Comhdháil Deontóirí ar son na Tuirce agus na Siria

Tá an t-eolas seo ar fáil sna teangacha seo a leanas chomh maith: Tuircis | türkçe | Araibis | العربية

Comhdháil Deontóirí chun cistí a thiomsú

A building damaged by deadly earthquakes in Gaziantep — Foirgneamh in Gaziantep na Tuirce a ndearnadh na creathanna talún marfacha damáiste dó

Inniu gheall an comhphobal idirnáisiúnta €7 mbilliún san iomlán ag an gComhdháil Deontóirí Idirnáisiúnta ‘Le chéile ar son mhuintir na Tuirce agus na Siria’, a chomhóstáil Uachtarán an Aontais Eorpaigh, Ursula von der Leyen, agus Príomh-Aire na Sualainne, Ulf Kristersson, thar ceann Uachtaránacht na Sualainne ar an gComhairle, an 20 Márta.

Lá an-mhaith don dlúthpháirtíocht idirnáisiúnta is ea an lá inniu. In éineacht lenár gcomhpháirtithe, tá €7 mbilliún ar an iomlán tiomsaithe againn chun tacú le muintir na Tuirce agus na Siria tar éis na gcreathanna talún tubaisteacha. Is ó Team Europe a thagann breis agus leath den ghealltanas sin. Tá sé léirithe againn don domhan go bhfuilimid ag tacú le daoine in am an ghátair. Agus seasaimid lenár gcomhpháirtithe i gcónaí.
Ursula von der Leyen, Uachtarán an Choimisiúin Eorpaigh

Participation of Ursula von der Leyen, to the Donors' Conference for the people of Türkiye and Syria affected by the earthquake

Rannpháirtithe

Breis agus 60 toscaireacht ón Aontas Eorpach, a Bhallstáit agus a chomhpháirtithe, lena n-áirítear na Náisiúin Aontaithe, institiúidí airgeadais idirnáisiúnta agus Eorpacha amhail an Banc Eorpach Infheistíochta agus an Banc Eorpach Athfhoirgníochta agus Forbartha; agus páirtithe leasmhara ábhartha eile, tháinig siad le chéile sa Bhruiséil chun tacaíocht a shlógadh do na daoine sa Tuirc agus sa tSiria tar éis na gcreathanna talún tubaisteacha a tharla i mí Feabhra 2023 agus chun comhordú a dhéanamh ar an bhfreagairt sna limistéir atá buailte sa dá thír.

Físeáin agus grianghraif ón gcomhdháil

Bhí sprioc thábhachtach amháin ag cruinniú an lae inniu: gníomh a dhéanamh dár gcomhbhrón agus dár ndlúthpháirtíocht. Agus freagairt láidir éifeachtúil chomhordaithe a chur ar fáil chun cabhrú leis na daoine atá thíos leis na creathanna talún tubaisteacha. Ó thaobh Uachtaránacht na Sualainne ar an Aontas Eorpach de, táimid buíoch as an dea-chomhar atá againn leis an gCoimisiún, lenar eagraíomar comhdháil an lae inniu. Chuaigh toradh suntasach an lae go mór i bhfeidhm orainn agus is go humhal a thugaimid faoin obair thábhachtach atá romhainn.
Ulf Kristersson, Príomh-Aire na Sualainne

Méid iomlán na ngealltanas

€7 mbilliún atá sa ghealltanas iomlán ón gComhdháil Deontóirí Idirnáisiúnta seo – is deontais agus iasachtaí don Tuirc atá i €6.05 billiún de sin agus is deontais don tSiria atá i €911 mhilliún de. Is ón gCoimisiún Eorpach agus ó Bhallstáit an Aontais, agus ón mBanc Eorpach Infheistíochta agus ón mBanc Eorpach Athfhoirgníochta agus Forbartha, a thagann €3.6 billiún mar chuid de Team Europe, líon ar mó é ná 50% den ghealltanas iomlán deontas sin. Rinne Banc Forbartha Chomhairle na hEorpa ranníocaíocht thábhachtach €500 milliún in iasachtaí agus €3 mhilliún breise i ndeontais.

Úsáidfear na cistí le haghaidh na Tuirce chun na riachtanais dhaonnúla a chlúdach agus chun cabhrú le hatógáil na réigiún atá buailte. Léiríonn an réamh-mheasúnú ar an damáiste sa Tuirc go bhfuil riachtanais an-mhór os cionn USD 100 billiún ann, agus go leor damáiste déanta don bhonneagar poiblí agus d’fhoirgnimh chónaithe. Na caighdeáin idirnáisiúnta uile maidir le foirgnimh a thógáil i réigiúin sheismeacha agus tosaíochtaí Chomhaontú Glas na Tuirce, cinnteoidh na hiarrachtaí atógála go gcuirfear iad sin san áireamh. Úsáidfear na cistí le haghaidh na Siria chun freastal ar na riachtanais dhaonnúla agus chun tacú leis an téarnamh luath agus leis an athléimneacht.

