An t-athrú aeráide agus díghrádú an chomhshaoil, is baol go gcuirfidh siad deireadh leis an saol san Eoraip agus sa domhan mór. Chun na dúshláin sin a shárú, déanfaidh an Comhaontú Glas don Eoraip geilleagar nua-aimseartha den Aontas Eorpach atá iomaíoch agus tíosach ar acmhainní, rud a chinnteoidh an méid seo a leanas:
- gan aon ghlanastaíochtaí gás ceaptha teasa a bheith ann faoi 2050
- fás eacnamaíoch díchúpláilte ó úsáid acmhainní
- gan aon duine ná aon réigiún a fhágáil ar deireadh
Is é an Comhaontú Glas don Eoraip a thabharfaidh slán sinn amach as paindéim COVID-19. Is le haon trian de na hinfheistíochtaí dar luach €1.8 trilliún ó Phlean Téarnaimh NextGenerationEU agus le buiséad seacht mbliana an Aontais Eorpaigh a mhaoineofar an Comhaontú Glas don Eoraip.
Ghlac an Coimisiún sraith tograí chun go mbeidh beartais aeráide, fuinnimh, iompair agus chánach an Aontais oiriúnach chun glanastaíochtaí gás ceaptha teasa a laghdú 55% ar a laghad faoi 2030 i gcomparáid le leibhéil 1990. Tuilleadh eolais faoin gComhaontú Glas don Eoraip a chur i gcrích.
12 Márta 2024 - D’fhoilsigh an Coimisiún Teachtaireacht maidir le rioscaí aeráide san Eoraip a bhainistiú ina leagtar amach conas is féidir leis an Aontas agus a thíortha beartais a chur i bhfeidhm lena ndéanfar beatha daoine a shábháil, costais a laghdú agus rathúnas a chosaint. Is freagairt dhíreach é ar an gcéad Mheasúnú Eorpach riamh ar Riosca Aeráide ón nGníomhaireacht Eorpach Chomhshaoil. Tugtar aghaidh ann freisin ar na hábhair imní atá ag go leor Eorpach tar éis teochtaí agus teagmhais adhaimsire gan fasach a tharla an bhliain seo caite. Tá an Coimisiún ag iarraidh go ndéanfaí gníomh ar gach leibhéal rialtais, san earnáil phríobháideach agus sa tsochaí shibhialta chun feabhas a chur ar rialachas agus ar uirlisí le haghaidh úinéirí riosca aeráide, chun rioscaí a bhainistiú ar fud na n-earnálacha uile agus chun na réamhchoinníollacha cearta a leagan síos chun athléimneacht i gcoinne an athraithe aeráide a mhaoiniú.
Príomhfhigiúirí
A bheith ar an gcéad mhór-roinn aeráidneodrach faoi 2050
Aistriú fuinnimh glan éifeachtúil
An bhithéagsúlacht agus na héiceachórais a chosaint
Córas bia sláintiúil do dhaoine agus don phláinéad
Iompar éifeachtúil sábháilte a sholáthar atá neamhdhíobhálach don chomhshaol
Straitéis thionsclaíoch le haghaidh Eoraip atá iomaíoch glas digiteach
An ról atá aige i dtaca le hathrú claochlaitheach a chur chun cinn
Infheistíochtaí inbhuanaithe chun an Comhaontú Glas don Eoraip a chur i gcrích
Tionscnamh cruthaitheach idirdhisciplíneach lena nasctar an Comhaontú Glas don Eoraip lenár spásanna maireachtála agus lenár n-eispéiris
Amlíne
- 10 Aibreán 2024
Rinne an Coimisiún breithniú ar shraith seisiún Idirphlé maidir leis an Aistriú i dtreo Fuinneamh Glan ina ndírítear ar an Eoraip a iompú ina geilleagar atá glan, tíosach ar acmhainní, cothrom agus iomaíoch
- 27 Márta 2024
Tháinig an Treoir maidir le tomhaltóirí a chumhachtú le haghaidh an aistrithe ghlais i bhfeidhm
- 11 Márta 2024
Tháinig an Rialachán maidir le gáis ceaptha teasa fhluairínithe i bhfeidhm
- 20 Feabhra 2024
Thángthas ar chomhaontú polaitiúil i dtaca le caighdeáin nua maidir le cáilíocht an aeir san Aontas
- 8 Feabhra 2024
Comhaontú polaitiúil chun toirmeasc a chur ar gach úsáid d’aon ghnó a bhaintear as mearcair tocsaineach san Aontas
- 6 Feabhra 2024
Ghlac an Coimisiún Straitéis Bainistíochta Carbóin Thionsclaíoch an Aontais ina leagtar amach an chaoi chun CO2 a ghabháil, a stóráil agus a úsáid ar bhealach inbhuanaithe
- 6 Feabhra 2024
Moladh curtha i láthair ag an gCoimisiún maidir le sprioc laghdaithe astaíochtaí 2040 chun an chonair i dtreo na haeráidneodrachta in 2050 a leagan amach
- 6 Feabhra 2024
Comhaontú polaitiúil maidir leis an nGníomh um an Tionscal Glan-Nialasachta
- 2 Feabhra 2024
Comhaontú polaitiúil maidir le rialacha coiteanna chun deisiú earraí do thomhaltóirí a chur chun cinn
- 29 Eanáir 2024
Comhaontú polaitiúil maidir le bainistiú fuíolluisce uirbigh atá níos críochnúla agus níos costéifeachtaí
- 25 Eanáir 2024
Sheol an Coimisiún idirphlé straitéiseach freisin maidir le todhchaí thalmhaíocht an Aontais.
