Assistenza tal-UE lill-Ukrajna

Din l-informazzjoni hi disponibbli wkoll: bl-Ukren | українська | bir-Russu | русский

Rispons tal-UE b’saħħtu u komprensiv

L-UE tinsab magħquda fl-appoġġ sod tagħha għall-Ukrajna quddiem il-gwerra ta’ aggressjoni tar-Russja u t-tentattivi illegali biex jiġi anness it-territorju Ukren. Aħna impenjati li nissoktaw fl-appoġġ politiku, finanzjarju, ekonomiku, umanitarju, militari u diplomatiku għall-Ukrajna u għall-poplu tagħha sakemm jibqa’ l-bżonn.

Appoġġ totali tal-UE għall-Ukrajna

B’kollox, l-appoġġ tal-UE lill-Ukrajna mill-bidu tal-gwerra ta’ aggressjoni tar-Russja jammonta għal €220.2 biljun. Dan jinkludi:

• €107 biljun ipprovduti jew iggarantiti mill-baġit tal-UE
• €77 biljun f’miżuri ta’ assistenza militari
• sa €17-il biljun biex jgħinu lill-Istati Membri jaqdu l-ħtiġijiet tal-Ukreni fl-UE
• €15.5 biljun f’appoġġ mill-Istati Membri tal-UE
• €3.8 biljun mir-rikavati tal-assi Russi immobilizzati

Appoġġ mobilizzat permezz tal-baġit tal-UE

Mill-bidu tal-aggressjoni, €107 biljun f’appoġġ għall-Ukrajna ġew ipprovduti jew iggarantiti mill-baġit tal-UE.  Dan jinkludi:

• €43.3 biljun f’assistenza makrofinanzjarja żborżata biex tgħin lill-Ukrajna tindirizza l-ħtiġijiet urġenti fuq il-post
• €42 biljun f’assistenza diretta u indiretta fl-ambitu tal-Faċilità għall-Ukrajna
• €11.6 biljun żborżati fl-ambitu tas-Self ta’ Appoġġ għall-Ukrajna
• €2.8 biljun f’self u garanziji mill-BEI, mill-BERŻ u minn istituzzjonijiet finanzjarji internazzjonali oħra ggarantiti mill-UE
• €1.4 biljun f’assistenza umanitarja
• €1.2 biljun f’kooperazzjoni bilaterali
• €4.5 biljun f’tipi oħrajn ta’ appoġġ