Forléargas
Tá cáilíocht saoil na hEorpa ag brath ar sholáthar slán inacmhainne bia áitiúil ar ardchaighdeán. Tá an bia is sláintiúla agus den chaighdeán is airde ar domhan againn, a bhuíochas dár bhfeirmeacha agus don earnáil agraibhia i gcoitinne. Oibreoidh an Coimisiún Eorpach chun a chinntiú go mbeidh an fheirmeoireacht fós ina cuid lárnach de dhóigh bheatha na hEorpa agus beidh sé mar aidhm aige borradh a chur faoi inbhuanaitheacht agus iomaíochas ár ngeilleagair ghoirm.
Beidh sé sin fite fuaite le cosaint ár ndomhan nádúrtha, áit a bhfuil cónaí ar go leor Eorpach agus ar taitneamhacht thábhachtach é, agus é ríthábhachtach chun ár n-aeráid a rialáil agus chun slándáil bia agus uisce a chinntiú. Is acmhainn chothrománach é an t-uisce atá riachtanach don táirgeadh bia, don tsláinte, don bhonneagar, do chosaint na n-éiceachóras agus don gheilleagar ina iomláine. De réir mar a fhoghlaimímid maireachtáil le tionchair ár n-aeráide atá ag athrú, déanfaimid cinnte go leanfaimid orainn ag oiriúnú do na dúshláin a thagann chun cinn agus a bheith níos ullmhaithe dóibh.
Léargas ar na figiúirí
Cuspóirí
Le linn shainordú an Choimisiúin idir 2024 agus 2029 agus chun ár gcáilíocht saoil a chothú, déanfaimid an méid seo a leanas:
Córas talmhaíochta agus bia atá iomaíoch athléimneach a thógáil agus an bhithéagsúlacht a chosaintchun tacú lenár bhfeirmeoirí agus chun ár mbia sláintiúil a chosaint
- Oiriúnú agus ullmhú d’aeráid atá ag athrú
chun a bheith ullamh agus cabhrú leo siúd atá thíos leis
An chaoi a mbainfimid ár gcuspóirí amach
Chun cáilíocht saoil shaoránaigh an Aontais a chothú, déanfaidh an Coimisiún an méid seo a leanas:
Déanfaidh an Coimisiún an méid seo a leanas:
- fís le haghaidh na talmhaíochta agus an bhia a chur i láthair chun iomaíochas agus inbhuanaitheacht fhadtéarmach ár n-earnála feirmeoireachta a chinntiú
- a chinntiú go ndíreofar ar bhuiséad an Aontais agus ar chomhbheartas talmhaíochta an Aontais, agus go mbeidh an chothromaíocht cheart ann idir dreasachtaí, infheistíochtaí agus rialáil
- tacú le feirmeacha teaghlaigh agus cur ar chumas feirmeoirí a gcuid talún a oibriú gan rómhaorlathas
- luach saothair a thabhairt d’fheirmeoirí a oibríonn leis an dúlra, a chaomhnaíonn an bhithéagsúlacht agus éiceachórais nádúrtha agus a chuidíonn lenár ngeilleagar a dhícharbónú
- tacú le hiomaíochas ár slabhra luacha bia ina iomláine trí infheistíocht agus nuálaíocht ar fheirmeacha, i gcomharchumainn, i ngnólachtaí agraibhia agus in FBManna
- biafhlaitheas na hEorpa a chosaint, an t-iascach inár bpobail chósta ina measc
- comhshocrú Eorpach um an aigéan a mholadh lena gcuirfear borradh faoin ngeilleagar gorm agus lena gcinnteofar inbhuanaitheacht ár n-aigéan
- slándáil uisce na hEorpa a neartú agus iomaíochas thionscal uisce an Aontais a chur chun cinn trí straitéis athléimneachta Eorpach maidir le huisce a chur i láthair
- obair a dhéanamh ar dhreasachtaí le haghaidh gníomhaíochtaí atá dearfach ó thaobh an dúlra de agus ar infheistíochtaí príobháideacha sa dúlra, go háirithe trí chreidmheasanna dúlra a fhorbairt
