Tá an t-eolas seo ar fáil sna teangacha seo a leanas chomh maith: Úcráinis | українська | Rúisis | русский
Freagairt láidir chuimsitheach ón Aontas
Seasann an tAontas le chéile ina thacaíocht bhuanseasmhach don Úcráin i bhfianaise chogadh foghach na Rúise agus a hiarrachtaí neamhdhleathacha chun críocha na hÚcráine a ionghabháil. Táimid tiomanta leanúint de thacaíocht pholaitiúil, airgeadais, eacnamaíoch, dhaonnúil, mhíleata agus taidhleoireachta a chur ar fáil don Úcráin agus dá muintir a fhad is gá.
Tacaíocht iomlán ón Aontas don Úcráin
San iomlán, €204.8 billiún atá i dtacaíocht an Aontais don Úcráin ó thosaigh cogadh foghach na Rúise. Tá an méid seo a leanas san áireamh ann:
- níos mó ná €108.8 billiún a chuir Team Europe ar fáil go dtí seo chun tacú le hathléimneacht fhoriomlán eacnamaíoch, shóisialta agus airgeadais na hÚcráine
- €75.2 billiún de bhearta cúnaimh mhíleata
- suas le €17 mbilliún chun cabhrú leis na Ballstáit freastal ar riachtanais mhuintir na hÚcráine san Aontas
- €3.8 billiún ó fháltais shócmhainní díchumasaithe na Rúise
An tacaíocht slógtha ag Team Europe
Chinn an tAontas, a Bhallstáit agus a institiúidí airgeadais cur chuige ‘Team Europe’ a ghlacadh mar fhreagairt ar chogadh foghach na Rúise. Ciallaíonn sé sin go bhfuilimid ag obair le chéile agus ag comhthiomsú ár n-acmhainní agus ár saineolais chun tionchar níos mó a bheith againn don Úcráin.
Ó thús an ionsaithe, tá níos mó ná €108.8 billiún curtha ar fáil ag Team Europe chun tacú leis an Úcráin. Tá an méid seo a leanas san áireamh ann:
- €43.3 billiún i gcúnamh macrairgeadais a eisíocadh chun cabhrú leis an Úcráin aghaidh a thabhairt ar riachtanais phráinneacha ar an láthair
- €40.4 billiún i gcúnamh díreach agus indíreach faoin tSaoráid don Úcráin
- €15 bhilliún de thacaíocht ó Bhallstáit den Aontas
- €2.8 billiún in iasachtaí agus ráthaíochtaí ó BEI, ó BEAF agus ó institiúidí airgeadais idirnáisiúnta eile arna ráthú ag an Aontas
- €1.4 milliún i gcabhair dhaonnúil
- €1.2 billiún i gcomhar déthaobhach
- €4.5 billiún de chineálacha eile tacaíochta
Tá an méid seo a leanas i measc na gcineálacha eile tacaíochta:
- €1.7 billiún i gcúnamh macrairgeadais+: fóirdheontas ráta úis
- €1.6 billiún de thacaíocht ón tSaoráid um Chónascadh na hEorpa le haghaidh Lánaí Dlúthpháirtíochta
- €330 milliún de thacaíocht mar chuid de phacáiste éigeandála
- €315 mhilliún do thionscadail atá ar siúl faoi láthair, méid a ndearnadh coigeartú air, chun freastal ar riachtanais phráinneacha ar an láthair
- €304 mhilliún do bhearta freagartha ar ghéarchéimeanna
- €114 mhilliún d’athshlánú scoileanna agus do bhusanna scoile
- €31 mhilliún de thacaíocht don tsochaí shibhialta
- €85 mhilliún don chomhar maidir le sábháilteacht núicléach
Cineálacha tacaíochta ón Aontas
Cobhsaíocht eacnamaíoch agus téarnamh na hÚcráine a chinntiú
Cabhair agus tearmann a chur ar fáil do mhuintir na hÚcráine
Aghaidh a thabhairt ar riachtanais fuinnimh láithreacha na hÚcráine agus ar an tslándáil fuinnimh fhadtéarmach
Tacú le téarnamh agus atógáil na hÚcráine, agus lena conair i dtreo aontachas leis an Aontas Eorpach
Cinnte a dhéanamh de go bhfanfaidh bealaí trádála na hÚcráine ar oscailt
Aghaidh a thabhairt ar riachtanais mhíleata agus chosanta na hÚcráine, ó oiliúint go trealamh agus armlón
Doiciméid
Bileoga eolais maidir le dlúthpháirtíocht an Aontais Eorpaigh leis an Úcráin
Foilseacháin ina mínítear gníomhaíochtaí an Aontais mar fhreagairt ar ionradh na Rúise ar an Úcráin.
Nuashonraíodh an leathanach seo den uair dheireanach an 8 Meitheamh 2026