This information is also available in: Turkish | türkçe | Arabic | العربية

Konferenza tad-Donaturi biex jinġabru l-fondi

A building damaged by deadly earthquakes in Gaziantep — Bini li saritlu ħsara minħabba terremoti fatali f’Gaziantep fit-Turkija

Fis-6 ta’ Frar 2023, terremot b’qawwa ta’ 7.8 fuq l-iskala Richter, segwit minn żewġ theżżiżiet devastanti, laqat lit-Turkija u lis-Sirja, u kkawża qerda mifruxa, u qatel għexur ta’ eluf ta’ persuni.

Biex jiġi mmobilizzat l-appoġġ mill-komunità internazzjonali fl-indirizzar tal-konsegwenzi devastanti, il-President tal-Kummissjoni Ewropea, Ursula von der Leyen, u l-Prim Ministru tal-Iżvezja, Ulf Kristersson, f’isem il-Presidenza tal-Kunsill tal-UE, se jospitaw b’mod konġunt Konferenza tad-Donaturi fl-20 ta’ Marzu 2023 fi Brussell.

L-għan tal-Konferenza tad-Donaturi hu li jinġabru l-fondi u jiġi kkoordinat ir-rispons ta’ sokkors fiż-żoni affettwati fiż-żewġ pajjiżi. Il-Konferenza se tiġi organizzata f’koordinazzjoni mal-awtoritajiet Torok.

Sitt ġimgħat wara t-terremoti devastanti fit-Turkija u fis-Sirja, ningħaqdu flimkien biex nappoġġjaw lis-superstiti ta’ din it-traġedja. Is-solidarjetà tagħna se tkompli tkun b’saħħitha daqs kemm kienet fl-ewwel sigħat wara t-terremot. In-nies fit-Turkija u fis-Sirja għandhom ikunu jafu li aħna magħhom fit-tul. Nistieden lin-nazzjonijiet kollha u lid-donaturi kollha, pubbliċi u privati, biex jikkontribwixxu u jonoraw il-memorja tal-ħajjiet mitlufa, l-eroiżmu tal-persuni tal-ewwel rispons u l-aktar importanti biex flimkien jibnu futur aħjar għas-superstiti.

Participation of Ursula von der Leyen, to the Donors' Conference for the people of Türkiye and Syria affected by the earthquake — Ursula von der Leyen u Ulf Kristersson

Parteċipanti

Il-Konferenza se tkun miftuħa għall-Istati Membri kollha tal-UE, għall-pajjiżi ġirien, għan-NU, għall-istituzzjonijiet finanzjarji internazzjonali, u għall-partijiet ikkonċernati rilevanti l-oħra li jixtiequ jikkontribwixxu u jappoġġjaw l-isforzi ta’ sokkors. Il-Programm ta’ Żvilupp tan-Nazzjonijiet Uniti (UNDP) bħalissa qed iħejji valutazzjoni tal-ħtiġijiet ta’ wara d-diżastru biex jinforma lid-donaturi qabel il-konferenza dwar il-ħtiġijiet ta’ rikostruzzjoni u riabilitazzjoni.

Il-konferenza se tkun ippreseduta b’mod konġunt mill-Kummissarju inkarigat mill-Viċinat u t-Tkabbir, Olivér Várhelyi, u l-Ministru Żvediż għall-Kooperazzjoni għall-Iżvilupp Internazzjonali u l-Kummerċ Barrani, Johan Forssell.

It-terremoti fit-Turkija u fis-Sirja huma diżastri bi proporzjonijiet storiċi. Ninsab qalbi maqsuma bit-telf ta’ ħajjiet u djar, u bit-tbatija umana. Il-konsegwenzi huma tassew orrendi. Bħala l-President tal-Kunsill tal-Unjoni Ewropea, l-Iżvezja se tagħmel dak kollu li tista’, flimkien mal-UE u s-sħab internazzjonali, biex tgħin lil dawk affettwati fil-fażijiet li jmiss tar-riabilitazzjoni u l-irkupru bikrin.

