Mur għall-kontenut ewlieni
Logo tal-Kummissjoni Ewropea
mt
Il-Kummissjoni Ewropea

X’inhu l-Istat tal-Unjoni?

Verżjoni faċli biex tinqara: Din il-verżjoni tuża lingwaġġ u definizzjonijiet sempliċi biex l-informazzjoni tkun aktar faċli biex tinftiehem.

Kull sena, il-President1 tal-Kummissjoni2 Ewropea tagħmel diskors importanti. 

L-isem tad-diskors huwa l-Istat tal-Unjoni. 

Il-President tagħmel id-diskors fil-Parlament Ewropew3. 

Il-Membri kollha tal-Parlament Ewropew4 jisimgħu d-diskors. 

Il-poplu tal-Unjoni Ewropea5 jivvota għall-Membri tal-Parlament Ewropew.

Definizzjonijiet

  1. Il-President tmexxi l-Kummissjoni Ewropea. 
    Il-President tagħmel id-diskors dwar l-Istat tal-Unjoni kull sena.
  2. Il-Kummissjoni Ewropea hija grupp ta’ nies. 
    Huma jissuġġerixxu liġijiet u pjanijiet ġodda għall-Unjoni Ewropea.
  3. Il-Parlament Ewropew huwa grupp ta’ nies. 
    Il-poplu tal-Unjoni Ewropea jivvota għalihom. 
    Huma jiddeċiedu dwar liġijiet ġodda.
  4. Il-membri tal-Parlament Ewropew huma l-persuni fil-Parlament Ewropew. 
    Il-poplu tal-Unjoni Ewropea jivvota għalihom.
  5. L-Unjoni Ewropea hi grupp ta’ 27 pajjiż fl-Ewropa. 
    Dawn il-pajjiżi jaħdmu flimkien. 
    Dawn jagħmlu xi liġijiet flimkien.

Dwar xiex inhu d-diskors?

  • Il-President titkellem dwar is-sena li għaddiet.
  • Il-President tgħid x’inhu importanti għall-Unjoni Ewropea bħalissa.
  • Il-President tħabbar pjanijiet ġodda. 

Il-Kummissjoni Ewropea ssejjaħ lil dawn il-pjanijiet ġodda inizjattivi6.

Is-sena d-dieħla l-Kummissjoni Ewropea se taħdem fuq dawn l-inizjattivi. 

Il-Kummissjoni Ewropea għandha wkoll pjan akbar. 

Il-pjan akbar huwa għal 5 snin. 

L-inizjattivi huma parti mill-pjan akbar.

Definizzjoni

       6. Inizjattiva hija pjan ġdid jew idea ġdida biex issir liġi. 
           Il-Kummissjoni Ewropea trid taħdem fuqha.

Għaliex il-President tagħmel id-diskors?

  • Il-President tmexxi l-Kummissjoni Ewropea.
  • Il-Kummissjoni Ewropea biss tista’ tissuġġerixxi liġijiet u pjanijiet ġodda.
  • Dawn huma liġijiet għall-Unjoni Ewropea kollha.

X’jiġri wara d-diskors?

Wara d-diskors, il-Membri tal-Parlament Ewropew jitkellmu dwar il-pjanijiet.

  • Huma jistgħu jitolbu bidliet.
  • Jistgħu jgħidu dak li jridu. 

Il-Kunsill tal-Unjoni Ewropea7 ukoll jgħid dak li jaħseb dwar dawn il-pjanijiet. 

Il-Kummissjoni Ewropea tisma’ lill-Membri tal-Parlament Ewropew.

Definizzjoni

       7. Il-Kunsill tal-Unjoni Ewropea huwa laqgħa. 
           Il-gvernijiet tal-pajjiżi tal-Unjoni Ewropea jiltaqgħu hemmhekk. 
           Il-Kunsill tal-Unjoni Ewropea jiddeċiedi dwar liġijiet ġodda flimkien mal-Parlament Ewropew.

Il-Kummissjoni Ewropea tisma’ wkoll lill-Kunsill tal-Unjoni Ewropea. 

Il-Kummissjoni Ewropea tuża l-ideat tagħhom. 

Kulħadd jista’ jara kif l-Unjoni Ewropea tieħu d-deċiżjonijiet tagħha. 

Imbagħad il-Kummissjoni Ewropea tikteb il-Programm ta’ Ħidma tagħha. 

Il-Programm ta’ Ħidma huwa lista. 

Il-lista għandha l-liġijiet u l-pjanijiet il-ġodda għas-sena d-dieħla.