Smachtbhannaí ar earraí dé-úsáide

Earraí, seirbhísí a bhfuil cuspóir míleata agus sibhialta ag gabháil leo (‘earraí agus seirbhísí dé-úsáide’)

Tá géarú agus leathnú déanta ag an Aontas ar na rialuithe easpórtála maidir le hearraí dé-úsáide chun díriú ar earnálacha íogaire i gcoimpléasc míleata tionsclaíoch na Rúise agus chun rochtain na Rúise ar ardteicneolaíocht ríthábhachtach a theorannú, amhail:

• dróin agus bogearraí le haghaidh na ndrón
• bogearraí le haghaidh gléasanna criptiúcháin
• bogearraí a úsáidtear chun airm a mhonarú
• leathsheoltóirí agus ardleictreonaic
• innill le haghaidh na ndrón
• ceimiceáin agus réamhtheachtaithe ceimiceacha a d’fhéadfaí a úsáid le haghaidh airm cheimiceacha nó feidhmeanna míleata eile
• nithe forfheidhmithe dlí
• ábhair speisialta agus innealra tionsclaíoch
• trealamh duaithníochta agus oibreáin smachtaithe círéibe
• tearc-chréanna
• teirmeastait
• ceamaraí teirmeagrafacha
• meaisín-uirlisí
• páirteanna innealra
• mótair SD agus seirbheamótair le haghaidh aerárthaí gan foireann
• comhpháirteanna leictreonacha a shainaithnítear i gcórais arm (héileacaptair, diúracáin, ladrainn, agus feithiclí rothacha)
• feithicil uile-thír-raoin, amhail cuadrothair
• aimplitheoirí micreathoinne agus aerthonnta
• taifeadáin sonraí eitilte dhigiteacha
• réamhtheachtaithe ceimiceacha d’ábhar fuinneamhachais
• páirteanna spártha agus comhpháirteanna meaisín-uirlisí le haghaidh Rialú Uimhriúil Ríomhaireachta (CNC) ardchruinnis
• miotail a úsáidtear chun córais armán a thógáil 
• táirgí a úsáidtear chun tiomántáin a ullmhú 

Tá leathnú déanta ag an Aontas freisin ar liosta na n-eintiteas faoi smachtbhannaí a bhfuil feidhm ag srianta níos déine ina leith, lena n-áirítear cuideachtaí atá gníomhach i réimsí míleata agus cosanta, ar cuideachtaí iad atá ag tacú leis an ionradh ó thaobh lóistíochta agus acmhainní de.

Cumhdaíonn an toirmeasc easpórtála atá ann faoi láthair breosla scairde agus breiseáin bhreosla a d’fhéadfadh arm na Rúise a úsáid.

Tá toirmeasc freisin ar ábhar ísealteicneolaíochta a úsáideann an t-arm cuir i gcás ladrainn bheaga/caithimh aimsire, rialtáin físchluichí, gléasanna casta gineadóra, ríomhairí glúine, ceamaraí agus lionsaí, gairis um chúnamh raidió loingseoireachta agus gairis chun guth, íomhánna nó sonraí a tharchur nó a ghlacadh.