Tá 5 mhilliún oibrí ar postú i margadh aonair an Aontais – is é sin fostaithe a sheolann a bhfostóir iad ar bhonn sealadach chun seirbhísí a sholáthar i dtír eile san Aontas. Faoi láthair, tá cúram casta ar ghnólachtaí doiciméid iomadúla agus éagsúla a chomhlánú i ngach tír den Aontas agus oibrithe á bpostú acu. Tá sé beartaithe ag an gCoimisiún anois an t-ualach riaracháin sin a laghdú trí thairseach dearbhaithe dhigitigh aonair a bhunú do chuideachtaí lena húsáid agus oibrithe á seoladh acu thar lear. Déanfaidh an tairseach aonair um dhearbhú digiteach an méid seo a leanas: an t-ualach riaracháin a bhaineann le postú oibrithe a laghdú: leis an tairseach, beidh cuideachtaí in ann foirm aonair a úsáid, a bheidh ar fáil i dteangacha oifigiúla uile an Aontais, seachas 27 bhfoirm náisiúnta éagsúla a úsáid. Ar an meán, tiocfaidh laghdú 73% ar an méid ama a chaitear ar na dearbhuithe a bhuí leis sin feabhas a chur ar an gcomhar i measc thíortha an Aontais: beidh an tairseach nua mar chuid den chóras a úsáidtear cheana féin chun monatóireacht a dhéanamh ar chomhlíonadh na rialacha maidir le hoibrithe a phostú tacú le cosaint oibrithe: tríd an bpróiseas a shimpliú, laghdófar cásanna neamhchomhlíonta agus méadófar trédhearcacht postuithe. Éascóidh an tairseach cigireachtaí ag tíortha an Aontais, rud a chuideoidh chun cearta oibrithe ar postú a chosaint Beidh tíortha an Aontais in ann an tairseach a úsáid ar bhonn deonach. Laghdófar go mór an costas riaracháin a bhaineann le hoibrithe a phostú sna Ballstáit rannpháirteacha. Cuirfidh sé sin le cuspóir an Aontais an t-ualach tuairiscithe ar chuideachtaí a laghdú 25%, mar a leagtar amach sa Teachtaireacht maidir le ‘Iomaíochas fadtéarmach an Aontais’. Tuilleadh eolais Oibrithe ar postú Do chearta agus d’oibleagáidí mar oibrí ar postú Preaseisiúint: Tairseach aonair um dhearbhú digiteach molta ag an gCoimisiún chun an t-ualach riaracháin a bhaineann le postú oibrithe a laghdú Ceisteanna agus freagraí faoin tairseach aonair dearbhaithe dhigitigh atá beartaithe Bileog eolais An margadh aonair agus caighdeáin Sonraí Dáta foilsithe14 Samhain 2024ÚdarArd-Stiúrthóireacht na Cumarsáide
