Neamhspleáchas na hEorpa a bhaint amach

Margadh aonair níos láidre – do dhaoine agus do ghnólachtaí

Tá 450 milliún tomhaltóir sa mhargadh aonair, agus is é inneall fáis agus iomaíochais na hEorpa é. Chun neamhspleáchas na hEorpa a chinntiú, tá sé ríthábhachtach deireadh a chur leis na bacainní inmheánacha sin atá fós ann, agus ar an dóigh sin, an margadh aonair a thabhairt chun críche.

Na rialacha a shimpliú

Tá úsáid an mhargaidh aonair á simpliú againn tríd an rómhaorlathas nach bhfuil gá leis a laghdú. Tá 12 phacáiste simpliúcháin agus raon leathan beart simpliúcháin ar fud na n-earnálacha curtha ar aghaidh againn, idir an earnáil mótarfheithiclí agus earnáil na gceimiceán.

Táimid ag obair leis an bParlaimint agus leis an gComhairle chun leanúint den chlár oibre maidir le simpliú a bhaint amach, ionas go mbeidh níos mó acmhainní ag cuideachtaí chun nuáil a dhéanamh, uas-scálú a dhéanamh agus poist dea-cháilíochta a chruthú.

An bealach is tapa chun iomaíochas níos láidre agus fíor-neamhspleáchas Eorpach a bhaint amach, is é sin an ilroinnt a laghdú. Tá an méid seo a leanas déanta againn:

EU Inc., creat aonair Eorpach le haghaidh cuideachtaí

Is iad fiontraithe agus cuideachtaí nuálacha na hEorpa is mó a bhíonn thíos le hilroinnt rialála. Seachas a bheith ag feidhmiú in aon mhargadh amháin, bíonn orthu dul i ngleic le 27 gcóras dlí agus níos mó ná 60 foirm chuideachta. Tá EU Inc. curtha ar aghaidh againn, ionas gur féidir lenár ngnólachtaí tairbhe a bhaint as fíormhargadh aonair.

Aontas nuálach atá ar thús cadhnaíochta ar thionscail na todhchaí

Tá an Eoraip ag plé le claochlú teicneolaíoch agus tionsclaíoch as cuimse. Ón intleacht shaorga agus teicneolaíochtaí candamacha go dtí an teicneolaíocht ghlan agus an bhith-teicneolaíocht, tá rás domhanda faoi lán seoil chun na tionscail a mhúnlú lena saineofar a rathúla agus a chumhachtaí a bheimid amach anseo. Chun gur féidir leis an Eoraip gníomhú go neamhspleách agus leanúint de bheith iomaíoch, ní hamháin nach mór a chinntiú go gcuirfear na teicneolaíochtaí sin in úsáid san Eoraip, ach go ndéanfar iad a dhearadh, a fhorbairt agus a mhonarú anseo chomh maith.

Tá cuideachtaí tionsclaíocha agus teicneolaíochta den chéad scoth ag an Eoraip, mar aon le taighdeoirí ceannródaíocha, gnólachtaí nuathionscanta atá ag dul i méid, agus lucht saothair ardoilte. Ní mór dúinn

An gníomh um dhlús a chur leis an dícharbónú tionsclaíoch

I mí an Mhárta, chuireamar an gníomh um dhlús a chur leis an dícharbónú tionsclaíoch chun an méid seo a leanas a dhéanamh:

Is é is aidhm don ghníomh sciar OTI an Aontais i leith na monaraíochta a mhéadú ó 14.3% in 2024 go 20% faoi 2035.

Le héileamh níos láidre ar tháirgí Eorpacha glana nuálacha, tabharfar an chinnteacht atá de dhíth ar chuideachtaí le hinfheistíocht agus méadú a dhéanamh laistigh den Eoraip.

Tacú le tionscail thraidisiúnta agus cabhrú leo dícharbónú a dhéanamh

Tá brú a bhfuil méadú ag teacht air ar thionscail, mar shampla, fuinneamh, ceimiceáin agus cruach, i ngeall ar chostais arda fuinnimh, iomaíocht dhomhanda a bhfuil méadú ag teacht uirthi, agus saobhadh margaidh atá á spreagadh ag fóirdheontais eachtracha ollmhóra.

