Cúnamh ón Aontas Eorpach don ÚcráinTacaíocht fhoriomlánTacaíocht airgeadaisTacaíocht dhaonnúilTacaíocht mhíleataAn tSaoráid don ÚcráinLánaí Dlúthpháirtíochta Tá an t-eolas seo ar fáil sna teangacha seo a leanas chomh maith: Úcráinis | українська | Rúisis | русский Forléargas Ó thús an chogaidh, tá an Rúis ag díriú go córasach ar bhonneagar fuinnimh shibhialta na hÚcráine, rud a fhágann go bhfuil cumhacht theoranta ag na milliúin Úcránach. I ngeall ar ghanntanais fuinnimh, níl teacht ag daonra na hÚcráine ar sheirbhísí bunúsacha, ina measc sin téamh agus uisce reatha, rud a imríonn tionchar ar go leor daoine leochaileacha.Tá an Coimisiún Eorpach tiomanta slándáil fuinnimh na hÚcráine a chinntiú. Chomh maith le haghaidh a thabhairt ar riachtanais láithreacha an phobail, táimid ag infheistiú i gcóras fuinnimh na hÚcráine chun é a dhéanamh níos athléimní san fhadtéarma.Ní ligfidh an tAontas don Rúis tabhairt ar an Úcráin géilleadh agus leanfaidh sé de bheith ag cabhrú le muintir na hÚcráine a fhad is gá. Aghaidh a thabhairt ar riachtanais fuinnimh láithreacha na hÚcráine €3 bhilliún Iomlán na tacaíochta ón gCoimisiún do shlándáil fuinnimh na hÚcráine ó rinne an Rúis ionradh iomlán€977 milliún Iomlán na tacaíochta ón Aontas don Úcráin do cheannacháin éigeandála gháis le haghaidh gheimhreadh 2025-2026 I mí Eanáir 2026, sholáthair an Coimisiún 447 ngineadóir cumhachta éigeandála dar luach €3.7 milliún ó chúlchistí straitéiseacha an Aontais chun cumhacht a thabhairt ar ais d’ospidéil, do bhrúnna dídine agus do sheirbhísí criticiúla san Úcráin. Rinneadh an méid sin tar éis ionsaithe na Rúise gan staonadh ar bhonneagar fuinnimh, rud a d’fhág níos mó ná 1 mhilliún Úcránach gan leictreachas, uisce ná teas i dteochtaí seaca -20°C. In éineacht leis an mBanc Eorpach Infheistíochta, chuir an Coimisiún €50 milliún breise ar fáil freisin do Naftogaz, cuideachta fuinnimh na hÚcráine atá faoi úinéireacht stáit. Agus an Úcráin ag tabhairt aghaidh ar an aimsir gheimhridh is déine ó bhí thús an chogaidh ann, cuideoidh an cistiú sin chun soláthar téimh agus fuinnimh a chinntiú do theaghlaigh, do sheirbhísí criticiúla agus do ghnólachtaí ar fud na tíre.I mí Lúnasa 2025 shínigh an Coimisiún comhaontú ráthaíochta leis an mBanc Eorpach Athfhoirgníochta agus Forbartha (BEAF) lena slógfar €500 milliún chun tacú le slándáil fuinnimh na hÚcráine roimh an ngeimhreadh. Cuideoidh an maoiniú sin chun cúlchistí gáis ídithe na tíre a athshlánú tar éis ionsaithe na Rúise ar shaoráidí táirgthe agus próiseála gáis. Chuir an tAontas beagnach €160 milliún ar fáil chun tacú le slándáil fuinnimh na hÚcráine le linn gheimhreadh 2024-2025. Ar an méid sin bhí cabhair dhaonnúil €60 milliún do bhrúnna dídine agus do théitheoirí agus thart ar €100 milliún d’oibreacha deisiúcháin agus d’fhoinsí in-athnuaite fuinnimh. Ina theannta sin, chun an brú atá ar chóras fuinnimh na tíre a laghdú, tá an méid seo a leanas curtha ar fáil ag an Aontas don Úcráin: níos mó ná 11,000 gineadóir cumhachtaníos mó ná 7,000 claochladán6 uathchlaochladánna mílte comhpháirteanna leictreacha na milliúin bolgán solais LED don Úcráin Slándáil fuinnimh na hÚcráine a chinntiú san fhadtéarma Chuir an Coimisiún pacáiste beart i láthair i mí Feabhra 2025 chun an Úcráin a lánpháirtiú i margadh fuinnimh an Aontais de réir a chéile agus athléimneacht fhoriomlán a córais fuinnimh a mhéadú. Bainfear an méid seo a leanas amach leis na bearta sin: éascú a dhéanamh ar lánpháirtiú mhargadh leictreachais na hÚcráine leis an Aontas faoi Earrach 2027lánpháirtiú breise a chumasú in earnáil gáis an Aontaisdlús a chur le hinfheistíochtaí san fhuinneamh in-athnuaite D’athlonnaigh an Coimisiún stáisiún cumhachta teirmí iomlán ón Liotuáin go dtí an Úcráin i mí na Nollag 2025. Leis an oibríocht sin, athbhunaíodh toilleadh criticiúil fuinnimh agus treisíodh go díreach eangach leictreachais náisiúnta na hÚcráine. Tá an gléasra in ann cumhacht a sholáthar do thart ar 1 mhilliún Úcránach. Rinneadh eangach leictreachais na hÚcráine a shioncrónú le Líonra Mhór-roinn na hEorpa i mí an Mhárta 2022, rud a d’fhág gurbh fhéidir leictreachas a easpórtáil ón Aontas chuig an Úcráin. Naisc ghaolmhara Comhar fuinnimh idir an tAontas agus Comharsanacht an OirthirTuilleadh eolais faoin gcaidreamh fuinnimh idir an tAontas agus an ÚcráinREPowerEUEolas faoi phlean an Aontais chun deireadh a chur de réir a chéile le hiompórtálacha breosla iontaise ón Rúis Nuashonraíodh an leathanach seo den uair dheireanach an 24 Aibreán 2026
Ó thús an chogaidh, tá an Rúis ag díriú go córasach ar bhonneagar fuinnimh shibhialta na hÚcráine, rud a fhágann go bhfuil cumhacht theoranta ag na milliúin Úcránach. I ngeall ar ghanntanais fuinnimh, níl teacht ag daonra na hÚcráine ar sheirbhísí bunúsacha, ina measc sin téamh agus uisce reatha, rud a imríonn tionchar ar go leor daoine leochaileacha.Tá an Coimisiún Eorpach tiomanta slándáil fuinnimh na hÚcráine a chinntiú. Chomh maith le haghaidh a thabhairt ar riachtanais láithreacha an phobail, táimid ag infheistiú i gcóras fuinnimh na hÚcráine chun é a dhéanamh níos athléimní san fhadtéarma.Ní ligfidh an tAontas don Rúis tabhairt ar an Úcráin géilleadh agus leanfaidh sé de bheith ag cabhrú le muintir na hÚcráine a fhad is gá.
Comhar fuinnimh idir an tAontas agus Comharsanacht an OirthirTuilleadh eolais faoin gcaidreamh fuinnimh idir an tAontas agus an Úcráin
REPowerEUEolas faoi phlean an Aontais chun deireadh a chur de réir a chéile le hiompórtálacha breosla iontaise ón Rúis
