Il-Patt Ekoloġiku Ewropew

Inwettqu l-wegħdiet tagħna

Il-Patt Ekoloġiku Ewropew qed jittrasforma lill-UE f’ekonomija moderna, effiċjenti fir-riżorsi u kompetittiva.  

Hu ġie varat mill-President von der Leyen fl-2019 u jwieġeb għas-sejħa urġenti taċ-ċittadini—speċjalment miż-żgħażagħ—għall-azzjoni klimatika. Hu jistabbilixxi pjan biex jittrasforma l-ekonomija, l-enerġija, it-trasport u l-industriji tal-Ewropa għal futur aktar sostenibbli. 

Għandu l-għan li jnaqqas l-emissjonijiet b’mill-inqas 50 % sal-2030, bit-tnaqqis jitla’ għal 55 %, filwaqt li jorbot legalment l-għan tan-newtralità tal-2050 permezz tal-Liġi Ewropea dwar il-Klima.  Hu jmexxi ’l quddiem tranżizzjoni nadifa li tipproteġi lin-nies u l-pjaneta, u li tkun ekonomikament soda u soċjalment ġusta. 

Il-Patt Ekoloġiku jinvesti fl-innovazzjoni, fit-teknoloġija nadifa, u fl-infrastruttura ekoloġika filwaqt li jiżgura tranżizzjoni ġusta għall-komunitajiet l-aktar affettwati. Bis-saħħa tal-Patt Ekoloġiku Ewropew, l-Ewropej igawdu minn arja aktar nadifa u prodotti u djar aktar effiċjenti fl-użu tal-enerġija. Huma qed jużaw ukoll aktar sorsi ta’ enerġija rinnovabbli biex iħaddmu ħajjithom. 

Wegħdiet miżmuma

In-newtralità klimatika u t-tnaqqis tal-emissjonijiet 

• Il-Liġi dwar il-Klima daħlet fis-seħħ, u b’hekk l-impenn tan-newtralità klimatika għall-2050 sar vinkolanti
• Ftehim biex jitnaqqsu l-emissjonijiet b’mill-inqas 55 % sal-2030 u tnaqqis ta’ 90 % propost għall-2040 

Il-finanzjament tan-NextGenerationEU u tar-REPowerEU  

• €275 biljun f’investimenti nodfa u 42 % tal-fondi ddedikati għall-azzjoni klimatika 

Tranżizzjoni ġusta u ekwa 

• Il-Fond għal Tranżizzjoni Ġusta alloka kważi €20 biljun għall-investiment fid-diversifikazzjoni tal-ekonomiji u t-taħriġ mill-ġdid tal-ħaddiema f’reġjuni vulnerabbli 
• Il-Fond Soċjali għall-Klima jgħin lill-unitajiet domestiċi vulnerabbli fl-effiċjenza enerġetika, it-tisħin nadif u t-trasport
• Il-Fond ta’ Solidarjetà tal-UE u l-Mekkaniżmu tal-UE għall-Protezzjoni Ċivili appoġġaw lill-pajjiżi fl-Ewropa u lil hinn minnha meta ntlaqtu minn emerġenzi relatati mal-klima 

L-ipprezzar tal-karbonju u r-riforma industrijali 

• L-Iskema tal-UE għall-Iskambju ta’ Kwoti tal-Emissjonijiet espandiet biex tkopri l-bini u t-trasport, u ġġenerat aktar minn €200 biljun fi dħul għal fondi ekoloġiċi u soċjali
• Il-Mekkaniżmu ta’ Aġġustament tal-Karbonju fil-Fruntieri (CBAM, Carbon Border Adjustment Mechanism) li jħeġġeġ lill-industriji fid-dinja jħaddnu metodi ta’ produzzjoni aktar ekoloġiċi, għandu jkun kompletament operattiv sal-2026 

Enerġija nadifa u sigura 

• Pjan REPowerEU: 40 % tal-fondi marru lejn it-twassil ta’ enerġija affordabbli, sigura u sostenibbli; dan għen biex titnaqqas id-dipendenza fuq il-fjuwils fossili u l-provvista diversifikata
• Infrastruttura tal-enerġija ekoloġika: permessi aċċellerati għall-enerġija rinnovabbli, stazzjonijiet tal-iċċarġjar tal-vetturi elettriċi kull 60 km 

Kompetittività Industrijali Ekoloġika 

• Pjan Industrijali tal-Patt Ekoloġiku biex tiżdied il-manifattura u jiġu promossi teknoloġiji b’emissjonijiet żero netti
• Att dwar il-Materja Prima Kritika: il-miri tal-UE għall-estrazzjoni/l-ipproċessar/ir-riċiklaġġ ta’ materjali ewlenin sal-2030
• Att dwar l-Industrija b’Emissjonijiet Żero Netti: jappoġġja l-manifattura lokali ta’ teknoloġija nadifa
• Appoġġ għall-batteriji, l-idroġenu, il-mobbiltà nadifa, il-mikroelettronika 

Ekonomija Ċirkolari 

• Pjan ta’ Azzjoni ta’ Tniġġis Żero, li jirriżulta fi standards ogħla għall-kwalità tal-ilma u tal-arja
• Riformi tal-iskart u tal-prodotti: imballaġġ sostenibbli, projbizzjoni fuq il-qerda ta’ oġġetti mhux mibjugħa, disinn għal prodotti li jistgħu jissewwew 

Involviment tal-partijiet ikkonċernati 

• Djalogu Strateġiku dwar il-Futur tal-Agrikoltura tal-UE, proċess inklużiv li jsawwar sistemi tal-ikel futuri
• Djalogi dwar Tranżizzjoni Nadifa ma’ setturi bħall-idroġenu, il-bliet, it-teknoloġija nadifa, l-azzar 

Tgħallem aktar dwar il-kisbiet tal-Patt Ekoloġiku