Cúnamh ón Aontas Eorpach don Úcráin

Tá an t-eolas seo ar fáil sna teangacha seo a leanas chomh maith: Úcráinis | українська | Rúisis | русский

Freagairt láidir chuimsitheach ón Aontas

Seasann an tAontas le chéile ina thacaíocht bhuanseasmhach don Úcráin i bhfianaise chogadh foghach na Rúise agus a hiarrachtaí neamhdhleathacha chun críocha na hÚcráine a ionghabháil. Táimid tiomanta leanúint de thacaíocht pholaitiúil, airgeadais, eacnamaíoch, dhaonnúil, mhíleata agus taidhleoireachta a chur ar fáil don Úcráin agus dá muintir a fhad is gá.

Tacaíocht iomlán ón Aontas don Úcráin

San iomlán, €220.2 billiún atá i dtacaíocht an Aontais don Úcráin ó thosaigh cogadh foghach na Rúise. Tá an méid seo a leanas san áireamh ann:

• €107 mbilliún curtha ar fáil nó ráthaithe ag buiséad an Aontais
• €77 mbilliún de bhearta cúnaimh mhíleata
• suas le €17 mbilliún chun cabhrú leis na Ballstáit freastal ar riachtanais mhuintir na hÚcráine san Aontas
• €15.5 billiún de thacaíocht ó Bhallstáit den Aontas
• €3.8 billiún ó fháltais shócmhainní díchumasaithe na Rúise

Tacaíocht curtha ar fáil trí bhuiséad an Aontais

Ó thús an ionsaithe, tá €107 mbilliún de thacaíocht don Úcráin curtha ar fáil nó ráthaithe ag buiséad an Aontais.  Tá an méid seo a leanas san áireamh ann:

• €43.3 billiún i gcúnamh macrairgeadais a eisíocadh chun cabhrú leis an Úcráin aghaidh a thabhairt ar riachtanais phráinneacha ar an láthair
• €42 bhilliún i gcúnamh díreach agus indíreach faoin tSaoráid don Úcráin
• €11.6 billiún eisíoctha faoin Iasacht Tacaíochta don Úcráin
• €2.8 billiún in iasachtaí agus ráthaíochtaí ó BEI, ó BEAF agus ó institiúidí airgeadais idirnáisiúnta eile arna ráthú ag an Aontas
• €1.4 milliún i gcabhair dhaonnúil
• €1.2 billiún i gcomhar déthaobhach
• €4.5 billiún de chineálacha eile tacaíochta