Total pledges

The total pledge of this International Donors' conference amounts to €7 billion, of which €6.05 billion in grants and loans for Türkiye and €911 million in grants for Syria. The European Commission and the EU Member States, as well as the European Investment Bank and the European Bank for Reconstruction and Development represent more than 50% of this total pledge, as Team Europe, with €3.6 billion,.The Council of Europe Development Bank also made an important contribution of €500 million in loans and an additional €3 million in grants.

The funds for Türkiye will be used to cover humanitarian needs and help the reconstruction of the affected regions. The preliminary damage assessment in Türkiye demonstrates very large needs above $100 billion with a lot of damage to public infrastructure and residential buildings. The reconstruction efforts will ensure that all international standards for construction in seismic regions are taken into account and also the priorities of the Turkish Green Deal. The funds for Syria will be used to help meet humanitarian needs and support early recovery and resilience.

Rispons komprensiv tal-UE

L-UE diġà kienet attiva fl-appoġġ lit-Turkija u lis-Sirja, u l-Mekkaniżmu tal-Unjoni Ewropea għall-Protezzjoni Ċivili ġie attivat immedjatament wara li seħħ id-diżastru naturali.

Stati Membri + l-Albanija, il-Montenegro u s-Serbja

assistenza mobilizzata għas-Sirja u t-Turkija

tim ta’ tfittxija u salvataġġ

fit-Turkija

timijiet mediċi inklużi 5 sptarijiet fuq il-post

s’issa ttrattaw aktar minn 15,000 persuna fit-Turkija

A member of the EU Civil Protection Team in Kahramanmaraş with a person affected by the earthquake — Membru tat-Tim tal-Protezzjoni Ċivili tal-UE f’Kahramanmaraş ma’ persuna affettwata mit-terremot

Kif l-UE qed twieġeb għat-terremoti devastanti fit-Turkija u fis-Sirja

Qed jiġu mobilizzati timijiet ta’ inġiniera strutturali u ta’ assistenza mhux finanzjarja kemm permezz tal-mekkaniżmu kif ukoll b’mod bilaterali. Tim tal-Protezzjoni Ċivili tal-UE bħalissa jinsab it-Turkija biex jikkoordina r-rispons internazzjonali. Fis-Sirja, is-sħab umanitarji tal-UE jinsabu fuq il-post qed jappoġġjaw lil dawk affettwati mit-terremot, inkluż l-appoġġ għall-ilma u s-sanità, u qed jiddistribwixxu kutri u oġġetti tal-iġjene fiż-żoni affettwati.

Aqra aktar

Barra minn hekk, l-UE mmobilizzat ir-riżervi strateġiċi tagħha tar-rescEU biex twassal 500 unità ta’ akkomodazzjoni temporanja, 2,000 tinda, u 8,000 sodda lit-Turkija mill-ħażniet ta’ emerġenza tagħha ospitati mill-Iżvezja u r-Rumanija.

B’kollox, ġew allokati kważi €8.6 miljun ta’ għajnuna umanitarja tal-UE biex jirrispondu għall-ħtiġijiet immedjati tal-popolazzjoni fit-Turkija, u madwar €10 miljun ġew mobilizzati immedjatament biex jirrispondu għall-konsegwenzi immedjati tat-terremot fis-Sirja.

A woman in Syria — L-assistenza tal-UE tasal fis-Sirja (Ritratt: DĠ ECHO)

Tim tal-protezzjoni ċivili tal-UE f’Bejrut qed jikkoordina t-twassil tal-assistenza lis-Sirja, u l-esperti umanitarji tal-UE huma preżenti wkoll fis-Sirja li jaħdmu mas-sħab biex jiżguraw li l-għajnuna tilħaq lil dawk l-aktar vulnerabbli.

16-il pajjiż Ewropew offrew assistenza mhux finanzjarja permezz tal-Mekkaniżmu tal-UE għall-Protezzjoni Ċivili u l-għajnuna qed tingħata lill-persuni l-aktar fil-bżonn. Barra minn hekk, permezz tal-pont umanitarju bl-ajru, l-UE qed tippjana li twassal 420 tunnellata ta’ assistenza, inklużi 225 tunnellata mill-ħażniet umanitarji tal-UE stess b’valur ta’ €1.1 miljun.