Persunal

Regoli għall-ħaddiema taċ-ċivil tal-UE

Il-membri tas-servizz ċivili Ewropew huma soġġetti għal għadd ta' drittijiet u obbligi li jiggvernaw l-azzjonijiet u l-imġiba tagħhom fl-eżerċizzju tal-attivitajiet professjonali tagħhom.

Dawn ir-regoli jinsabu fir-Regolamenti tal-Persunal u fil-Kodiċi ta’ Mġiba Amministrattiva Tajba, annessi mar-Regoli ta’ Proċedura tal-Kummissjoni. Dawn jinkludu kunflitti potenzjali ta’ interess, rigali u unuri, attivitajiet esterni waqt li qed jaħdmu għall-UE u impjieg wara li jkunu ħadmu għall-UE.

Il-Kummissarji Ewropej għandhom regoli speċifiċi li japplikaw għalihom.

Ilmenti

Iċ-ċittadini jistgħu jintroduċu lment jekk jidhrilhom li l-Kummissjoni Ewropea kisret il-prinċipji tas-servizz pubbliku stabbiliti fil-Kodiċi ta’ Prattika Amministrattiva Tajba.

Complaints procedure

Kunflitti ta' interess

Il-persunal tal-UE huwa obbligat li jkun indipendenti, imparzjali, oġġettiv u leali. Kwalunkwe interess personali jew interess f’xi negozju jew organizzazzjoni li jista’ jikkomprometti l-osservanza ta’ dawn l-obbligi għandu jiġi ddikjarat immedjatament.

Attivitajiet esterni koperti b’dawn ir-regoli, bi ħlas jew bla ħlas, iridu l-ewwel jiġu approvati. Il-membri tal-persunal għandhom jinfurmaw ukoll l-istituzzjoni fejn jaħdmu jekk:

• il-konjugi tagħhom huwa impjegat u fejn; jew
• ikun hemm xi interess personali li jista’ jfixkel l-indipendenza tagħhom jew kwalunkwe kunflitt ta’ interess ieħor, matul il-qadi ta’ dmirijiethom.

Meta jaqilgħu rigal

Il-membri tal-persunal tal-UE ma jistgħux jaċċettaw rigali jew favuri minn partijiet terzi mingħajr ma jiksbu permess minn qabel, sakemm il-valur ma jkunx inqas minn €50 u ma jkun hemm l-ebda akkumulazzjoni.

Wara t-tmiem tal-kariga

Jekk membru tal-persunal tal-UE jkun jixtieq jitlaq mill-istituzzjoni u jibda impjieg ġdid fi żmien sentejn, huwa għandu jinforma lill-Kummissjoni sabiex jikseb awtorizzazzjoni minn qabel.

Jekk dik l-attività tkun marbuta max-xogħol imwettaq matul l-aħħar 3 snin ta’ servizz u tista’ toħloq konflitt mal-interessi leġittimi tal-Kummissjoni, il-Kummissjoni tista’ timpedixxiha jew tapprovaha, skont il-kundizzjonijiet meħtieġa.

L-uffiċjali għolja huma pprojbiti fil-prinċipju, fit-12-il xahar wara li jitilqu mis-servizz, milli jinvolvu ruħhom f’attivitajiet ta’ lobbying jew f’azzjonijiet ta’ promozzjoni vis-à-vis l-istituzzjoni fejn kienu jaħdmu dwar kwistjonijiet li kienu responsabbli għalihom matul l-aħħar 3 snin fis-servizz.