L-istandards għall-faċilitajiet tal-interpretazzjoni

L-iddisinjar ta’ faċilità għall-konferenzi

Id-Direttorat Ġenerali tal-Interpretazzjoni b’mod regolari jaqsam l-għarfien tiegħu mal-periti, il-bennejja u l-promoturi tas-swali tal-konferenzi pubbliċi u privati u taċ-ċentri tal-konvenzjonijiet.

It-tim speċjalizzat tagħna jiċċekkja li s-swali kollha tal-laqgħat fl-Ewropa u barra minnha fejn l-interpreti tagħna jintalbu jaħdmu, ikunu konformi mal-istandards ISO rilevanti u l-ispeċifikazzjonijiet tagħna. 

Id-dipartiment tal-interpretazzjoni jista’ jiġi kkonsultat għal parir ġenerali dwar is-swali tal-laqgħat, b’mod partikolari kif tapplika l-istandards internazzjonali fil-prattika. Jista’ joffri wkoll pariri dwar l-integrazzjoni ta’ teknoloġiji ġodda bħal pjattaformi ta’ laqgħat virtwali bl-interpretazzjoni f’ambjent ta’ sala tal-laqgħat eżistenti.

Il-kabini tal-interpretazzjoni

It-Tim tal-Konformità Teknika jaħdem biex isaħħaħ l-istandards li jiżguraw kundizzjonijiet mill-aqwa tax-xogħol għall-interpreti u biex jipprovdi lid-delegati b’interpretazzjoni tal-aqwa kwalità.

Il-kabini tal-interpretazzjoni jrid ikollhom l-iżolazzjoni akustika, ikollhom l-arja kkundizzjonata, ikunu mdawlin tajjeb, ikunu mgħammra b’siġġijiet ergonomiċi u jrid ikollhom veduta diretta u sħiħa tad-delegati kollha.

L-istandards tal-ISO ġew stabbiliti għall-kabini tal-interpretazzjoni permanenti u mobbli, kif ukoll għat-tagħmir tal-konferenzi u tal-interpretazzjoni:

• ISO 17651-1:2024 - Interpretazzjoni simultanja - Ambjent tax-xogħol tal-interpreti Parti 1: Rekwiżiti u rakkomandazzjonijiet għal kabini permanenti
• ISO 17651-2:2024 - Interpretazzjoni simultanja - Ambjent tax-xogħol tal-interpreti Parti 2: Rekwiżiti u rakkomandazzjonijiet għal kabini mobbli
• ISO 17651-3:2026 — Interpretazzjoni simultanja — Ambjent tax-xogħol tal-interpreti Parti 3: Rekwiżiti u rakkomandazzjonijiet għaċ-ċentri tal-interpretazzjoni
• ISO 24019:2022 – Pjattaformi għall-għoti ta’ servizzi ta’ interpretazzjoni simultanja
• ISO 20109:2025 – Interpretazzjoni simultanja – Tagħmir – Rekwiżiti
• ISO 22259:2019 – Sistemi ta’ konferenzi – Tagħmir – Rekwiżiti

Dokumenti