Qafas Finanzjarju Pluriennali: id-dibattitu dwar il-prijoritajiet politiċi

Il-Kummissjoni Ewropea stabbiliet opzjonijiet - u l-konsegwenzi finanzjarji tagħhom - għal baġit tal-UE ġdid, modern u fit-tul sabiex twassal riżultati fuq il-prijoritajiet b’mod effiċjenti għall-Ewropej wara l-2020. Meta wieħed jiddiskuti l-livell ta’ ambizzjoni tal-azzjoni tal-UE f’oqsma bħall-protezzjoni tal-fruntieri esterni tal-UE, l-appoġġ għal Unjoni Ewropea tad-Difiża ġenwina, l-ixprunar tat-trasformazzjoni diġitali tal-Ewropa jew iż-żieda fl-effiċjenza tal-politiki ta’ koeżjoni u tal-agrikoltura tal-UE, huwa importanti li wieħed ikun konxju x’ifissru b’mod konkret l-għażliet differenti f’termini ta’ finanzjament fil-livell tal-UE. Il-Komunikazzjoni u l-iskedi informattivi ta’ hawn taħt jagħmlu eżattament dan – jikkwantifikaw l-impatt finanzjarju ta’ diversi għażliet ta’ politika possibbli. Jistabbilixxu wkoll il-konsegwenzi negattivi għaċ-ċittadini u għan-negozji jekk l-adozzjoni tal-baġit il-ġdid tal-UE jittardja.