- 19 Nollaig 2023
Comhaontú polaitiúil maidir le gréasán tras-Eorpach iompair níos inbhuanaithe agus níos athléimní
- 14 Nollaig 2023
Comhaontú polaitiúil maidir leis an athchóiriú ar dhearadh mhargadh leictreachais an Aontais
- 8 Nollaig 2023
Comhaontú polaitiúil maidir le rialacha nuashonraithe an Aontais chun an margadh gáis a dhícharbónú agus chun margadh hidrigine a chruthú
- 5 Nollaig 2023
Comhaontú polaitiúil maidir le haicmiú a fheabhsú ar lipéadú agus pacáistiú ceimiceán guaiseach
- 2 Nollaig 2023
COP28: Sheol Uachtarán an Choimisiúin, Ursula von der Leyen, an Gealltanas Domhanda maidir le Fuinneamh Inathnuaite agus Éifeachtúlacht Fuinnimh
- 29 Samhain 2023
Comhaontú polaitiúil maidir le bainistiú astaíochtaí tionsclaíocha a nuachóiriú
- 22 Samhain 2023
Mhol an Coimisiún dlí nua um fhaireachán ar fhoraoisí arb é is aidhm dó feabhas a chur ar athléimneacht fhoraoisí na hEorpa
- 24 Deireadh Fómhair 2023
Chuir an Coimisiún i láthair an Plean Gníomhaíochta Eorpach um Chumhacht Ghaoithe
- 9 Deireadh Fómhair 2023
Anois gur glacadh an dá thogra dheireanacha, tá an pacáiste beart ‘Oiriúnach do 55’ tugtha i gcrích, pacáiste chun glanastaíochtaí gás ceaptha teasa a laghdú 55% ar a laghad faoi 2030 i gcomparáid le leibhéil 1990. Tá spriocanna aeráide atá ceangailteach ó thaobh dlí ag an Aontas Eorpach anois, spriocanna a chumhdaíonn príomhearnálacha uile an gheilleagair.
- 1 Deireadh Fómhair 2023
Cuireadh céim idirthréimhseach an tSásra Coigeartaithe Carbóin ar Theorainneacha (SCCT) i bhfeidhm
- 13 Iúil 2023
Cuireadh i láthair tionscnamh chun ciorclaíocht na hearnála mótarfheithiclí a fheabhsú, lena gcumhdaítear dearadh, táirgeadh agus cóireáil deireadh ré na bhfeithiclí
- 11 Iúil 2023
Cuireadh i láthair bearta chun an t-iompar lastais a dhéanamh níos éifeachtúla agus níos inbhuanaithe, trí fheabhas a chur ar bhainistiú bonneagair iarnróid, dreasachtaí níos láidre a chur ar fáil do leoraithe astaíochtaí ísle, agus eolas níos fearr a chur ar fáil maidir le hastaíochtaí gás ceaptha teasa ón iompar lastais
- 5 Iúil 2023
Chuir an Coimisiún pacáiste beart i láthair maidir le húsáid inbhuanaithe príomhacmhainní nádúrtha, chun cabhrú le hathléimneacht na hithreach, chun inbhuanaitheacht agus athléimneacht ár gcóras bia a mhéadú, chun ábhar atáirgthe plandaí agus foraoise a fheabhsú agus chun cur amú bia agus cur amú teicstíle a laghdú
- 16 Meitheamh 2023
Togra le haghaidh athbhreithniú ar an Rialachán maidir le Lipéadú Fuinnimh, chun cabhrú le tomhaltóirí roghanna eolasacha inbhuanaithe a dhéanamh agus iad ag ceannach gutháin phóca, gutháin gan sreang agus táibléid
- 26 Aibreán 2023
Tháinig Parlaimint na hEorpa agus an Chomhairle ar chomhaontú polaitiúil maidir le Togra ReFuelEU Aviation
- 25 Aibreán 2023
‘Oiriúnach do 55’: Príomhphíosaí reachtaíochta glactha ag an gComhairle maidir le le spriocanna aeráide 2030 a bhaint amach
- 25 Aibreán 2023
