Caighdeáin le haghaidh saoráidí ateangaireachta

Saoráid chomhdhála a dhearadh

Déanann Ard-Stiúrthóireacht na hAteangaireachta a cuid eolais a roinnt go rialta le hailtirí, tógálaithe, tionscnóirí seomraí comhdhála agus ionaid chomhdhála phoiblí agus phríobháideacha.

Cinntíonn ár sainfhoireann go bhfuil na seomraí cruinnithe go léir ina mbíonn ár n-ateangairí ag obair, san Eoraip agus lasmuigh di, ag teacht leis na caighdeáin ábhartha ISO agus lenár sonraíochtaí. 

Is féidir teagmháil a dhéanamh leis an roinn ateangaireachta chun comhairle ghinearálta a lorg i dtaca le seomraí cruinnithe, go háirithe i ndáil leis an mbealach chun na caighdeáin idirnáisiúnta a chur i bhfeidhm go praiticiúil. Is féidir leis an roinn comhairle a chur ar fáil freisin maidir le teicneolaíochtaí nua, ar nós ardáin cruinnithe fíorúla ar a ndéantar ateangaireacht, a chomhtháthú i dtimpeallacht seomra cruinnithe atá ann cheana.

Botháin ateangaireachta

Bíonn an Fhoireann um Chomhlíonadh Teicniúil ag obair chun na caighdeáin lena gcinntítear coinníollacha oibre den chéad scoth d’ateangairí a threisiú agus cuidíonn siad chun ateangaireacht ar an gcaighdeán is airde a chur ar fáil do thoscairí.

Ní mór botháin ateangaireachta a bheith fuaimdhíonach, córas aerchóiriúcháin a bheith iontu chomh maith le neart soilse agus cathaoireacha eirgeanamaíocha, agus ní mór radharc díreach iomlán a bheith uathu ar na toscairí go léir.

Tá caighdeáin ISO leagtha síos do bhotháin ateangaireachta bhuana agus shoghluaiste, agus do threalamh comhdhála agus ateangaireachta freisin:

• ISO 17651-1:2024 – Ateangaireacht chomhuaineach – Timpeallacht oibre na nAteangairí Cuid 1: Riachtanais agus moltaí maidir le bothanna buana
• ISO 17651-2:2024 – Ateangaireacht chomhuaineach – Timpeallacht oibre na nAteangairí Cuid 2: Riachtanais agus moltaí maidir le bothanna soghluaiste
• ISO 17651-3:2026 – Ateangaireacht chomhuaineach – Timpeallacht oibre na nAteangairí Cuid 3: Riachtanais agus moltaí maidir le moil ateangaireachta
• ISO 24019:2022 – Ardáin soláthair ateangaireachta comhuainí
• ISO 20109:2025 – Ateangaireacht chomhuaineach – Trealamh – Riachtanais
• ISO 22259:2019 – Córais chomhdhála – Trealamh – Riachtanais

Doiciméid