Déantar monatóireacht ghrinn ar gach cógas, na vacsaíní san áireamh, san Aontas Eorpach, tar éis a n-údaraithe agus a gcur ar an margadh.
Ó thaobh staitistice de, is annamh nó fíorannamh a bhíonn fo-iarmhairtí ann. Déanfar monatóireacht ghrinn ar shábháilteacht agus éifeachtacht vacsaíní COVID-19 údaraithe, faoi mar a dhéantar i gcás gach cógais, le córas monatóireachta cógas an Aontais Eorpaigh atá seanbhunaithe.
Ról na Gníomhaireachta Leigheasra Eorpaí
Tá córas láidir ag an Eoraip cheana féin chun a chinntiú go mbeidh vacsaíní sábháilte san fhadtéarma agus is maith an clú atá tabhaithe ag an nGníomhaireacht Leigheasra Eorpach ó thaobh an Eoraip a choinneáil sábháilte de.
Síormhonatóireacht |
Bunachar sonraí maidir leis an Eoraip ar fad |
Cosaint dhomhanda |
|---|---|---|
| Déanann an Ghníomhaireacht Leigheasra Eorpach (EMA) síormhonatóireacht ar aon tuairiscí ar fho-iarmhairtí a bheith ann tar éis úsáid vacsaíne. |
Tá bunachar sonraí a bhaineann leis an Eoraip ar fad ag EMA ina bhfuil tuairiscí ó othair, gairmithe sláinte agus taighdeoirí.
Leis an mbunachar sonraí sin, déanann saineolaithe EMA rioscaí is féidir a bheith ann a aimsiú go tapa agus bearta a dhéanamh go tapa chun déileáil leo le linn úsáid na gcógas. |
Malartaíonn EMA faisnéis go rialta leis an Eagraíocht Dhomhanda Sláinte agus le gníomhaireachtaí rialála cógas i dtíortha eile chun súil a choinneáil ar fhadhbanna a tháinig chun cinn i gcodanna eile den domhan.
Ar an gcaoi sin is mó arís a ardaítear leibhéal sábháilteachta na gcógas san Eoraip. |
Córas monatóireachta cógas an Aontais Eorpaigh
Monatóireacht mhórscálaTáthar ag súil leis go dtabharfar na vacsaíní do líon ollmhór daoine in aon am amháin. Tá acmhainní breise slógtha ag EMA chun a ghnáthghníomhaíochtaí monatóireachta a dhéanamh ar dhóigh níos tapa agus ar scála níos mó.
Staidéir agus tástálacha leantachaFéadfar údarú faoi choinníoll a thabhairt chun cógas nó vacsaín a chur ar fáil i gcásanna éigeandála ar nós COVID-19.
Tá gealltanas tugtha ag monaróirí tuilleadh staidéar agus tástálacha a dhéanamh tar éis lainseáil na vacsaíne.
Tuarascálacha sábháilteachta a dhéantar go minicDe ghnáth, caithfidh monaróirí vacsaíní tuarascáil sábháilteachta a chur chuig EMA gach sé mhí.
I gcás vacsaíní COVID-19, caithfear an tuarascáil sábháilteachta a sheoladh gach mí.
An trédhearcacht is mó is féidirFéachann EMA chuige go bhfuil a cuid oibre ar vacsaíní COVID-19 chomh trédhearcach agus is féidir.
Nuair a bheidh vacsaín faofa, foilseoidh EMA nuashonruithe breise rialta ina mbeidh achoimre ar na tuarascálacha sábháilteachta.