An tslándáil agus an chosaint

Forléargas

Oibreoidh an Coimisiún Eorpach chun a chinntiú go mbeidh saoránaigh na hEorpa níos sábháilte agus níos sláine, agus go mbeidh sé d’acmhainn ag an Eoraip an tsíocháin a choinneáil trí dhíspreagadh inchreidte. Le blianta beaga anuas, cuireadh i gcuimhne dúinn go géar a leochailí atá an tsíocháin. Oscailt súl a bhí ann freisin don Eoraip ó thaobh na modhanna a thabhairt di féin chun í féin a chosaint agus chun aon naimhde ionchasacha a dhíspreagadh.

An méid a cheapann muintir na hEorpa

78%

an líon saoránach a bhfuil imní orthu faoi shlándáil agus cosaint an Aontais

81%

de mhuintir na hEorpa, tá siad i bhfabhar comhbheartas cosanta agus slándála

_^Foinse:_{^{Eorabharaiméadar 2025}}

Cuspóirí

Aontas Eorpach um an gcosaint a thógáil
chun an tAontas Eorpach agus a mhuintir a chosaint
Ullmhacht agus bainistiú géarchéime a fheabhsú
chun bheith ullamh le freagairt ar ghéarchéimeanna
Feabhas a chur ar an tslándáil inmheánach
chun aghaidh a thabhairt ar gach bagairt ar líne agus as líne
Teorainneacha coiteanna a neartú
chun iad a dhéanamh níos sábháilte
An imirce a bhainistiú
ar bhealach cothrom daingean

An chaoi a mbainfimid ár gcuspóirí amach

Le linn shainordú an Choimisiúin idir 2024-2029 agus chun aghaidh a thabhairt ar dhúshláin slándála agus chosanta na hEorpa, déanfaimid an méid seo a leanas:

Aontas Eorpach um an gcosaint a thógáil

European military forces participating in military exercises — Fórsaí míleata na hEorpa ag glacadh páirt i bhfreachnaimh mhíleata

Gníomhóimid ar an gcosaint chun muintir na hEorpa a chosaint tríd an méid seo a leanas a dhéanamh:

cuidiú leis na Ballstáit fórsaí armtha náisiúnta a atógáil, a athshlánú agus a athrú ó bhonn trí chur leis na cláir thionsclaíocha cosanta atá ann cheana, infheistíocht a dhéanamh i gcumais ardleibhéil i réimsí criticiúla amhail cabhlaigh, talamh, aerchomhrac, luathrabhadh spásbhunaithe agus cibear-rabhadh
cuidiú le hacmhainní a chomhthiomsú agus bagairtí comhchoiteanna a chomhrac trí thionscadail chosanta Eorpacha shuaitheanta a bheidh le cinneadh ag na Ballstáit ar deireadh
margadh aonair a fhorbairt le haghaidh táirgí agus seirbhísí cosanta, lena bhfeabhsófar taighde agus forbairt cosanta, acmhainneacht táirgeachta agus lena gcothófar soláthar comhpháirteach

Beidh an chomhpháirtíocht idir an tAontas agus Eagraíocht Chonradh an Atlantaigh Thuaidh (ECAT) a neartú tuilleadh ina gné lárnach den obair sin.

Ullmhacht an Aontais agus bainistiú géarchéime a fheabhsú

Radharc den Lárionad Comhordúcháin Práinnfhreagartha (ERCC)

Forbróimid straitéis an Aontais um ullmhacht lena chinntiú go mbeimid níos ullmhaithe do ghéarchéimeanna tríd an méid seo a leanas a dhéanamh:

an tsochaí ina hiomláine a ullmhú ar bhealach níos fearr do ghéarchéimeanna a d’fhéadfadh a bheith ann, na saoránaigh agus an earnáil phríobháideach ina measc
ár gcumais réamhamhairc agus réamh-mheasta a neartú
aghaidh a thabhairt ar bhagairtí nua, go háirithe na bagairtí sin a bhaineann leis an gcibearshlándáil cheimiceach, bhitheolaíoch, raideolaíoch agus núicléach (CBRN) agus leis an gcibearshlándáil
tacú le frithbhearta leighis in aghaidh bagairtí ar an tsláinte phoiblí, soláthar comhpháirteach agus stoc-charnadh ina measc

Eoraip níos sábháilte agus níos sláine a chinntiú

Baill den Gharda Síochána (Póilíní na hÉireann), patról á dhéanamh acu i gcathair Bhaile Átha Cliath

