Tá plean gníomhaíochta de chuid an Aontais curtha i láthair ag an gCoimisiún chun cibearshlándáil ospidéal agus soláthraithe cúraim sláinte a neartú. Is príomhthosaíocht é an tionscnamh seo don chéad 100 lá den sainordú nua, arb é is aidhm dó timpeallacht níos sábháilte agus níos sláine a chruthú d’othair. In 2023 amháin, thuairiscigh tíortha an Aontais 309 dteagmhas mhóra cibearshlándála a bhí spriocdhírithe ar an earnáil cúraim sláinte – níos mó teagmhas ná aon earnáil chriticiúil eile. De réir mar a bhaineann soláthraithe cúraim sláinte níos mó agus níos mó úsáide as taifid sláinte dhigiteacha, tá méadú ag teacht ar an mbaol go mbeidh bagairtí a bhaineann le sonraí ann. Féadfar cur isteach go leor córas, ríomhthaifid sláinte, córais sreafa oibre ospidéil agus feistí leighis ina measc. Is féidir le bagairtí den sórt sin cúram othar agus fiú beatha daoine a chur i mbaol. Chun aghaidh a thabhairt ar na dúshláin sin, tá an tAontas ag obair chun earnáil an chúraim sláinte a neartú agus chun í a dhéanamh níos athléimní i leith cibearbhagairtí. Cuireann an Plean Gníomhaíochta nua leis an reachtaíocht atá ann cheana, cuir i gcás an reachtaíocht uile-Aontais maidir leis an gcibearshlándáil, agus leathnaítear a raon feidhme chun cleachtais ghinearálta a chur san áireamh. Díríonn sé ar chibearbhagairtí a chosc, a bhrath, a dhíspreagadh agus a dtionchair a mhaolú. Tá sé d’aidhm ag an bPlean freisin Lárionad Tacaíochta Cibearshlándála uile-Eorpach a bhunú chun treoir níos saincheaptha a chur ar fáil d’ospidéil agus do sholáthraithe cúraim sláinte. Faoi dheireadh na bliana, déanfar é a bheachtú a thuilleadh trí chur chuige comhoibríoch agus cuirfear i bhfeidhm de réir a chéile é sa 2 bhliain amach romhainn. Le digitiú na hearnála cúraim sláinte, is féidir seirbhísí níos fearr a chur ar fáil d’othair trí nuálaíochtaí, agus is iomaí tairbhe eile a bhaineann leis. Tá an tAontas tiomanta i gcónaí do thimpeallacht cúraim sláinte a chothú ina ndéanann an teicneolaíocht othair a chumhachtú, cúram a fheabhsú, agus tacú le gairmithe cúraim sláinte. Tuilleadh eolais Cibearshlándáil ospidéal agus soláthraithe cúraim sláinte Plean nua chun go mbeidh rathúnas agus iomaíochas na hEorpa inbhuanaithe Cibearshlándáil Preaseisiúint: Plean gníomhaíochta curtha i láthair ag an gCoimisiún chun an earnáil sláinte a chosaint ar chibirionsaithe Plean gníomhaíochta Eorpach um chibearshlándáil ospidéal agus soláthraithe cúraim sláinte Gníomhaireacht an Aontais Eorpaigh um Chibearshlándáil (ENISA) Sonraí Dáta foilsithe15 Eanáir 2025ÚdarArd-Stiúrthóireacht na Cumarsáide
