Le Cinneadh 70/243 an 21 Aibreán 1970 ón gComhairle maidir le ranníocaíochtaí airgeadais ó na Ballstáit a ionadú le hacmhainní dílse an Chomhphobail féin atá cumasaithe ag an gCoimisiún chun tosaigh ag bailiú acmhainní dílse le buiséad an Aontais Eorpaigh a mhaoiniú, seachas a bheith ag brath go huile is go hiomlán ar ranníocaíochtaí airgeadais na mBallstát. Ba iad tobhaigh thalmhaíochta, dleachtanna custaim agus acmhainn bunaithe ar CBL na chéad acmhainní dílse a bhí ag buiséad an Aontais Eorpaigh.
Tagraítear do dhleachtanna custaim mar Acmhainní Dílse Traidisiúnta (ADT) mar bhí siad ann i gcónaí mar fhoinse dhíreach ioncaim le haghaidh buiséad an Aontais Eorpaigh – murab ionann ranníocaíochtaí cánach breisluacha agus náisiúnta – a chuireann na Ballstáit ar fáil do bhuiséad an Aontais Eorpaigh.
Eascraíonn dleachtanna custaim as bearta tráchtála agus trádála. Gearrtar iad ar allmhairí táirgí ó thíortha nach Ballstáit de chuid an Aontais iad, ag ráta a shocraítear sa Chomhtharaif Chustaim.
Cén chaoi a n-oibríonn sé go sonrach?
Bailiúchán
Tá na Ballstáit freagrach as dleachtanna custaim a bhailiú, de réir na rialacha a bhunaítear le Rialachán ón gComhairle lena gcuirtear Cinneadh maidir le hAcmhainní Dílse chun feidhme. Ní mór do na Ballstáit bonneagar rialaithe leordhóthanach a bheith acu le háirithiú go dtugann a n-údaráis riaracháin, go háirithe a n-údaráis chustaim, faoina gcúraimí ar bhealach iomchuí.
Coinneoidh na Ballstáit 25% de na dleachtanna custaim a bailíodh le linn na tréimhse 2021-2027. Ní hamháin go gcumhdóidh sé sin costais bailiúcháin ach tá sé mar spreagadh freisin le bailiúchán dícheallach na méideanna atá dlite a áirithiú.
Íocaíochtaí
Cuirtear ADT ar fáil don Choimisiún ar bhonn míosúil, dhá mhí i ndiaidh bhunú na teidlíochta. Cuireann na Ballstáit an Coimisiún ar an eolas faoin méid iomlán ADT atá le baint ón gcuntas i ráiteas mionsonraithe ar theidlíochtaí. Má bhíonn aon mhoill maidir le ADT a chur ar fáil don Choimisiún beidh ús le híoc.
Rialuithe
Bíonn an Coimisiún i dteagmháil le húdaráis riaracháin na mBallstát le háirithiú go dtabharfar faoi bhailiúchán ADT i gcomhréir le reachtaíocht custaim an Aontais Eorpaigh agus go dtugtar urraim do na rialacha airgeadais a leagtar síos sa Chinneadh maidir le hAcmhainní Dílse (Cinneadh Uimh. 2020/2053 ón gComhairle) agus sa Rialachán ón gComhairle maidir le bearta chur chun feidhme le haghaidh acmhainní dílse. Thairis sin, tá freagracht airgeadais ar na Ballstáit as aon chailliúint ADT a tharlaíonn mar thoradh ar earráidí riaracháin féideartha ar a dtaobh féin.