Ardán Fuinnimh an Aontais: An chéad ghlao ar chuideachtaí chun gás a cheannach go comhpháirteach seolta ag an gCoimisiún
- 21 Aibreán 2023
Athbhreithniú ar na caighdeáin mhargaíochta atá ann cheana maidir le táirgí agraibhia molta ag an gCoimisiún
- 28 Márta 2023
Comhaontaíodh dlí nua uaillmhianach maidir le himscaradh bonneagair breoslaí ionadúla leordhóthanacha
- 23 Márta 2023
Baineadh comhaontú amach maidir le hastaíochtaí ó mhuiriompar a laghdú trí bhreoslaí inbhuanaithe don loingseoireacht a chur chun cinn
- 22 Márta 2023
Cosaint tomhaltóirí: roghanna inbhuanaithe a chumasú agus deireadh a chur le glas-snasú
- 22 Márta 2023
Ceart chun deisiúcháin: ghlac an Coimisiún togra nua maidir le rialacha comhchoiteanna lena gcuirtear deisiú earraí chun cinn
- 16 Márta 2023
Mhol an Coimisiún an Gníomh um Amhábhair Chriticiúla
- 16 Márta 2023
Mhol an Coimisiún an Gníomh um an Tionscal Glan-nialasachta
- 16 Márta 2023
Sheol an Coimisiún clár forbartha acmhainní Bauhaus Eorpach Nua le haghaidh atógáil na hÚcráine
- 14 Márta 2023
Mhol an Coimisiún athchóiriú ar dhearadh mhargadh leictreachais an Aontais chun borradh a chur faoi fhoinsí fuinnimh in-athnuaite, chun tomhaltóirí a chosaint ar bhealach níos fearr agus chun feabhas a chur ar an iomaíochas tionsclaíoch
- 10 Márta 2023
Chomhaontaigh an tAontas rialacha níos láidre chun dlús a chur le héifeachtúlacht fuinnimh
- 21 Feabhra 2023
Chuir an Coimisiún pacáiste beart i láthair chun feabhas a chur ar inbhuanaitheacht agus athléimneacht earnáil iascaigh agus dobharshaothraithe an Aontais.
- 14 Feabhra 2023
Mhol an Coimisiún sprioc maidir le hastaíochtaí nialasacha faoi 2030 do bhusanna cathrach nua agus laghdú 90% ar astaíochtaí do thrucailí faoi 2040
- 13 Feabhra 2023
Leag an Coimisiún amach rialacha maidir le hidrigin in-athnuaite
- 1 Feabhra 2023
Chuir an Coimisiún i láthair Plean Tionsclaíoch an Chomhaontaithe Ghlais chun iomaíochas glan-nialasach na hEorpa a fheabhsú agus chun tacú leis an aistriú tapa chuig an aeráidneodracht
- 24 Eanáir 2023
Cuireadh i láthair ‘Beart Nua le haghaidh Pailneoirí’ chun dul i ngleic le meath scanrúil na bhfeithidí pailnithe fiáine san Eoraip
- 18 Nollaig 2022
Chomhaontaigh an tAontas an trádáil astaíochtaí a neartú agus a leathnú, agus chruthaigh sé Ciste Aeráide Sóisialta chun cabhrú le daoine le linn an aistrithe
- 9 Nollaig 2022
Rialacha nua maidir le cur i bhfeidhm chóras an Aontais i ndáil le trádáil astaíochtaí in earnáil na heitlíochta
- 6 Nollaig 2022
Dlí chun an dífhoraoisiú domhanda agus díghrádú foraoisí a chomhrac comhaontaithe ag an Aontas, arb é táirgeadh agus tomhaltas an Aontais is cúis leo
- 15 Samhain 2022
- 27 Deireadh Fómhair 2022
Tháinig an Chomhairle agus Parlaimint na hEorpa ar chomhaontú polaitiúil sealadach maidir le caighdeáin feidhmíochta astaíochtaí CO2 níos déine do charranna nua agus do veaineanna nua
- 26 Deireadh Fómhair 2022
