Applika għal impjieg temporanju

Tipi ta’ persunal mhux permanenti

Il-Kummissjoni Ewropea ta’ spiss tirrekluta persunal mhux permanenti għal kuntratti ta’ terminu fiss.

• il-persunal temporanju jagħmel xogħol speċjalizzat ħafna u jista’ jiġi ingaġġat għal żmien limitat
• il-persunal bil-kuntratt jagħmel xogħol manwali jew amministrattiv, jew jikkontribwixxi biex tiżdied il-kapaċità f’oqsma speċjalizzati meta ma jkunx hemm uffiċjali disponibbli; ġeneralment jiġi ingaġġat għal perjodu ta’ żmien fiss
• l-esperti nazzjonali sekondati (seconded national experts, SNEs) huma impjegati taċ-ċivil ikkwalifikati fl-Istati Membri tal-UE li jiġu ingaġġati biex jaqsmu dak li jafu u l-esperjenza esperta tagħhom mal-UE għal perjodu ta’ żmien fiss

Applikazzjonijiet spontanji

Hemm żewġ modi kif tissottometti applikazzjoni spontanja:

• L-Għodda għas-Selezzjoni tal-Aġenti Kuntrattwali (Contract Agent Selection Tool, CAST)

  Jekk jinteressak li tiġi reklutat(a) bħala membru tal-persunal bil-kuntratt mal-Kummissjoni jew ma’ istituzzjonijiet u korpi oħrajn tal-UE, tista’ tirreġistra fil-bażi tad-data tal-CAST.

  Meta jinqala’ l-bżonn li jiġi rrekultat persunal bil-kuntratt, il-persunal tagħna li jieħu ħsieb ir-reklutaġġi jfittex f’din il-bażi tad-data u jagħmel lista ristretta ta’ għadd ta’ kandidati li l-profili tagħhom ikunu jaqblu mar-rekwiżiti tal-impjieg.

  Biex tirreġistra fil-bażi tad-data tal-CAST, l-ewwel trid toħloq profil tal-EPSO. Imbagħad tista’ tirreġistra skont il-profil tal-impjieg li l-aktar li jkun jaqbel mal-isfond akkademiku u professjonali tiegħek.

  Agħżel profil u rreġistra fil-bażi tad-data 

• EU CV Online

  Tista’ tirreġistra fil-bażi tad-data tas-CVs tagħna billi toħloq kont tal-EU CV Online.

  Jekk inkunu interessati fil-profil tiegħek, il-persunal tagħna li jieħu ħsieb ir-reklutaġġ jikkuntattjak bil-posta elettronika jew bit-telefown.

  Irreġistra fil-bażi tad-data tas-CVs tagħna
   

Dokumenti