Rapport Annwali tal-2021 dwar il-monitoraġġ tal-applikazzjoni tal-liġi tal-UE

Kull sena, il-Kummissjoni Ewropea tippubblika rapport annwali dwar il-monitoraġġ tal-applikazzjoni tal-liġi tal-UE matul is-sena preċedenti. Ir-rapport janalizza l-aspetti ewlenin tal-applikazzjoni tal-liġi tal-UE mill-Istati Membri u l-azzjonijiet tal-Kummissjoni Ewropea biex tinfurzaha fl-2021. Din il-paġna web tippreżenta każijiet ta’ ksur skont il-qasam ta’ politika u l-Istat Membru, fuq perjodu ta’ 5 snin.

Ksur

Każijiet ġodda ta’ ksur 2017 - 2021

Fl-2021, il-Kummissjoni fetħet 847 każ ġdid ta’ ksur. Dan huwa tnaqqis meta mqabbel mal-2020, meta l-Kummissjoni fetħet 903 każ ġdid.

Meta tikklikkja din iċ-ċart interattiva fuq diversi livelli tista’ tikkonsulta d-distribuzzjoni tal-każijiet ta’ ksur il-ġodda fl-2021 għal kull qasam ta’ politika u għal kull tip ta’ ksur.

Każijiet ta’ ksur miftuħin sal-aħħar tas-sena 2017 - 2021

Fi tmiem l-2021, kien hemm 1,930 każ ta’ ksur li baqgħu miftuħin. Din hija żieda meta mqabbla mas-sena 2020, meta kien hemm 1,786 każ li baqgħu miftuħin.

Meta tikklikkja ċ-ċart interattiva fuq diversi livelli li tinsab hawn fuq tista’ tikkonsulta n-numru ta’ każijiet ta’ ksur miftuħin fl-aħħar tal-2021 għal kull qasam ta’ politika u għal kull tip ta’ ksur.

Każijiet ta’ ksur 2017 - 2021

Iċ-ċart t’hawn fuq turi n-numru ta’ każijiet li kienu ġodda, magħluqin jew li baqgħu miftuħin fi tmiem is-sena għall-perjodu 2017-2021.

Każijiet ġodda ta’ traspożizzjoni tardiva fil-liġi nazzjonali 2017 - 2021

Fl-2021, il-Kummissjoni fetħet 571 każ ġdid ta’ traspożizzjoni tardiva fil-liġi nazzjonali minħabba li l-Istati Membri naqsu milli jittrasponu d-direttivi fil-ħin. Dan huwa tnaqqis meta mqabbel mal-2020, meta l-Kummissjoni fetħet 599 każ ġdid ta’ traspożizzjoni tardiva fil-liġi nazzjonali.

Meta tikklikkja din iċ-ċart interattiva fuq diversi livelli, tista’ tikkonsulta d-distribuzzjoni tal-każijiet ta’ traspożizzjoni tardiva fil-liġi nazzjonali l-ġodda fl-2021 għal kull qasam ta’ politika u għal kull tip ta’ ksur.

Tip ta’ ksur għal kull Stat Membru fl-aħħar tas-sena

Il-graff t’hawn fuq turi t-tqassim ta’ każijiet ta’ ksur miftuħin fi tmiem is-sena kontra Stati Membri individwali abbażi tat-tip ta’ ksur. Hija tinkludi wkoll informazzjoni dwar ir-Renju Unit.

EU Pilot

Każijiet ġodda tal-EU Pilot 2017 - 2021

Fl-2021, il-Kummissjoni fetħet 246 każ ġdid tal-EU Pilot. Din hija żieda meta mqabbla mal-2020, meta l-Kummissjoni fetħet 212 każ ġdid tal-EU Pilot.

Meta tikklikkja din iċ-ċart interattiva fuq diversi livelli tista’ tikkonsulta d-distribuzzjoni tal-każijiet tal-EU Pilot il-ġodda fl-2021 għal kull qasam ta’ politika u għal kull tip ta’ ksur.

Każijiet tal-EU Pilot 2017 – 2021

Iċ-ċart t’hawn fuq turi n-numru ta’ każijiet tal-EU Pilot li kienu ġodda, trattati jew li baqgħu miftuħin fi tmiem is-sena għall-perjodu 2017-2021.

Ilmenti

Ilmenti ġodda

Fl-2021, il-Kummissjoni rreġistrat 4,276 ilment ġdid dwar allegat ksur jew ksur potenzjali tal-liġi tal-UE. Din hija żieda meta mqabbla mal-2020, meta l-Kummissjoni rreġistrat 3,727 ilment ġdid.

Meta tikklikkja din iċ-ċart interattiva fuq diversi livelli tista’ tikkonsulta d-distribuzzjoni tal-ilmenti l-ġodda fl-2021 għal kull qasam ta’ politika u għal kull tip ta’ ksur.

Ilmenti 2017 – 2021

Iċ-ċart t’hawn fuq turi n-numru ta’ lmenti li ġew irreġistrati, trattati, jew li baqgħu miftuħin fi tmiem is-sena għall-perjodu 2017-2021.

Ħarsa ġenerali lejn l-attività ta’ infurzar

Iċ-ċart t’hawn fuq turi ż-żmien medju f’ġimgħat li hu meħtieġ qabel ma tittieħed deċiżjoni biex jingħalqu l-ilmenti, il-każijiet tal-EU Pilot u l-każijiet ta’ ksur. Ċerti każijiet tal-EU Pilot jew ilmenti potenzjalment jingħaddu aktar minn darba (eż. jekk ilment inizjali jiġi ttrasferit f’każ tal-EU Pilot jew ta’ ksur).

Għal aktar spjegazzjonijiet dwar id-data statistika u l-metodoloġija, jekk jogħġbok irreferi għad-dokument ta’ ħidma tal-persunal tal-Kummissjoni għal ħarsa ġenerali tal-istatistika 2021 (taqsima IV. Metodoloġija u Spjegazzjonijiet).

Aktar informazzjoni dwar każijiet ta’ ksur skont il-qasam ta’ politika

Stati Membri

Fl-1 ta’ Frar 2020, daħal fis-seħħ il-Ftehim dwar il-Ħruġ li jistabbilixxi l-arranġamenti għall-ħruġ ordnat tar-Renju Unit mill-Unjoni u r-Renju Unit formalment sar pajjiż terz. Il-perjodu ta’ tranżizzjoni stabbilit mill-Ftehim dwar il-Ħruġ intemm fil-31 ta’ Diċembru 2020. F’konformità mal-Ftehim dwar il-Ħruġ, il-Kummissjoni tista’ tkompli ssegwi każijiet ta’ ksur eżistenti u tiftaħ każijiet ġodda kontra r-Renju Unit għal ksur tal-liġi tal-UE li seħħ qabel tmiem il-perjodu ta’ tranżizzjoni, jew għal ksur ta’ ċerti dispożizzjonijiet tal-Ftehim dwar il-Ħruġ jew tal-Protokolli dwar l-Irlanda u l-Irlanda ta’ Fuq u dwar l-Arei ta’ Bażi Sovrana f’Ċipru. Għalhekk, il-każijiet li jikkonċernaw ir-Renju Unit huma inklużi fl-istatistika ġenerali ta’ dan ir-rapport.