Tá an t-eolas seo ar fáil sna teangacha seo a leanas chomh maith: Úcráinis | українська | Rúisis | русский
An 24 Feabhra 2022 chuir an Rúis tús le cogadh foghach i gcoinne na hÚcráine, agus leis sin, thug sé dúshlán do mhianta mhuintir na hÚcráine todhchaí níos fearr a bhaint amach, agus teacht níos gaire don Aontas. Ionsaí a bhí ann, ní i gcoinne na hÚcráine amháin, ach i gcoinne na saoirse, an fhéinchinntiúcháin agus an daonlathais.
Ó thús an chogaidh, sheas an tAontas an fód ar son na hÚcráine le tiomantas daingean. Chuireamar tacaíocht pholaitiúil, airgeadais, mhíleata agus dhaonnúil nach bhfacthas a leithéid riamh roimhe seo ar fáil don tír agus chuireamar fáilte roimh na milliúin Úcránach a raibh tearmann á lorg acu sna Ballstáit.
Leanfaidh an tAontas de chúnamh a chur ar fáil don Úcráin agus de smachtbhannaí a chur ar an Rúis agus orthu siúd atá comhpháirteach sa chogadh.
Gníomhaíochtaí an Aontais
Eolas faoi thacaíocht pholaitiúil dhaonnúil agus airgeadais an Aontais don Úcráin
Tacú leis an Úcráin agus lena hiarrachtaí lánpháirtiú a thuilleadh leis an Aontas
An chaoi a bhfuil an tAontas ag tacú le hiarrachtaí téarnaimh na tíre
Forléargas ar smachtbhannaí an Aontais lena ndírítear ar earnálacha, eintitis agus gníomhaithe comhpháirteacha
Cinnte a dhéanamh de go ngearrtar pionós ar an Rúis as a coireanna cogaidh agus go n-íocann sí as an damáiste a rinneadh
An chaoi a bhfuil an tAontas ag tacú leis na Ballstáit freastal ar riachtanais na ndaoine atá ag teitheadh ón Úcráin
Sa spotsolas
24 Lúnasa 2026 - Ar Lá Neamhspleáchais na hÚcráine, d’fhormheas an Coimisiún Eorpach maoiniú €6.1 billiún do chórais cosanta aeir agus frithdhiúracáin na tíre, agus le haghaidh diúracán, armlón agus radar.
Athdhearbhaíonn an maoiniú sin tiomantas na hEorpa tacú le cosaint agus athléimneacht na hÚcráine i gcoinne fhogha leanúnach na Rúise.
Tagann sé sin agus an Rúis ag géarú a hionsaithe le diúracáin bhalaistíocha agus dróin. 376 ionsaí diúracán a taifeadadh i mí Iúil, rud a chuireann i dtábhacht go bhfuil sé ag éirí níos práinní cosaint na hÚcráine a threisiú.
Amlíne
- 5 Lúnasa 2026
Fuair an tAontas ioncam €1.4 billiún ó shócmhainní Rúiseacha blocáilte, atá le húsáid chun tacú leis an Úcráin
- 30 Iúil 2026
D’eisíoc an Coimisiún €3.47 billiún leis an Úcráin le haghaidh ladrann, diúracán, aerchosanta agus aerárthaí troda
- 23 Iúil 2026
Ghlac an tAontas an 21ú pacáiste smachtbhannaí in aghaidh na Rúise
- 14 Iúil 2026
Chuir an tAontas Eorpach agus an Úcráin tús le cnuasach caibidlíochta aontachais maidir leis an gcaidreamh seachtrach
- 30 Meitheamh 2026
D’eisíoc an tAontas €3.8 billiún leis an Úcráin chun dróin a sholáthar
- 15 Meitheamh 2026
Chuir an tAontas agus an Úcráin tús leis an gcéad chnuasach caibidlíochta aontachais maidir le bunphrionsabail
- 8 Meitheamh 2026
D’eisíoc an Coimisiún beagnach €2.8 billiún leis an Úcráin sa seachtú híocaíocht rialta faoin tSaoráid don Úcráin
Imeachtaí
The JRC, in cooperation with Łukasiewicz Research Network, is organising its official side event in the framework of the Ukraine Recovery Conference (UCR).
I anledning af Europadagen den 9. maj afholder vi i samarbejde med Ukraine House et arrangement, der undersøger befrielse som en ulige og ofte omstridt oplevelse.
Doiciméid
Bileoga eolais maidir le dlúthpháirtíocht an Aontais Eorpaigh leis an Úcráin
Foilseacháin ina bhfuil eolas faoi ghníomhaíochtaí an Aontais mar fhreagairt ar ionradh na Rúise ar an Úcráin
Key documents: EU solidarity with Ukraine
Doiciméid oifigiúla de chuid an Choimisiúin maidir leis an dóigh a bhfuil an tAontas ag tacú leis an Úcráin
Nuashonraíodh an leathanach seo den uair dheireanach an 24 Lúnasa 2026