Global Gateway

Cad é Global Gateway?

Is é Global Gateway straitéis an Aontais Eorpaigh chun infheistíocht a dhéanamh i naisc inbhuanaithe iontaofa a oibríonn do dhaoine agus don phláinéad. Díríonn sé ar naisc chliste, ghlana agus shlána a threisiú i réimsí amhail cúrsaí digiteacha, fuinneamh agus iompar, agus córais sláinte, oideachais agus taighde a neartú ag an am céanna. 

Tugtar aghaidh leis ar chuid de na dúshláin dhomhanda is práinní, ina measc sin an t-athrú aeráide a chomhrac, córais sláinte a fheabhsú, agus borradh a chur faoin iomaíochas agus faoi shlándáil na slabhraí soláthair.

Is é Global Gateway an méid atá á dhéanamh ag an Aontas i dtreo an bhearna infheistíochta dhomhanda a laghdú freisin. Déanann sé an méid seo a leanas:

Cad leis ar rannchuidigh Global Gateway?

Ó 2021 i leith, tá os cionn €306 bhilliún slógtha ag Foireann na hEorpa le haghaidh tionscadail ardcháilíochta inbhuanaithe, lena ndéantar an méid seo a leanas:

Ba é an Pacáiste Infheistíochta idir an Afraic agus an Eoraip an chéad chloch mhíle a bhí ag Global Gateway, lenar cuireadh infheistíocht thart ar €150 billiún i leataobh chun comhpháirtíochtaí leis an Afraic a neartú. Táimid ag cur Global Gateway i bhfeidhm san Áise agus san Aigéan Ciúin agus i Meiriceá Laidineach agus i Muir Chairib freisin.

Tá breis agus 250 príomhthionscadal seolta ar fud an domhain go dtí seo.

Prionsabail

Is múnla fadtéarmach é múnla Eorpach na nascachta iontaofa i dtíortha comhpháirtíochta agus tá sé ag teacht le leasanna agus luachanna an Aontais: an smacht reachta, cearta an duine agus noirm agus caighdeáin idirnáisiúnta. Ag a chroílár tá

• infheistíochtaí cliste, glana agus slána i mbonneagar d’ardchaighdeán
• earraí, daoine agus seirbhísí a nascadh ar bhealach inbhuanaithe ar fud an domhain

Tionscnaimh de réir réigiúin/tíre

Cuirtear Global Gateway chun feidhme trí thionscadail i Meiriceá Laidineach agus sa Mhuir Chairib; sa Mheánoirthear, san Áise agus san Aigéan Ciúin; agus san Afraic Fho‑Shahárach.

Féach leat tionscadail Global Gateway de réir réigiúin

An tacaíocht atá slógtha ag Foireann na hEorpa

Cuirtear Global Gateway ar fáil trí chur chuige Fhoireann na hEorpa, lena dtugtar le chéile an tAontas agus Ballstáit an Aontais lena n-institiúidí airgeadais agus forbartha. Féachtar freisin leis an earnáil phríobháideach a shlógadh chun infheistíochtaí a ghiaráil le haghaidh tionchar claochlaitheach.

Baineann Global Gateway leas as na huirlisí airgeadais nua i gcreat airgeadais ilbhliantúil an Aontais Eorpaigh 2021-2027, go háirithe an Ionstraim maidir leis an gComharsanacht, an Fhorbairt agus an Comhar Idirnáisiúnta (NDICI-Global Europe), an Ionstraim um Chúnamh Réamhaontachais (IPA) III, an chuid dhigiteach agus idirnáisiúnta den tSaoráid um Chónascadh na hEorpa, ach freisin Interreg, InvestEU agus Fís Eorpach, clár taighde agus nuálaíochta an Aontais.

Aimsigh deiseanna maoiniúcháin agus foinsí maoinithe