Cuairteanna staidéir do mhic léinn Ateangaireachta Comhdhála

Glao ar iarratais

Níl aon ghlao ar chuairteanna staidéir ar oscailt faoi láthair. Foilseofar an chéad ghlao eile (le haghaidh cuairteanna i mí Mheán Fómhair agus mí na Nollag 2026) ar an suíomh gréasáin seo i mí na Bealtaine/mí an Mheithimh 2026.

Eolas faoi chuairteanna staidéir

Le cuairt staidéir a thabhairt ar Ard-Stiúrthóireacht na hAteangaireachta, is féidir le mic léinn atá ag déanamh staidéar ar an ateangaireacht chomhdhála eolas a chur ar shaol gairmiúil an ateangaire comhdhála a oibríonn sna hinstitiúidí Eorpacha.

Deis ar leith atá ann d’ábhar ateangairí eolas a fháil ar an gcaoi a bhfeidhmíonn an Ard-Stiúrthóireacht, fáil amach faoi na caighdeáin ghairmiúla is gá chun bheith ag obair sna hInstitiúidí Eorpacha, foghlaim faoin dul chun cinn is déanaí sna teicneolaíochtaí nua a bhaineann leis an ateangaireacht chomhdhála agus cleachtadh a dhéanamh i mbréagbhothán in éineacht le hoiliúnóir ar feadh aon lá amháin.

Formáidí cuairte

Cuairteanna ó ollscoileanna a bhfuil AS na hAteangaireachta ag obair i gcomhar leo faoi láthair:

• Cuairt ar AS na hAteangaireachta agus ar sheirbhís ateangaireachta Pharlaimint na hEorpa (AS LINC) in éineacht:
  cuairt 3 lá; dhá lá in AS na hAteangaireachta agus lá amháin i bParlaimint na hEorpa, ó Luan go Céadaoin de ghnáth
• Cuairteanna ar AS na hAteangaireachta amháin:
  2 lá nó 3 lá – socrófar fad na cuairte cás ar chás

Cuairteanna ó ollscoileanna nach bhfuil Ard-Stiúrthóireacht na hAteangaireachta ag obair i gcomhar leo faoi láthair:

• Leathlá nó lá iomlán

Conas iarratas a dhéanamh

• Is ar cheannairí cúrsaí ollscoile, seachas mic léinn aonair, atá sé iarratais ar chuairt staidéir a chur isteach
• Is ar bhonn leas Ard-Stiúrthóireacht na hAteangaireachta agus sheirbhís ateangaireachta Pharlaimint na hEorpa a dhéantar na hiarratais a mheas.
• Is faoi réir fhormheas na Stiúrthóirí/na gCeann Aonaid ábhartha a ghlacfar le hiarratais agus ar choinníoll go mbíonn baill foirne ar fáil.
• Idir Feabhra agus Bealtaine is mó a bhíonn éileamh ar chuairteanna. Iarrtar ar ollscoileanna dátaí malartacha a lua don tréimhse idir Meán Fómhair agus Eanáir agus/nó i mí an Mheithimh. Is mór ag Ard-Stiúrthóireacht na hAteangaireachta agus seirbhís ateangaireachta Pharlaimint na hEorpa má léiríonn mic léinn an tsolúbthacht glacadh le dátaí malartacha.

Ní mór a thabhairt ar aire gur seirbhísí feidhmiúla Ard-Stiúrthóireacht na hAteangaireachta agus seirbhís ateangaireachta Pharlaimint na hEorpa. Mura bhfuil cúrsaí ateangaireachta ar fáil san ollscoil a bhfuil tú ag freastal uirthi agus más mian leat eolas a fháil ar ghnéithe ginearálta (teanga) an Choimisiúin Eorpaigh, is féidir leat cuairt a eagrú trí Ionad Cuairteoirí an Choimisiúin Eorpaigh.