Mhol an Coimisiún rialacha níos láidre maidir le haer agus uisce níos glaine
- 15 Meán Fómhair 2022
Togra le haghaidh idirghabháil éigeandála sa mhargadh chun billí fuinnimh a laghdú do mhuintir na hEorpa
- 20 Iúil 2022
An togra ‘Coigil gás le haghaidh geimhreadh sábháilte’
- 22 Meitheamh 2022
- 18 Bealtaine 2022
Plean REPowerEU: fuinneamh inacmhainne slán inbhuanaithe don Eoraip
- 22 Aibreán 2022
Ghlac an Coimisiún Eorpach ballraíocht sa Chomhshocrú Aeráide Eorpach agus thug sé gealltanas a gcuid oibríochtaí a dhéanamh aeráidneodrach faoi 2030
- 8 Márta 2022
REPowerEU: Gníomhaíocht chomhpháirteach Eorpach le haghaidh fuinneamh a bheidh níos inacmhainne, níos sláine agus níos inbhuanaithe
- 15 Meán Fómhair 2021
- 14 Iúil 2021
- 17 Bealtaine 2021
- 12 Bealtaine 2021
- 25 Márta 2021
- 18 Eanáir 2021
- 10 Nollaig 2020
- 9 Nollaig 2020
- 19 Samhain 2020
- 14 Deireadh Fómhair 2020
- 17 Meán Fómhair 2020
Cuireadh an Plean um Sprioc Aeráide 2030 i láthair
- 8 Iúil 2020
Glacadh straitéisí an Aontais um chomhtháthú córas fuinnimh agus um hidrigin chun an bealach a réiteach d’earnáil fuinnimh atá dícharbónaithe go hiomlán, níos éifeachtúla agus idirnasctha
- 20 Bealtaine 2020
Straitéis Bhithéagsúlachta an Aontais 2030 curtha i láthair chun acmhainní laga an phláinéid a chosaint
Cuireadh an straitéis ‘Ón bhFeirm go dtí an Forc’ i láthair chun na córais bhia a dhéanamh níos inbhuanaithe
- 11 Márta 2020
Moladh Plean Gníomhaíochta don Gheilleagar Ciorclach agus béim ann ar úsáid acmhainní inbhuanaithe
- 10 Márta 2020
Glacadh an Straitéis Thionsclaíoch Eorpach, plean le haghaidh geilleagar atá oiriúnach don todhchaí
- 4 Márta 2020
Togra le haghaidh dlí Eorpach maidir leis an aeráid lena chinntiú go mbeidh an tAontas Eorpach neodrach ó thaobh na haeráide de faoi 2050
Comhairliúchán poiblí (ar oscailt go dtí an 17 Meitheamh 2020) ar an gComhshocrú Aeráide Eorpach, lena dtabharfar le chéile réigiúin, pobail áitiúla, an tsochaí shibhialta, gnólachtaí agus scoileanna
- 14 Eanáir 2020
Cuireadh i láthair Plean Infheistíochta an Chomhaontaithe Ghlais don Eoraip agus an Sásra um Aistriú Cóir
- 11 Nollaig 2019
Cuireadh i láthair an Comhaontú Glas don Eoraip
- 7 Nollaig 2023
Comhaontú polaitiúil maidir le rialacha nua chun borradh a chur faoi fheidhmíocht fuinnimh foirgneamh ar fud an Aontais
Doiciméid
Bileoga eolais - An Comhaontú Glas don Eoraip a chur i gcrích
Stór soiléir iomlán na réimsí téamacha lena múnlaítear an Comhaontú Glas don Eoraip
- Íoslódáilбългарски
- Íoslódáilespañol
- Íoslódáilčeština
- Íoslódáildansk
- ÍoslódáilDeutsch
- Íoslódáileesti
- Íoslódáilελληνικά
- Íoslódáilfrançais
- Íoslódáilhrvatski
- Íoslódáilitaliano
- Íoslódáillatviešu
- Íoslódáillietuvių
- Íoslódáilmagyar
- ÍoslódáilMalti
- ÍoslódáilNederlands
- Íoslódáilpolski
- Íoslódáilportuguês
- Íoslódáilromână
- Íoslódáilslovenčina
- Íoslódáilslovenščina
- Íoslódáilsuomi
- Íoslódáilsvenska