Chun a chinntiú go bhfanfaidh an Eoraip ina mór-roinn nuálaíochta agus ina mór-roinn a bhíonn ag forbairt agus ag táirgeadh freisin,

An intleacht shaorga (IS) agus an teicneolaíocht dhigiteach

Braitheann rath na hEorpa amach anseo ar cheannaireacht theicneolaíoch i dteicneolaíochtaí digiteacha agus san intleacht shaorga, in éineacht le tacaíocht ó thionscal bríomhar. An dóigh a gcuirfear cumais dhigiteacha i bhfeidhm sa saol mar atá, sin é mar a shaineofar an chéad rabharta nuálaíochta eile. Chun luach a chruthú, ní mór teicneolaíochtaí amhail an intleacht shaorga a nascadh leis na córais fhisiceacha arb é is cúis leo feabhas a chur orthu.

Chun mór-roinn intleachta saorga a dhéanamh den Eoraip,

Éilíonn ceannaireacht theicneolaíoch rochtain iontaofa ar ionchuir chriticiúla freisin. Chuige sin,

Neamhspleáchas fuinnimh a bhaint amach

Agus an Eoraip ag dul i ngleic le suaitheadh domhanda fuinnimh den dara huair le 10 mbliana anuas, is léire ná riamh an gá atá le neamhspleáchas fuinnimh níos mó.

Spreag an choimhlint atá ag dul in olcas sa Mheánoirthear agus dúnadh Chaolas Hormuz méaduithe géara ar phraghsanna domhanda ola agus gáis, rud a chosain beagnach €50 billiún i gcostais bhreise fuinnimh ar an Eoraip agus a léiríonn conas is féidir le héagobhsaíocht gheopholaitiúil lasmuigh dár dteorainneacha brú eacnamaíoch a chur go tapa ar theaghlaigh agus ar ghnólachtaí sa bhaile.

Le blianta beaga anuas tá céimeanna nach beag glactha ag an Aontas chun dlús a chur leis an aistriú i dtreo fuinneamh glan, chun astaíochtaí a laghdú, agus chun neamhchosaint ar mhargaí fuinnimh luaineacha a laghdú. D’fhág na hiarrachtaí sin go raibh an Eoraip ní b’ullmhaithe don ghéarchéim sin ná mar a bhí roimhe seo.

AccelerateEU 

I mí Aibreáin chuireamar AccelerateEU i láthair, pacáiste beart a ceapadh chun

Is éard atá ann tacaíocht ghearrthéarmach do shaoránaigh leochaileacha agus do thionscail a úsáideann go leor fuinnimh, agus bearta struchtúracha chun laghdú a dhéanamh ar spleáchas ar mhargaí luaineacha breoslaí iontaise.

Tháinig méadú ar sciar na bhfoinsí in-athnuaite fuinnimh i meascán leictreachais na hEorpa ó 36% in 2021 go 47% in 2025. Meastar gur shábháil leathnú tapa na grianchumhachta thart ar €110 milliún gach lá ann féin le linn ghéarchéim Chaolas Hormuz trí stop a chur le hiompórtálacha gáis nach bhfuil gá leo.

Ní mór dúinn dlús a chur leis an leictriú freisin ionas go mbeidh próisis iompair, téimh agus thionsclaíocha ag rith níos mó agus níos mó ar leictreachas glan Eorpach seachas ar bhreoslaí iontaise iompórtáilte. I mí Iúil 2026 leagamar amach plean gníomhaíochta um an leictriúchán chun go mbeidh an Eoraip ar an gcéad mhór-roinn leictreachumhachtaithe. 

Córas Trádála Astaíochtaí an Aontais (CTA)

Tá na dreasachtaí margaidh cearta de dhíth i leith an aistrithe fuinnimh freisin. Sin an fáth a bhfuil athbhreithniú ar an gCóras Trádála Astaíochtaí seolta againn.

Tá Córas Trádála Astaíochtaí an Aontais tar éis a chruthú gur féidir an dícharbónú agus an fás a bheith fite fuaite ina chéile

Ar an leibhéal Eorpach, déantar an t-ioncam sin a athinfheistiú sa nuálaíocht ghlan agus sa chlaochlú tionsclaíoch.

Beidh sé de cheangal ar na Ballstáit 50% dá n-ioncam náisiúnta CTA a chaitheamh chun earnálacha CTA a dhícharbónú. Cuideoidh sé sin lena chinntiú go ndéanfar an t-ioncam a ghintear ó thionscal na hEorpa a athinfheistiú chun cabhrú le gnólachtaí Eorpacha tionscail ghlana na todhchaí a chur ar bun.

