainaithnítear sa straitéis cúig thosaíocht, mar atá:

comhar níos láidre maidir leis an imirce
teorainneacha láidre an Aontais chun rialú agus slándáil a fheabhsú
córas tearmainn agus imirce atá daingean, cothrom agus inoiriúnaithe
filleadh agus athligean isteach níos éifeachtaí
daoine tréitheacha agus scileanna a mhealladh

Chuir an Coimisiún i láthair an chéad straitéis riamh de chuid an Aontais um beartas víosaí freisin. Dírítear sa straitéis sin ar an tslándáil a neartú, borradh a chur faoin rathúnas agus faoin iomaíochas agus uirlisí víosaí a dhéanamh níos nua-aimseartha.

Tuilleadh eolais