Negħlbu n-nuqqas ta’ ħiliet fl-UE © Sharne T/peopleimages.com - stock.adobe.comIn-nuqqas ta’ ħiliet jippersisti mal-UE, f’firxa ta’ setturi, u f’diversi livelli ta’ ħiliet. L-impjegaturi bħalissa ma jistgħux isibu l-ħaddiema li jeħtieġu. Din hija speċjalment problema għall-intrapriżi żgħar u ta’ daqs medju (SMEs), kif juri stħarriġ reċenti tal-UE.Fl-indirizzar tan-nuqqas ta’ ħaddiema u ħiliet, il-prijorità tal-UE hija li timmassimizza l-potenzjal tal-forza tax-xogħol nazzjonali. Madankollu dan mhux se jkun biżżejjed biex tindirizza n-nuqqasijiet, u għalhekk parti mis-soluzzjoni trid tkun li nattiraw il-ħiliet u t-talent minn barra l-pajjiż.Biex tilqa’ din l-isfida u tgħin lill-Istati Membri jikkompetu fit-tellieqa globali għat-talent, il-Kummissjoni ressqet 3 azzjonijiet bħala parti minn Pakkett dwar il-Mobbiltà tat-Talenti. Dawn huma l-iffaċilitar tar-reklutaġġ minn barra l-UEir-rikonoxximent aktar mgħaġġel tal-kwalifiki professjonali u tal-ħiliet miksuba f’pajjiżi terziit-trawwim tal-mobbiltà għat-tagħlim għal kulħaddIl-pakkett jirrifletti wkoll li s-sħubija ma’ pajjiżi terzi hija kruċjali biex jiġi żgurat li l-mobbiltà tipproduċi benefiċċji reċiproki. Għaliex hija meħtieġa azzjoni Ir-rata tal-qgħad kienet f’livell rekord baxx ta’ 6% f’Settembru 2023, u r-rata tal-postijiet tax-xogħol battala żdiedet għal 2.9% fl-2022 - aktar mid-doppju tal-livell tal-2012. It-tibdil demografiku se jaggrava l-isfidi tas-suq tax-xogħol li qed taffaċċja l-UE. Il-popolazzjoni fl-età tax-xogħol se tonqos minn 265 miljun fl-2022 għal 258 miljun fl-2030. L-iffaċilitar tar-reklutaġġ minn barra l-UE Il-Kummissjoni qed tipproponi li tistabbilixxi Riżerva ta’ Talent tal-UE biex tiffaċilita r-reklutaġġ ta’ persuni li qed ifittxu impjieg minn pajjiżi mhux tal-UE abbażi tal-okkupazzjonijiet nieqsa mill-ħaddiema u l-ħtiġijiet tas-suq tax-xogħol. Il-parteċipazzjoni fir-Riżerva ta’ Talent tal-UE se tkun volontarja għall-Istati Membri, li se jappoġġjaw il-ġestjoni tal-pjattaforma. Il-pjattaforma se tgħin biex tqabbel aktar malajr u aktar faċilment liċ-ċittadini ta’ pajjiżi terzi bil-ħiliet u lill-impjegaturi, filwaqt li tipprovdi informazzjoni kemm għal dawk li qed ifittxu impjieg kif ukoll għall-impjegaturi dwar il-proċeduri ta’ reklutaġġ u l-kundizzjonijiet tal-għajxien u tax-xogħol. Se tipproteġi wkoll liċ-ċittadini ta’ pajjiżi terzi minn prattiki possibbli ta’ sfruttament. Biex jittejbu r-relazzjonijiet bejn l-UE u l-pajjiżi sħab ewlenin, ir-Riżerva ta’ Talent tal-UE se tappoġġja wkoll l-implimentazzjoni tas-Sħubijiet ta’ Talent. Dawn is-sħubijiet jipprovdu mobbiltà għax-xogħol jew għat-taħriġ, iżidu l-opportunitajiet għall-migrazzjoni legali u jagħmlu l-migrazzjoni irregolari inqas attraenti. Ir-rikonoxximent aktar mgħaġġel tal-kwalifiki professjonali u tal-ħiliet miksubin f’pajjiżi terzi Il-Kummissjoni rrakkomandat li jiġi ffaċilitat ir-rikonoxximent tal-ħiliet u l-kwalifiki ta’ ċittadini ta’ pajjiżi terzi. Is-sett ta’ miżuri se jimmodernizza s-sistema ta’ rikonoxximent attwalment fis-seħħ u se jqarribha lejn is-sistema stabbilita għaċ-ċittadini tal-UE li jiċċaqilqu lejn Stat Membru ieħor. L-għan huwa li jkun hemm deċiżjonijiet ta’ rikonoxximent aktar rapidi biex jimtlew postijiet battala f’okkupazzjonijiet b’nuqqas ta’ ħaddiema fl-UE. Is-sistema se tinkludi rakkomandazzjonijiet biex tiġi żviluppata l-kapaċità tal-awtoritajiet nazzjonali korrispondenti biex jissimplifikaw u jħaffu l-proċeduri, billi jsir titjib fil-komparabbiltà tal-kwalifiki minn pajjiżi terzi u ta’ kif jiġu vvalutati l-ħiliet ta’ dawk li qed ifittxu impjieg. Il-mobbiltà għat-tagħlim issir