An talmhaíocht

Tá feirmeoirí na hEorpa ríthábhachtach dár rathúnas agus dár neamhspleáchas. Cinntíonn siad soláthar iontaofa bia shábháilte ar ardchaighdeán, tacaíonn siad leis na milliúin post ar fud na hearnála agraibhia, agus cothaíonn siad na pobail agus na tírdhreacha tuaithe ar cuid d’fhéiniúlacht na hEorpa iad.

Ós rud é go bhfuil méadú ag teacht ar an mbrú atá ar fheirmeoirí, ó chostais ionchuir agus iomaíocht dhomhanda atá ag dul i méid go tionchar an athraithe aeráide agus na ndúshlán geopholaitiúil, táimid ag tacú leo tríd an méid seo a leanas a dhéanamh:

Le bliain anuas,

Daoine a chumhachtú agus ár múnla sóisialta a neartú

Is é an t-iomaíochas is bonn d’fholláine ár saoránach agus is é a chothaíonn ár múnla sóisialta. Cuireann ár n-iarrachtaí i leith an iomaíochais le múnla sóisialta uathúil na hEorpa agus le traidisiún láidir an idirphlé shóisialta idir oibrithe agus fostóirí. Cuidíonn sé freisin le daoine na scileanna atá de dhíth orthu a fhorbairt chun go n-éireoidh leo i ngeilleagar domhanda níos iomaíche.

Mar sin féin, i bhfianaise an teannais gheopholaitiúil agus an tsuaite theicneolaíoch, tá imní ar go leor Eorpach faoin todhchaí agus faoi thionchar na hintleachta saorga ós rud é go bhfuil athstruchtúrú á dhéanamh ar chuideachtaí agus go bhfuil dianiomaíocht dhomhanda roimh thionscail. Agus claochlú domhain tapa ar siúl, ní mór don Eoraip fanacht chun cinn agus a chinntiú san am céanna nach bhfágfar aon duine ar lár.

Aontas na scileanna

Tá scileanna lárnach dár n-iomaíochas, agus tá siad lárnach do mhuinín na ndaoine ó thaobh slándála de. Tá sé d’aidhm ag Aontas na Scileanna a chinntiú go bhfuil na cumais is gá ag muintir na hEorpa chun go n-éireoidh leo i ngeilleagar atá ag athrú.

Leis an Ráthaíocht Scileanna, cuideoimid le hoibrithe aistriú ó earnálacha a bhfuil athrú ó bhonn á dhéanamh orthu go hearnálacha atá ag dul i méid agus go hearnálacha straitéiseacha atá ag dul i ngleic le ganntanais lucht saothair. Ciallaíonn sé sin

Táimid ag cinntiú freisin go mbainfidh an Eoraip úsáid níos fearr as a daonra tréitheach dícheallach. Tá an tsaorghluaiseacht ar cheann de na láidreachtaí is mó atá ag an Aontas seo againne, ach tá bacainní nach bhfuil gá leo fós roimh oibrithe agus iad ag gluaiseacht thar theorainneacha, cuir i gcás

Is é is aidhm don Phacáiste um Shoghluaisteacht Chothrom an Lucht Saothair deireadh a chur le bacainní nach bhfuil gá leo agus é a dhéanamh níos éasca do dhaoine a gcuid scileanna a thabhairt chuig na háiteanna is mó a bhfuil gá leo. 

Poist ar ardchaighdeán

Braitheann an t-iomaíochas freisin ar phoist ar ardchaighdeán. Tacaíonn siad le táirgiúlacht, meallann siad daoine tréitheacha, agus is iad a chuireann lucht saothair oilte ar bun atá de dhíth ar an Eoraip chun dul san iomaíocht ar fud an domhain. Ar an gcúis sin, tá treochlár um poist dea-cháilíochta forbartha ag an gCoimisiún, i gcomhar le comhpháirtithe sóisialta, chun tacú le pá cothrom, dálaí maithe oibre, caighdeáin láidre sláinte agus sábháilteachta, agus aistrithe níos rianúla idir poist agus idir earnálacha. 

Ní liostaítear ar an leathanach seo ach rogha de na héachtaí a baineadh amach le bliain anuas. 
Chun tuilleadh eolais a fháil, íoslódáil an bróisiúr (PDF).