- oibriú chun ár ngealltanais idirnáisiúnta i dtaca leis an mbithéagsúlacht a chomhlíonadh, cuir i gcás na gealltanais a tugadh i gComhaontú Kunming Montréal
Ceann de na rioscaí is mó dár slándáil is ea tionchar an athraithe aeráide. Sin é an fáth go ndéanfaimid an méid seo a leanas:
- oibriú i dtreo sásra Eorpach um chosaint shibhialta, muid ag breathnú ar gach gné de bhainistiú géarchéime agus tubaistí, chomh maith le hathléimneacht an phobail a fhorbairt
- dlús a chur leis an obair maidir le hathléimneacht agus ullmhacht i leith an athraithe aeráide
- plean Eorpach um oiriúnú don athrú aeráide a fhorbairt, chun tacú leis na Ballstáit i dtaca le hullmhacht agus pleanáil agus chun measúnuithe riosca rialta eolaíochtbhunaithe a chinntiú
An dul chun cinn go dtí seo
Déan monatóireacht ar dhul chun cinn tionscnamh nua, dlíthe atá beartaithe agus athruithe reachtacha faoin tosaíocht seo, lean iad, agus coinneáil cothrom le dáta leo
- Nollaig 2025
Formheasadh pacáiste simpliúcháin an chomhbheartais talmhaíochta chun tacú le feirmeoirí agus chun iomaíochas a fheabhsú
Cuireadh i láthair rialacha simplithe maidir le sábháilteacht bia agus beatha chun borradh a chur faoi iomaíochas táirgeoirí, agus ardchaighdeáin sláinte á gcomhlíonadh ag an am céanna
- Deireadh Fómhair 2025
Cuireadh i láthair straitéis chun tacú le hathnuachan ó ghlúin go glúin sa talmhaíocht
- Meitheamh 2025
Cuireadh i láthair an straitéis Eorpach maidir le hathléimneacht i réimse an uisce chun feabhas a chur ar shlándáil uisce le haghaidh daoine, an gheilleagair agus an chomhshaoil
Glacadh comhshocrú Eorpach um an aigéan chun an t-aigéan a chosaint níos fearr, geilleagar gorm rathúil a chur chun cinn agus tacú le folláine daoine atá ina gcónaí i limistéir chósta
- Feabhra 2025
Chuir an Coimisiún i láthair a fhís le haghaidh na talmhaíochta agus an bhia
- Márta 2025
Gheall an tAontas €3.4 billiún chun droch-chothú domhanda a chomhrac
- Feabhra 2025
Chuir an Coimisiún i láthair a fhís le haghaidh na talmhaíochta agus an bhia
I lár an aonaigh
Tá ról ríthábhachtach ag mná i dtalmhaíocht na hEorpa. Chun tuilleadh ban a mhealladh i dtreo na feirmeoireachta agus chun malartú eispéireas a spreagadh, sheol an Coimisiún an tArdán maidir le Mná san Fheirmeoireacht. Is éard is aidhm don ardán tionscnaimh mheantóireachta a éascú, naisc a chothú agus comhaltaí a spreagadh chun a gcuid eolais agus taithí a roinnt. Is í an mheantóireacht an phríomhghníomhaíocht a bheidh aige, rud a thabharfaidh banfheirmeoirí a bhfuil taithí acu le chéile leo siúd atá ag céimeanna níos luaithe dá n-aistear gairmiúil.
Cé atá i gceannas
Coimisinéir um Shláinte agus um Leas Ainmhithe
Coimisinéir um an Aeráid, Glan-nialasacht agus Fás Glan
Coimisinéir um an Iascach agus na hAigéin
An Coimisinéir um Chomhionannas; Ullmhacht agus Bainistíocht Ghéarchéime
Coimisinéir um an gComhshaol, um Athléimneacht i réimse an Uisce agus um Gheilleagar Ciorclach Iomaíoch
Coimisinéir um an Talmhaíocht agus Bia
Nuashonraíodh an leathanach seo den uair dheireanach an 12 Márta 2026