opportunità għal kulħadd Il-Kummissjoni tistieden lill-Istati Membri biex jagħmlu l-mobbiltà għat-tagħlim fl-UE parti integrali mill-perkorsi kollha tal-edukazzjoni u t-taħriġ – mill-edukazzjoni skolastika u l-edukazzjoni u t-taħriġ vokazzjonali, sal-edukazzjoni għolja u għall-adulti u l-iskambji taż-żgħażagħ. Il-Kummissjoni qed tipproponi li żżid is-sehem ta’ esperjenzi ta’ mobbiltà għall-2030 għal mill-inqas: 25% għall-gradwati tal-edukazzjoni għolja 20% għall-istudenti b’inqas opportunitajiet 15% għall-istudenti vokazzjonali Hi tippromwovi wkoll l-attraenza tal-UE bħala post fejn wieħed jitgħallem għall-persuni minn pajjiżi terzi. Sfond Mingħajr azzjoni miftiehma biex jiġi indirizzat in-nuqqas ta’ ħiliet fl-UE, ix-xejriet attwali jistgħu jimminaw it-tranżizzjonijiet ekoloġiċi u diġitali, inaqqsu l-kompetittività tal-UE, u jdgħajfu s-servizzi pubbliċi f’oqsma li diġà qed jiffaċċjaw nuqqas ta’ ħaddiema, bħall-kura tas-saħħa u l-kura fit-tul. Hu għalhekk li dan il-pakkett hu daqshekk importanti, hekk kif jibni fuq il-ħidma li għaddejja bil-Pakkett dwar il-Ħiliet u t-Talent u l-Patt il-Ġdid dwar il-Migrazzjoni u l-Ażil u jikkontribwixxi għas-Sena Ewropea tal-Ħiliet attwali bl-enfasi tiegħu fuq approċċ strateġiku għas-soluzzjoni tan-nuqqas ta’ ħaddiema u ħiliet. Dokumenti General publications15 Novembru 2023Legal documents on the Skills and Talent mobility package Links relatati Sena Ewropea tal-ĦilietStudja fl-EwropaEwrobarometru dwar in-nuqqas ta’ ħiliet fl-SMEs
© Sharne T/peopleimages.com - stock.adobe.comIn-nuqqas ta’ ħiliet jippersisti mal-UE, f’firxa ta’ setturi, u f’diversi livelli ta’ ħiliet. L-impjegaturi bħalissa ma jistgħux isibu l-ħaddiema li jeħtieġu. Din hija speċjalment problema għall-intrapriżi żgħar u ta’ daqs medju (SMEs), kif juri stħarriġ reċenti tal-UE.Fl-indirizzar tan-nuqqas ta’ ħaddiema u ħiliet, il-prijorità tal-UE hija li timmassimizza l-potenzjal tal-forza tax-xogħol nazzjonali. Madankollu dan mhux se jkun biżżejjed biex tindirizza n-nuqqasijiet, u għalhekk parti mis-soluzzjoni trid tkun li nattiraw il-ħiliet u t-talent minn barra l-pajjiż.Biex tilqa’ din l-isfida u tgħin lill-Istati Membri jikkompetu fit-tellieqa globali għat-talent, il-Kummissjoni ressqet 3 azzjonijiet bħala parti minn Pakkett dwar il-Mobbiltà tat-Talenti. Dawn huma l-iffaċilitar tar-reklutaġġ minn barra l-UEir-rikonoxximent aktar mgħaġġel tal-kwalifiki professjonali u tal-ħiliet miksuba f’pajjiżi terziit-trawwim tal-mobbiltà għat-tagħlim għal kulħaddIl-pakkett jirrifletti wkoll li s-sħubija ma’ pajjiżi terzi hija kruċjali biex jiġi żgurat li l-mobbiltà tipproduċi benefiċċji reċiproki.
Ir-rata tal-qgħad kienet f’livell rekord baxx ta’ 6% f’Settembru 2023, u r-rata tal-postijiet tax-xogħol battala żdiedet għal 2.9% fl-2022 - aktar mid-doppju tal-livell tal-2012. It-tibdil demografiku se jaggrava l-isfidi tas-suq tax-xogħol li qed taffaċċja l-UE. Il-popolazzjoni fl-età tax-xogħol se tonqos minn 265 miljun fl-2022 għal 258 miljun fl-2030.
Il-Kummissjoni tistieden lill-Istati Membri biex jagħmlu l-mobbiltà għat-tagħlim fl-UE parti integrali mill-perkorsi kollha tal-edukazzjoni u t-taħriġ – mill-edukazzjoni skolastika u l-edukazzjoni u t-taħriġ vokazzjonali, sal-edukazzjoni għolja u għall-adulti u l-iskambji taż-żgħażagħ. Il-Kummissjoni qed tipproponi li żżid is-sehem ta’ esperjenzi ta’ mobbiltà għall-2030 għal mill-inqas: 25% għall-gradwati tal-edukazzjoni għolja 20% għall-istudenti b’inqas opportunitajiet 15% għall-istudenti vokazzjonali Hi tippromwovi wkoll l-attraenza tal-UE bħala post fejn wieħed jitgħallem għall-persuni minn pajjiżi terzi.
