Coinbhleacht leasa

Glacann an Coimisiún go han-dáiríre leis na rioscaí a bhaineann le coinbhleachtaí leasa a sheachaint i gcur chun feidhme bhuiséad an Aontais. Is féidir le cásanna a bhaineann le coinbhleachtaí leasa (coinbhleachtaí leasa a mheastar a bheith ann san áireamh) tarlú tráth ar bith. Tá sé ríthábhachtach iad a chosc nó a bhainistiú go cuí nuair a tharlaíonn siad. Baineann tábhacht nach mór leis an méid sin chun seasamh le clú agus neamhchlaontacht na hearnála poiblí agus na ndaoine a dhéanann cinntí i dtaca le bainistiú chistí an Aontais, sin agus le hinchreidteacht phrionsabail an smachta reachta mar bhunluach de chuid an Aontais. Cuid fhíor-riachtanach den dea-rialachas agus den bhainistíocht fhónta airgeadais is ea beartais agus rialacha mionsonraithe a bheith i bhfeidhm maidir le coinbhleachtaí agus coinbhleachtaí leasa a mheastar a bheith ann a sheachaint agus a bhainistiú.

Cad iad na rialacha atá ann maidir le coinbhleachtaí leasa a sheachaint i gcur chun feidhme bhuiséad an Aontais?

Leis an Treoir athbhreithnithe EU Financial Regulationa tháinig i bhfeidhm an 2 Lúnasa 2018, tá tuilleadh feabhais curtha ar na bearta atá ann cheana chun leasanna airgeadais an Aontais a chosaint. Sampla tábhachtach is ea na rialacha maidir le coinbhleachtaí leasa a neartú (Airteagal 61 den Rialachán Airgeadais 2018). Déantar iad sin a leathnú go sainráite anois – sa bhreis ar bhainistíocht dhíreach agus indíreach – chuig údaráis na mBallstát agus chuig aon duine a bhfuil cistí de chuid an Aontais á gcur chun feidhme aige faoi bhainistíocht chomhroinnte.

D’eisigh an Coimisiún treoir a bhfuil sé mar aidhm aici feasacht a mhúscailt agus léirmhíniú agus cur i bhfeidhm aonfhoirmeach a chur chun cinn i dtaca leis na rialacha maidir le coinbhleachtaí leasa a sheachaint. Cuimsíonn sé freisin samplaí praiticiúla agus moltaí arb é is aidhm dóibh treoir agus uirlisí a chur ar fáil d’institiúidí an Aontais agus d’údaráis na mBallstát chun cabhrú leo coinbhleachtaí leasa a sheachaint.

Tá an treoraíocht ann mar chuid d’iarrachtaí an Choimisiúin bearta a neartú a thuilleadh chun leasanna airgeadais an Aontais a chosaint. Cuireann an méid sin béim freisin ar an gcomhlántacht leis an Rialachán maidir le córas ginearálta coinníollachta chun buiséad an Aontais a chosaint faoina bhféadfadh sé go léireofaí sáruithe ar phrionsabail an smachta reachta mar gheall ar mhainneachtain na n-údarás poiblí chun a áirithiú nach ann do choinbhleachtaí leasa, chomh maith le faireachán éifeachtach ar chur chun feidhme na bPleananna Téarnaimh agus Athléimneachta agus iarrachtaí breise comhlíonta i ndáil le cur chun feidhme bhuiséad an Aontais faoi bhainistíocht dhíreach, indíreach agus chomhroinnte.