Beartas réigiúnach agus uirbeach

An méid a dhéanann an tAontas Eorpach

Ceapadh beartas réigiúnach agus uirbeach an Aontais Eorpaigh chun tacú le gach réigiún agus cathair ar fud an Aontais. Mar chuid de bheartas comhtháthaithe an Aontais, cothaíonn sé fás eacnamaíoch, agus cuidíonn sé chun cáilíocht saoil shaoránaigh uile an Aontais a fheabhsú.

Léiríonn an beartas réigiúnach agus uirbeach dlúthpháirtíocht na hEorpa. Tiomnaíonn sé an chuid is mó dá mhaoiniú do thíortha, réigiúin agus cathracha lagfhorbartha, rud a chabhraíonn leo breith suas go heacnamaíoch agus go sóisialta, agus na héagothromaíochtaí atá fós ann san Aontas a laghdú dá réir.

Go sonrach, tá sé d’aidhm ag an mbeartas seo an méid seo a leanas a dhéanamh:

comhtháthú eacnamaíoch agus críochach a neartú trí fhorbairt réigiúnach chothrom a chur chun cinn
nascacht agus inbhuanaitheacht a fheabhsú trí mhórthionscadail bhonneagair a mhaoiniú, go háirithe in earnálacha an chomhshaoil agus an iompair
an t-aistriú glan a chur chun cinn trí thionscnaimh éifeachtúlachta fuinnimh, tionscnaimh fuinnimh in-athnuaite agus tionscnaimh atá oiriúnaithe don athrú aeráide.

Cuirtear beartais réigiúnacha agus uirbeacha i bhfeidhm go príomha trí thrí phríomhchiste

Ciste Forbraíochta Réigiúnaí na hEorpa – cuireann sé nuálaíocht, digitiú, fás fiontar beag agus meánmhéide (FBManna) agus an t-aistriú chuig geilleagar ísealcharbóin chun cinn
An Ciste Comhtháthaithe – díríonn sé ar Bhallstáit a bhfuil Ollioncam Náisiúnta (OIN) acu in aghaidh an áitritheora atá faoi bhun 90% de mheán an Aontais
An Ciste um Aistriú Cóir – tacaíonn sé leis na réigiúin agus na pobail is mó dá ndéanann an t-aistriú chuig geilleagar aeráidneodrach difear

Fíricí faoin mbeartas réigiúnach agus uirbeach

€392 bhilliún tiomanta d’éagothromaíochtaí a laghdú ar fud an Aontais

725,000 cuideachta a fhaigheann tacaíocht don nuálaíocht agus don fhás cliste (2021-2027)

1.3 milliún post a bhfuiltear ag súil go gcruthófar iad le linn na tréimhse 2021-2027

Réimsí gníomhaíochta

Téamaí an bheartais réigiúnaigh

Féach leat na réimsí uile ina ndéanann beartas réigiúnach an Aontais difear

Cathracha agus forbairt uirbeach

Cabhrú le cathracha fás go hinbhuanaithe

Dlúthpháirtíocht

Tacaíocht airgeadais chomhordaithe nuair a bhuaileann géarchéimeanna

Comhar

Comhar críochach Eorpach agus a chláir

Tionscadail

Féach samplaí nithiúla den bheartas réigiúnach a chabhraíonn le réigiúin agus le tíortha

Maoiniú

Eolas faoi chistí éagsúla agus conas rochtain a fháil orthu

Na príomhnithe a baineadh amach

A bhuí leis an mbeartas réigiúnach agus uirbeach, cuireadh feabhas ar bhonneagar riachtanach, na mílte ciliméadar de bhóithre agus d’iarnróid a thógáil nó a uasghrádú san áireamh.
Le breis agus €100 billiún chun fuinneamh in-athnuaite, éifeachtúlacht fuinnimh agus iompar uirbeach inbhuanaithe a fhorbairt, bhí ról lárnach ag an mbeartas sin maidir leis an aistriú glas a chur chun cinn.
Bhí an beartas réigiúnach agus uirbeach ina phríomhfhórsa cobhsaíochta, agus slógadh na billiúin euro chun cabhrú le tíortha agus réigiúin freagairt ar phaindéim COVID-19, ar theacht na milliún dídeanaí ón Úcráin agus ar an ngéarchéim fuinnimh.
Tá laghdú suntasach tagtha ar éagothromaíochtaí réigiúnacha, rud a chabhraigh le limistéir bheagfhorbartha breith suas trí thacú leis an nuálaíocht, leis an iomaíochas agus le rochtain níos fearr ar sheirbhísí poiblí.
Tá beartas comhtháthaithe an Aontais tar éis borradh a chur faoin bhfostaíocht ar fud na mBallstát uile, é ag tacú go dtí seo le 260,000 post nua a chruthú ó 2019 i leith, as 1.3 milliún atá tuartha faoi 2027.

Faigh eolas faoi níos mó rudaí atá bainte amach trí infheistíochtaí a rinneadh faoi bheartas réigiúnach i do thír féin a sheiceáil.

Sa spotsolas

Beartas comhtháthaithe nuachóirithe – an t-athbhreithniú meántéarma

Cuireann an t-athbhreithniú meántéarma ar an mbeartas comhtháthaithe le nuachóiriú phríomhbheartas infheistíochta an Aontais, agus ag an am céanna leanann sé dá mhisean a chomhlíonadh maidir le héagothromaíochtaí réigiúnacha a laghdú. Is é is aidhm dó tosaíochtaí infheistíochta faoi chláir an bheartais chomhtháthaithe a chur in oiriúint don chomhthéacs eacnamaíoch, sochaíoch agus geopholaitiúil atá ag teacht chun cinn, chomh maith le cuspóirí aeráide agus comhshaoil.

Tuilleadh eolais