Cothroime shóisialta Eorpach

Forléargas

Tá múnla sóisialta uathúil na hEorpa bunaithe ar rathúnas a chruthú agus a chinntiú ag an am céanna nach bhfágfar aon duine ar lár. Tá go leor bainte amach againn, ach tá obair fós le déanamh. Bhí tionchar ag na géarchéimeanna a tharla le blianta beaga anuas ar chaighdeáin mhaireachtála go leor Eorpach. Tá easpa tithíochta inacmhainne, rochtain ar sheirbhísí riachtanacha, bochtaineacht agus neamhionannais deiseanna ag bagairt dochar a dhéanamh do na ceangail a choinníonn le chéile muid.

Leanfaidh ár sochaithe agus ár ngeilleagair de bheith ag forbairt. Ciallaíonn sé sin go gcaithfimid ár n-iarrachtaí a dhíriú ar cháilíocht na beatha a thaitníonn linn inniu a chothú agus a fheabhsú. Sna cúig bliana amach romhainn, oibreoidh an Coimisiún Eorpach chun cothroime shóisialta a chur chun cinn, comhtháthú sóisialta agus réigiúnach a neartú, agus comhdheiseanna a chinntiú do chách.

An méid a cheapann muintir na hEorpa

88%

de mhuintir na hEorpa, measann siad go bhfuil tábhacht phearsanta ag baint le hEoraip shóisialta

Creideann 54%

go mbeidh Eoraip níos sóisialta ann faoi 2030

Creidtear gurb é an caighdeán maireachtála

an tosaíocht shóisialta is tábhachtaí don Aontas

Cuspóirí

Deiseanna, cobhsaíocht agus folláine a chur ar fáil do chách
Ár múnla margaidh shóisialta a neartú
chun aistriú cothrom a chinntiú do chách
Dul i ngleic leis an neamhionannas, leis na héagothromaíochtaí réigiúnacha agus leis an idirdhealú

An chaoi a mbainfimid ár gcuspóirí amach

Sna blianta amach romhainn, oibreoimid orthu sin ar na bealaí seo a leanas:

An chothroime shóisialta a chur chun cinn sa gheilleagar nua-aimseartha

Chun an chothroime shóisialta a chinntiú, déanfaimid an méid seo a leanas:

plean gníomhaíochta nua a leagan amach maidir le cur i bhfeidhm Cholún Eorpach na gCeart Sóisialta chun ár bpríomhspriocanna sóisialta do 2030 a bhaint amach
tacú le pá cothrom, le dálaí maithe oibre, le hoiliúint agus le haistrithe córa ó phost go post trí Threochlár nua um Poist ar Ardchaighdeán
an t-idirphlé sóisialta Eorpach a neartú trí Chomhaontú nua um Idirphlé Sóisialta Eorpach
aghaidh a thabhairt ar bhunchúiseanna na bochtaineachta tríd an gcéad Straitéis Frithbhochtaineachta riamh de chuid an Aontais
eisiamh sóisialta leanaí a chosc agus a chomhrac trí oideachas, cúram sláinte, agus seirbhísí poiblí riachtanacha tríd an Ráthaíocht do Leanaí a neartú
dul i ngleic leis an ngéarchéim tithíochta tríd an gcéad Phlean Tithíochta Inacmhainne Eorpach riamh a chur chun cinn agus trí ardán infheistíochta uile-Eorpach a chruthú do thithíocht inacmhainne agus inbhuanaithe
an Ciste Aeráide Sóisialta a chur i bhfeidhm chun tacú le hathchóirithe agus le tithíocht atá tíosach ar fhuinneamh
dul i ngleic le bunchúiseanna an athraithe dhéimeagrafaigh
éagothromaíochtaí réigiúnacha a laghdú ionas gur féidir le muintir na hEorpa cónaí agus oibriú san áit a dtugann siad baile uirthi

Ár sochaithe a athaontú agus tacú le daoine óga

Chun an dlúthpháirtíocht i measc na saoránach a mhéadú, déanfaimid an méid seo a leanas:

oibriú ar chearta na mionlach a chosaint
Erasmus+ a neartú le go mbeidh níos mó Eorpach in ann scileanna nua a fhoghlaim agus tuiscint fhrithpháirteach níos fearr a fhorbairt
Idirphléití Beartais bliantúla leis an Aos Óg a eagrú chun a chinntiú gur féidir le daoine óga a dtuairimí a chur in iúil ar mhaithe le todhchaí an Aontais a mhúnlú
Bord Comhairleach don Óige a bhunú le daoine óga ó gach Ballstát chun comhairle a chur ar Uachtarán an Choimisiúin maidir le saincheisteanna a bhaineann leis an óige
fiosrúchán uile-Aontais a dhéanamh ar thionchair níos leithne na meán sóisialta ar fholláine daoine
aghaidh a thabhairt ar dhearadh andúile na seirbhísí ar líne
plean gníomhaíochta a chruthú i gcoinne na cibearbhulaíochta
é a dhéanamh níos éasca do dhaoine tairbhe a bhaint as oidhreacht chultúrtha shaibhir ilghnéitheach na hEorpa

Fíor-Aontas an chomhionannais a thógáil

Chun fíor-chomhionannas a bhaint amach, déanfaimid an méid seo a leanas:

an straitéis maidir le comhionannas LADTIA a thabhairt cothrom le dáta agus straitéis nua frithchiníochais a fhorbairt, ionas go mbeidh rath ar gach duine agus gur féidir leo a bheith ina gceannairí, gan beann ar cé hiad féin
treochlár a fhorbairt do chearta na mban agus straitéis nua a fhorbairt don chomhionannas inscne

An dul chun cinn go dtí seo

Déan monatóireacht ar dhul chun cinn tionscnamh nua, dlíthe atá beartaithe agus athruithe reachtacha faoin tosaíocht seo, lean iad, agus coinneáil cothrom le dáta leo

Eanáir 2024
Cruinniú Mullaigh na gComhpháirtithe Sóisialta Val Duchesse
Gheall an Coimisiún agus a chomhpháirtithe go neartóidh siad an t-idirphlé sóisialta chun aghaidh a thabhairt ar dhúshláin eacnamaíocha agus saothair.
Samhain 2023
Bhunaigh an Coimisiún líona de chuid an Aontais Eorpaigh um fhoréigean inscne agus foréigean teaghlaigh a chosc

I lár an aonaigh

An bhfuil dul chun cinn á dhéanamh againn maidir le deireadh a chur leis an idirdhealú san Aontas Eorpach?

San Aontas Eorpach, tá cosc de réir dlí ar idirdhealú atá bunaithe ar aon fhoras ar bith. Go fóill féin, tá lear mór daoine ann a bhíonn thíos leis an idirdhealú gach lá. Chun dul i ngleic leis sin, ó 2020 i leith tá an Coimisiún tar éis tionscnaimh nua in aghaidh an chiníochais agus an fhrithsheimíteachais a chur chun cinn, agus tionscnaimh do dhaoine LADTIA agus do phobail na Romach freisin. Foilsíodh tuarascálacha ar dhul chun cinn maidir leis na ceithre cinn acu sin le déanaí.

Tuilleadh eolais