Chun go mbraithneoidh daoine sábháilte, oibreoimid ar an méid seo a leanas:

straitéis Eorpach nua um an tslándáil inmheánach chun cuidiú lena chinntiú go ndéanfar an tslándáil a chomhtháthú i reachtaíocht an Aontais
Plean gníomhaíochta Eorpach nua um an ngáinneáil ar dhrugaí a chomhrac, lena n-oibreoimid le comhpháirtithe chun bealaí agus samhlacha gnó na ngáinneálaithe drugaí a dhúnadh
clár oibre nua don fhrithsceimhlitheoireacht chun aghaidh a thabhairt ar bhagairtí nua agus ar bhagairtí atá ag teacht chun cinn agus chun cur chuige níos láidre a ghlacadh maidir le maoiniú na sceimhlitheoireachta agus maidir leis an bhfrithradacú

Teorainneacha coiteanna a neartú

Maraí fhrigéad Virginio Fasan na hIodáile, é ag oibriú faoi oibríocht Aspides Eunavor

Chun comhtheorainneacha níos láidre a bheith againn, déanfaimid an méid seo a leanas:

córas bainistithe lánfheidhmiúil maidir le teorainneacha digiteacha a chur ar bun
cur chuige maidir le bainistiú comhtháite teorainneacha a chur i bhfeidhm
straitéis an Aontais maidir le beartas víosaí a fhorbairt
limistéar Schengen atá iomlán agus lánfheidhmiúil a chinntiú

Seasamh cothrom agus daingean maidir leis an imirce

Oibrí cabhrach daonnúla ón Eagraíocht Idirnáisiúnta um Imirce (IOM), é ag siúl trí champa dídeanaithe

Dúshlán Eorpach is ea an imirce, agus ní mór aghaidh a thabhairt uirthi le réiteach Eorpach. Chun an imirce a bhainistiú go héifeachtach agus an dlúthpháirtíocht ina croílár, déanfaimid an méid seo a leanas:

an comhshocrú maidir le himirce agus tearmann a chur i bhfeidhm agus ár bhfís réamhbhreathnaitheach a leagan amach sa chéad straitéis cúig bliana Eorpach um imirce agus tearmann
cur chuige coiteann nua a chur chun cinn maidir le filleadh chun dlús a chur leis an bpróiseas agus chun é a shimpliú
leanúint de chaidreamh straitéiseach a fhorbairt le tíortha nach tíortha den Aontas iad
oibriú leis na Ballstáit chun bealaí dleathacha imirce a oscailt, bunaithe ar riachtanais scileanna ár ngeilleagar agus ár réigiún

An dul chun cinn go dtí seo

Déan monatóireacht ar dhul chun cinn tionscnamh nua, dlíthe atá beartaithe agus athruithe reachtacha faoin tosaíocht seo, lean iad, agus coinneáil cothrom le dáta leo

Mí Dheireadh Fómhair 2025
Cuireadh an Treochlár Cosanta i láthair chun an cumas cosanta Eorpach a neartú
Iúil 2025
Seoladh straitéis stoc-charntha an Aontais agus straitéis na bhfrithbheart leighis chun leanúnachas earraí riachtanacha agus soláthairtí leighis tarrthála a chinntiú
Meitheamh 2025
Mhol an Coimisiún Omnibus Ullmhachta Cosanta chun dlús a chur le hinfheistíochtaí cosanta san Aontas
Aibreán 2025
Chuir an Coimisiún i láthair ProtectEU, Straitéis Eorpach nua um an tSlándáil Inmheánach
Márta 2025
Cuireadh i láthair an straitéis um Aontas na hullmhachta chun feabhas a chur ar chumas na hEorpa bagairtí atá ag teacht chun cinn a chosc agus freagairt orthu
Nocht an Coimisiún an páipéar bán maidir le cosaint na hEorpa agus an plean ReArm Europe/Ullmhacht 2030
Mhol an Coimisiún comhchóras Eorpach nua um fhilleadh
Mhol an Coimisiún gníomh um tháirgí íocshláinte criticiúla chun borradh a chur faoi sholáthar cógas leighis criticiúil
Eanáir 2025
Glacadh plean gníomhaíochta chun an earnáil sláinte a chosaint ar chibirionsaithe

I lár an aonaigh

Press conference by Henna Virkkunen, Kaja Kallas, Vice-Presidents of the European Commission, and Andrius Kubilius, European Commissioner, on the Defence Readiness Roadmap 2030

Treochlár nua chun an cumas cosanta Eorpach a neartú

Chuir an Coimisiún agus an tArdionadaí plean i láthair chun an cumas cosanta Eorpach a neartú. Leagtar amach i dTreochlár 2030 maidir le hUllmhacht Cosanta spriocanna agus garspriocanna chun aghaidh a thabhairt ar bhearnaí cumais, dlús a chur le hinfheistíochtaí sa chosaint, agus dul chun cinn an Aontais i dtreo ullmhacht cosanta iomlán a threorú faoi 2030.

Tuilleadh eolais