Staid an Aontais 2026

Sa domhan seo, roghnaigh an Eoraip a conair féin a chruthú. Agus tá Eoraip níos láidre, níos neamhspleáiche ag teacht chun cinn anois.
Ursula von der Leyen, Uachtarán an Choimisiúin Eorpaigh

An óráid

Ina haitheasc ar Staid an Aontais an 16 Meán Fómhair 2026, roinn Uachtarán an Choimisiúin Eorpaigh Ursula von der Leyen na príomhthosaíochtaí agus na príomhthionscadail shuaitheanta don bhliain atá le teacht, iad ag cur leis an dul chun cinn atá déanta ag an Aontas le blianta beaga anuas.

Féach ar an bhfíseán iomlán

Léigh an óráid i ngach teanga

Íoslódáil an leagan ilteangach (PDF)

Tionscnaimh bheartaithe

Ina hóráid, leag an tUachtarán Ursula von der Leyen amach na príomhthosaíochtaí agus na príomhthionscnaimh shuaitheanta don bhliain atá le teacht.

Iomaíochas agus poist
Dul i ngleic le srianta soláthair críochacha gan údar sa Mhargadh Aonair
Togra maidir le dlús a chur le ceadú
An pacáiste maidir le hiomaíochas agus simpliú na mbanc
An pacáiste um shimpliú iompair
An pacáiste um éagsúlú / DiversifyEU
An Comhlacht Eorpach maidir le hAmhábhair Chriticiúla
Sóisialta agus cuimsiú
An pacáiste um shimpliú na tithíochta
An Comhaontú Eorpach maidir le Cúram
Comhghuaillíochtaí Ollscoileanna Eorpacha 2.0
Ráthaíochtaí Scileanna
Slándáil agus cosaint
Straitéis Slándála na hEorpa
Slándáil agus sábháilteacht amach ón gcósta le haghaidh suiteálacha agus oibríochtaí fuinnimh
Malartú idirnáisiúnta sonraí le haghaidh comhar póilíneachta (Prüm International)
An Ionstraim Eorpach le haghaidh Cumasóirí Straitéiseacha
An aeráide agus athléimneacht
Athbhreithniú ar chaighdeáin CO2 feithiclí tromshaothair
An Chomhghuaillíocht Árachais Aeráide
An Plean Eorpach um Thonn Teasa
An Tionscnamh Eorpach maidir le hUisce
An daonlathas, an smacht reachta agus luachanna
Comhdháil na hEorpa
An Creat um Fhreagairt Éigeandála
Moladh ón gCoimisiún maidir le cleachtais tiontúcháin a thoirmeasc

Féach leat na príomhthionscnaimh

An Litir Intinne

Sheol an tUachtarán von der Leyen Litir Intinne chuig Roberta Metsola, Uachtarán Pharlaimint na hEorpa, agus Taoiseach na hÉireann, Micheál Martin, toisc gurb í an tír ag a bhfuil Uachtaránacht na Comhairle faoi láthair. Thug sí sonraí inti faoi na gníomhaíochtaí atá beartaithe ag an gCoimisiún a dhéanamh an bhliain seo chugainn trí bhíthin reachtaíochta agus tionscnaimh eile.

Staid an Aontais 2026 – Litir intinne an Uachtaráin von der Leyen

16 Meán Fómhair 2026

Neamhspleáchas na hEorpa a bhaint amach

Cumas na hEorpa gníomhú i ndomhan atá ag athrú a neartú, le bliain anuas, is ar an méid sin a bhí ár gcuid iarrachtaí dírithe. D’oibrigh an Coimisiún Eorpach chun borradh a chur faoin iomaíochas, spleáchais straitéiseacha a laghdú, an chosaint a neartú, tacú leis an Úcráin, comhpháirtíochtaí domhanda a leathnú agus an daonlathas agus saoránaigh a chosaint. Is é is aidhm do na hiarrachtaí sin Eoraip níos neamhspleáiche, níos sláine agus níos rathúla a fhorbairt. Táimid ag léiriú go bhfreagraíonn an Eoraip le chéile nuair a thugtar ár ndúshlán.

Féach leat an méid atá bainte amach againn le bliain anuas, na gealltanais a baineadh amach, agus an chaoi a ndearnamar gníomhaíocht nithiúil díobh.