_{* Is éard atá i gceist le Team Europe an tAontas Eorpach agus Ballstáit an Aontais – lena n-áirítear a ngníomhaireachtaí cur chun feidhme agus a mbainc forbartha phoiblí – mar aon leis an mBanc Eorpach Infheistíochta (BEI) agus an Banc Eorpach Athfhoirgníochta agus Forbartha (BEAF).}

Gealltanais a d’fhógair tíortha agus eagraíochtaí

Deontais do dhaoine sa tSiria agus sa Tuirc

Gealltanais ó Team Europa (An Coimisiún Eorpach agus na Ballstáit)

Deontóir	Deontais - an tSiria in €	Deontais - an Tuirc in €
an Coimisiún Eorpach	108,000,000	1,000,000,000
an Ghearmáin	117,000,000	121,000,000
an Ísiltír	38,200,000	11,500,000
an tSualainn	13,836,815	30,798,072
an Danmhairg	14,504,432	9,555,466
an Iodáil	13,000,000	4,000,000
an Pholainn	3,234,043	9,638,298
an Fhionlainn	6,000,000	6,000,000
an Fhrainc	7,000,000	5,000,000
Éire	6,500,000	3,500,000
an Ghréig	1,000,000	4,000,000
an Spáinn	2,200,000	2,206,000
an Ostair	3,000,000	1,000,000
an Chróit	200,000	3,500,000
an Ungáir	947,957	1,873,500
Lucsamburg	778,000	1,873,500
an Bheilg	2,000,000	0
Poblacht na Seice	417,676	1,044,190
an Rómáin	300,000	1,000,000
an Laitvia	564,669	270,000
an Chipir	250,000	250,000
an tSlóivéin	300,000	200,000
an tSlóvaic	154,000	132,000
an Phortaingéil	200,000	0
an Bhulgáir	30,678	71,581
Málta	40,000	40,000
an Eastóin	50,000	0
Team Europe (Iomlán)	339,908,270	1,218,775,021

Gealltanais ó thríú tíortha

Deontóir	Deontais - an tSiria in €	Deontais - an Tuirc in €
Aontas na nÉimíríochtaí Arabacha	245,520,903	105,223,244
an Asarbaiseáin	0	94,795,715
Cuáit	46,307,706	46,307,707
an Ríocht Aontaithe	32,438,133	17,193,356
Stáit Aontaithe Mheiriceá	35,074,415	12,323,442
Ceanada	13,289,300	20,683,949
an tSeapáin	24,296,141	8,057,637
an Iorua	20,337,155	10,527,043
an Chóiré (Poblacht na Cóiré)	947,957	14,219,358
an Eilvéis	5,551,557	3,187,005
an Nua-Shéalainn	1,234,858	1,117,253
an tSeirbia	750,000	750,000
an Albáin	0	1,000,000
an Chosaiv^*	100,000	500,000
an Mholdóiv	0	415,252
Lichtinstéin	205,613	205,613

Deontóir	an tSiria/an Tuirc
Catar¹	142,193,572
an Araib Shádach¹	142,193,572

^1. Níor cuireadh aon mhiondealú de réir tíre ar fáil.

^* Ní dochar an t-ainmniú sin do sheasaimh maidir le stádas, agus tá sé ag teacht le UNSCR 1244/1999 agus le tuairim CBI maidir le dearbhú neamhspleáchais na Cosaive.

Gealltanais ó eagraíochtaí idirnáisiúnta

Deontóir	Deontais - an tSiria in €	Deontais - an Tuirc in €
Banc Forbartha Chomhairle na hEorpa	0	3,000,000
An Eagraíocht Idirnáisiúnta Saothair	473,979	2,464,689
An Banc Ioslamach um Fhorbraíocht	1,421,936	1,421,936
An Banc Eorpach Infheistíochta²	200,000	300,000
Ard‑Choimisinéir na Náisiún Aontaithe le haghaidh Dídeanaithe³	33,178,500	50,241,729

^2. Faoi réir cheadú chomhlachtaí rialaithe an Bhainc Eorpaigh Infheistíochta.

^3. Tagraíonn sé seo don mhéid a fuarthas mar fhreagairt ar achainí dhaonnúil UNHCR. Níor cuireadh san áireamh é méid iomlán na ngealltanas a ríomh.

