Sanzjonijiet fuq oġġetti b’użu doppju

Oġġetti, servizzi bi skop militari u ċivili (“oġġetti u servizzi b’użu doppju”)

L-UE saħħet u estendiet il-kontrolli tal-esportazzjoni fuq oġġetti b’użu doppju biex timmira setturi sensittivi fil-kumpless militari industrijali tar-Russja, u llimitat l-aċċess tar-Russja għal teknoloġija avvanzata kruċjali:

• droni u software għad-droni
• software għall-apparati ta’ kriptaġġ
• software użat għall-manifattura tal-armi
• semikondutturi u elettronika avvanzata
• magni għad-droni
• sustanzi kimiċi u prekursuri kimiċi li jistgħu jintużaw għal armi kimiċi jew applikazzjonijiet militari oħra
• oġġetti għall-infurzar tal-liġi
• materjali speċjali u makkinarju industrijali
• tagħmir tal-camouflage u aġenti għall-kontroll tal-irvellijiet
• elementi terrestri rari
• termostati
• cameras termografiċi
• makkinarji għodda
• partijiet tal-makkinarju
• Muturi u servomuturi DC għal vetturi tal-ajru mingħajr ekwipaġġ (UAVs)
• komponenti elettroniċi identifikati fis-sistemi tal-armi (helicopters, missili, droni, u vetturi bir-roti)
• vetturi għal kull tip ta’ terren bħall-quad bikes
• amplifikaturi tal-microwave u tal-antenni
• reġistraturi diġitali tad-data tat-titjiriet
• prekursuri kimiċi għall-materjal enerġetiku
• spare-parts u komponenti ta’ għodod tal-magni ta’ preċiżjoni għolja b’Kontroll Numeriku tal-Kompjuter (CNC, Computer Numerical Control)
• metalli użati għall-kostruzzjoni ta’ sistemi ta’ armamenti 
• prodotti użati fil-preparazzjoni ta’ propellanti 

L-UE estendiet ukoll il-lista ta’ entitajiet sanzjonati li għalihom japplikaw restrizzjonijiet aktar stretti, inklużi kumpaniji attivi f’oqsma militari u ta’ difiża, li qed jappoġġjaw b’mod loġistiku u materjali l-invażjoni.

Il-projobizzjoni ta’ esportazzjoni eżistenti issa tkopri wkoll il-fuel tal-jets u tal-addittivi tal-fuel li jistgħu jintużaw mill-armata Russa.

Huma pprojbiti wkoll oġġetti b’teknoloġija aktar baxxa użati mill-militar bħal droni tal-logħob/passatempi, kontrolluri tal-logħob tal-video, apparati kumplessi ta’ ġeneraturi, laptops, cameras u lentijiet, apparat għall-għajnuna tan-navigazzjoni bir-radju u apparat għat-trażmissjoni jew ir-riċezzjoni ta’ vuċi, immaġni jew data.