An méid atá á dhéanamh ag an gCoimisiún
Tá sé mar aidhm ag an gCoimisiún Eorpach leibhéal ard sábháilteachta bia agus sláinte ainmhithe agus plandaí a chinntiú laistigh den Aontas trí Straitéis chomhleanúnach ‘Ón bhFeirm go dtí an Forc’ agus monatóireacht leordhóthanach, agus margadh inmheánach éifeachtach á chinntiú ag an am céanna.
Tá cur chun feidhme an bheartais chomhtháite sin maidir le Sábháilteacht Bia san Aontas léirithe i ngníomhaíochtaí éagsúla, is iad sin:
- córais rialaithe éifeachtacha a chinntiú agus meastóireacht a dhéanamh ar chomhlíonadh chaighdeáin an Aontais i dtaca leis na réimsí sábháilteacht agus cáilíocht an bhia, sláinte ainmhithe, leas ainmhithe, cothú ainmhithe agus sláinte plandaí laistigh den Aontas agus i dtíortha nach bhfuil san Aontas, i dtaca lena n-easpórtálacha chuig an Aontas Eorpach
- cinnte a dhéanamh go mbíonn freagairt ghasta ann nuair a bhraitear rioscaí don tsláinte phoiblí
- caidreamh idirnáisiúnta a bhainistiú le tíortha nach bhfuil san Aontas agus le heagraíochtaí idirnáisiúnta maidir le sábháilteacht bia agus caighdeáin sláinte ainmhithe agus plandaí
- caidreamh leis an Údarás Eorpach um Shábháilteacht Bia (EFSA) a bhainistiú agus bainistiú rioscaí eolaíocht-bhunaithe a chinntiú
Nuacht faoin tSábháilteacht Bia
Tabhair cuairt ar an suíomh gréasáin maidir leis an tSábháilteacht Bia
Eolas faoina bhfuil ar siúl ag institiúidí eile de chuid an Aontais i dtaca le sábháilteacht bia