Iasachtaí arna ngealladh ag institiúidí airgeadais idirnáisiúnta agus ag deontóirí déthaobhacha don atógáil sa Tuirc

Chomh maith le deontais, gheall bainc forbartha iltaobhacha, agus deontóir déthaobhach €4.3 billiún in iasachtaí don atógáil sa Tuirc. Tá téarmaí na n-iasachtaí sin fós le comhaontú.

Iasachtaí arna ngealladh ag institiúidí airgeadais idirnáisiúnta agus deontóirí déthaobhacha

Deontóir	Iasachtaí in €
An Banc Domhanda	1,687,363,731
Banc Eorpach Athfhoirgníochta agus Forbartha	1,500,000,000
An Banc Eorpach Infheistíochta*	500,000,000
Banc Forbartha Chomhairle na hEorpa	500,000,000
Banc na Mara Duibhe um Thrádáil agus um Fhorbairt	55,000,000
an Spáinn	50,000,000
Iomlán	4,292,363,731

* Faoi réir cheadú chomhlachtaí rialaithe an Bhainc Eorpaigh Infheistíochta.

Freagairt chuimsitheach ón Aontas

Tá an tAontas Eorpach cheana féin ag tacú leis an Tuirc agus leis an tSiria trí Shásra an Aontais um Chosaint Shibhialta, a cuireadh i ngníomh gan mhoill go díreach i ndiaidh na tubaiste nádúrtha.

Bhallstát + an Albáin, Montainéagró, an Iorua agus an tSeirbia

tá cúnamh curtha ar fáil acu don tSiria agus don Tuirc

fhoireann chuardaigh agus tarrthála

sa Tuirc

fhoireann leighis lena n-áirítear 5 ospidéal allamuigh

tá cóireáil curtha acu ar níos mó ná 15,000 duine go dtí seo sa Tuirc

A member of the EU Civil Protection Team in Kahramanmaraş with a person affected by the earthquake — Ball d’Fhoireann Cosanta Sibhialta an Aontais Eorpaigh in Kahramanmaraş agus é in éineacht le duine atá thíos leis an gcrith talún

An dóigh a bhfuil an tAontas ag freagairt don chrith talún tubaisteach sa Tuirc agus sa tSiria

Tá foirne innealtóirí struchtúracha agus cúnamh comhchineáil á slógadh freisin tríd an Sásra agus ar bhonn déthaobhach. Tá Foireann Cosanta Sibhialta an Aontais sa Tuirc faoi láthair chun an fhreagairt idirnáisiúnta a chomhordú. Sa tSiria, tá comhpháirtithe daonnúla an Aontais ar an láthair ag tacú leo siúd atá thíos leis an gcrith talún, trí thacaíocht uisce agus sláintíochta a chur ar fáil, agus trí phluideanna agus earraí sláinteachais a dháileadh sna limistéir atá buailte.

Tuilleadh eolais

Thairis sin, tá a chúltacaí straitéiseacha rescEU slógtha ag an Aontas chun 500 aonad cóiríochta sealadaí, 2,000 puball, agus 8,000 leaba a sheachadadh chuig an Tuirc óna stoc-chairn éigeandála atá á n-óstáil ag an tSualainn agus ag an Rómáin.

San iomlán, leithdháileadh beagnach € 8.6 mhilliún de chabhair dhaonnúil ón Aontas chun freagairt do riachtanais láithreacha mhuintir na Tuirce, agus cuireadh thart ar €10 milliún ar fáil láithreach chun freagairt d’iarmhairtí práinneacha an chreatha talún sa tSiria.

A woman in Syria — Cúnamh ón Aontas agus é ag sroicheadh na Siria (Grianghraf: DG ECHO)

Tá foireann cosanta sibhialta de chuid an Aontais i mBéiriút ag comhordú sheachadadh an chúnaimh don tSiria, agus tá saineolaithe daonnúla de chuid an Aontais i láthair sa tSiria freisin ag obair le comhpháirtithe chun a chinntiú go sroichfidh an chabhair sin na daoine is leochailí.

Tá cúnamh comhchineáil curtha ar fáil ag 16 thír Eorpacha trí Shásra an Aontais um Chosaint Shibhialta agus tá an chabhair á seachadadh do na daoine is mó a bhfuil sí de dhíth orthu. Ina theannta sin, tríd an Aerdhroichead Daonnúil, tá sé beartaithe ag an Aontas 420 tona d’earraí cúnaimh a chur ar fáil, lena n-áirítear 225 thona dar luach €1.1 milliún ó stoc-chairn dhaonnúla an Aontais féin.