An comhshaol

Na príomhéachtaí

• Líonra Natura 2000, ina bhfuil 27,000 láithreán faoi chosaint, clúdaíonn sé beagnach 1/5 den talamh san Aontas anois, cosnaíonn sé na céadta speiceas agus gnáthóg agus cuireann sé seirbhísí ríthábhachtacha agus ioncam ar fáil do na milliúin Eorpach.
• A bhuí le méadú thart ar 35% ar tháirgiúlacht acmhainní ó bhí 2000 ann, tháinig laghdú thart ar 25% ar astaíochtaí gás ceaptha teasa an Aontais ó 2008-2021, rud a léiríonn go bhfuil ról tábhachtach ag an aistriú chuig geilleagar ciorclach sa chonair i dtreo na haeráidneodrachta.
• Tháinig laghdú beagnach 3% ar ghiniúint dramhaíola iomlán an Aontais ó gach gníomhaíocht eacnamaíoch agus gach teaghlach le 10 mbliana anuas chun 4.8 tona per capita a bhaint amach in 2020.
• Tá Éicilipéad an Aontais le feiceáil anois ar bheagnach 100,000 táirge, rud a ráthaíonn tionchar laghdaithe ar an gcomhshaol agus rud a chuireann cosc ar an nglas-snasú.
• Tá laghdú 45% ar thionchair an truaillithe aeir ar an tsláinte bainte amach ó 2005 i leith, a bhuí le feabhsuithe rialála agus laghduithe astaíochtaí agus tá laghdú suntasach tagtha ar líon na mbásanna anabaí.
• Tá laghdú thart ar 1/3 tagtha ar bhruscar plaisteach ar muir ó 2015 i leith.
• Is ceannaire domhanda é an tAontas Eorpach agus é ag iarraidh cuspóirí aeráide agus comhshaoil a bhaint amach trí ghealltanais idirnáisiúnta: Creat Domhanda Bithéagsúlachta Kunming-Montréal, Creat-Choinbhinsiún na Náisiún Aontaithe ar an Athrú Aeráide, agus Conradh Domhanda na Náisiún Aontaithe maidir le Plaistigh.
• I measc roinnt dlíthe nua tábhachtacha a mbeidh tionchar fadtéarmach acu tá an Dlí um Athbhunú Dúlra, an Rialachán maidir le Dífhoraoisiú, agus an Rialachán maidir le hÉicidhearthóireacht le haghaidh Táirgí Inbhuanaithe.